IMZOning Engelberg derazalari Yevroittifoq bozorini zabt etmoqda. Thermo 98 turkumidagi alyuminiy deraza tizimlarining ilk partiyasi Niderlandiyaga, xususiy rezidensiyaga o‘rnatish uchun yuborildi.
Niderlandiyalik xususiy developer shaharning chekkasida o‘z rezidensiyasini qurishni boshladi. U yer – sokin turar joy hududida, qarag‘ay daraxtlari orasida joylashgan. Me’mor zamonaviy tuzilishga ega loyiha taklif qildi: panoramali oynalar, tiniq geometriya va minimal vizual shovqinsiz yechim.
Loyihaning asosiy elementi derazalar bo‘ldi. Buyurtmachi shimoli-g‘arbiy Yevropa iqlimiga mos keladigan yechimni izladi: kuchli shamollar, yomg‘irlar va keskin harorat o‘zgarishlariga bardosh bera oladigan tizim. Dizayn va estetika masalasiga alohida e’tibor qaratildi.
Pudratchi bilan maslahatlashuvlardan so‘ng IMZOning flagman alyuminiy deraza modeli – Engelberg Thermo 98 tanlandi.
Loyiha haqida
Niderlandiyadagi rezidensiya minimalizm uslubida loyihalashtirilgan: qat’iy shakllar, tabiiy materiallar, chuqur oyna o‘rinlari va o‘rmonga qaragan keng panoramali derazalar. Me’morning g‘oyasiga ko‘ra, derazalar maksimal darajada yorug‘lik o‘tkazishi, yuqori energiya samaradorligini ta’minlashi, fasadga vizual yengillik berishi va shamol hamda yomg‘irga bardoshli bo‘lishi kerak.
Aynan shu sababli gollandiyalik me’morlar Alux Anthracite rangli Engelberg Thermo 98 alyuminiy deraza tizimlarini tanladilar. Metalux kollektsiyasidan o‘rin olgan bu zamonaviy rang deraza o‘rni hajmining chuqurligini bo‘rttirib ko‘rsatadi, tabiiy yog‘och va beton bilan chiroyli kontrast hosil qiladi, eng muhimi – fasad grafikasi uyg‘unligini buzmasdan, uni yanada ajratib ko‘rsatadi.
Engelberg Thermo 98: eksklyuziv sifat
Bu yangi avlod uchun mo‘ljallangan issiqlik saqlovchi alyuminiy tizim bo‘lib, +50°C issiqlikdan −40°C sovuqqacha ekstremal iqlim sharoitlari uchun maxsus ishlab chiqilgan. Aynan shu sababli Thermo 98 Shimoliy Yevropa iqlimi uchun ideal tanlov hisoblanadi.
Texnik xususiyatlari:
• Montaj chuqurligi – 98 mm.
• Issiqlik yo‘qotilishiga qarshilikni ta’minlovchi poliamiddan tayyorlangan termoko‘prik.
• 52 mm gacha bo‘lgan energiya tejovchi, quyoshdan himoyalovchi va triplex oynapaketlarni o‘rnatish imkoniyati.
• Germetiklik: ishonchli zichlash tizimi, shamol va yomg‘irlarga o‘ta chidamlilik, yuqori darajadagi tovush va issiqlik izolyatsiyasi ko‘rsatkichlari.
Thermo 98 – bu dizayn va muhandislikning mukammal uyg‘unligidir:
kattalashtirilgan deraza o‘rinlari, nafis vizual chiziqlar, shu bilan birga a’lo darajadagi issiqlik izolyatsiyasi, shovqinga qarshi himoya va deformatsiyalarga yuqori chidamlilik.
Engelberg – premium loyihalar uchun derazalar
Engelberg – bu «Lyuks» toifasidagi deraza tizimlari brendi bo‘lib, premium apartamentlar va xususiy rezidensiyalar uchun mo‘ljallangan.
Engelberg derazalari eksklyuzivlik va funksionallikning ideal uyg‘unligini qadrlaydiganlar uchun yaratilgan.
Kelajakdagi eksport salohiyatini yanada kengaytirishga va savdo hajmini oshirishga bo‘lgan ishtiyoq fabrikamiz rivojlanishida ulkan turtki bo‘lib kelmoqda. Ko‘plab yangiliklar qilishda to‘xtamaslik va Yevropa bozori uchun eng optimal mahsulotlar ishlab chiqarish istaklarimizni oshirmoqda.
Reklama huquqi asosida.
Izoh (0)