Yaponiyalik erkak qaror qabul qilishni istisno qiladigan turmush tarziga rioya qilish natijasida ish samaradorligini oshirdi, deb yozadi “Pravila jizni”. U 15 yil davomida bir xil ovqat iste’mol qilgan, bir xil kiyingan va qat’iy kun tartibiga amal qilib yashagan.
38 yoshli Guo Kitaning so‘zlariga ko‘ra, u ofisda ishlay boshlaganida doimiy biror mayda yumushni hal qilish zaruratiga duch kelgan. Shu sababli yaponiyalik shaxsiy hayotida qabul qiladigan qarorlar sonini kamaytirish yo‘lini izlab topgan.
U sobiq beysbolchi Ichiro Suzuki Kitadan o‘rnak olgan. Sportchi yetti yil davomida qat’iy rejimga rioya qilgan. Natijada u musobaqa vaqtida diqqatini faqat o‘yinga qaratishga va birgina mavsumda kamida 200 marta ketma-ket o‘nta zarba berishga muvaffaq bo‘lgan. Bu ko‘rsatkich Beysbol oliy ligasi uchun rekorddir.
Kita beysbolchidan ilhomlanib, nonushtaga yong‘oq va ramyon, tushlikda tovuq go‘shti, kechki ovqatda esa qovurilgan cho‘chqa go‘shti va loviya iste’mol qila boshladi. Erkak doim bir necha xil futbolka va shim kiyar, yangi uslubdagi narsalarni xarid qilmas edi. U har bir kundalik yumushlari — hatto soqol olish va yuvinish kabi mayda ishlar uchun alohida vaqt belgilagan va unga o‘n besh yil davomida qat’iy rioya qilib kelgan.
Yapon fuqarosining fikricha, bunday turmush tarzi tufayli u ruhan kamroq charchagan, stress miqdori kamaygan. Eng asosiysi, qaror qabul qilishni cheklaydigan mazkur qat’iy rejim unga aniqroq fikr yuritish va ishda samaraliroq bo‘lish imkonini bergan.
Izoh (0)