2016-yilda Disney kompaniyasining “Moana” filmida Maui ismli qahramonga ovoz bergan Dueyn Jonson og‘ir kasallikka chalingan qizaloqning orzusini ro‘yobga chiqardi.
Aktyor to‘rt yoshli mitti bemor qizning sevimli multfilmidagi qo‘shiqni kuylab berdi.
Jonson “Make a wish” xayriya jamg‘armasi iltimosiga ko‘ra ushbu videoni Instagram va X ijtimoiy tarmoqlaridagi sahifasida e’lon qildi.
https://x.com/TheRock/status/1807619847011901900
Men sizlar bilan baham ko‘rishim kerak bo‘lgan bir iltimosnoma oldim. U “shoshilinch iltimos” deb ataladi. Bu esa vaqt biz tomonda emasligini anglatadi, — dedi Dueyn.
Jiddiy kasallikni boshdan o‘tkazayotgan qizaloqqa hozirda hospisda g‘amxo‘rlik qilinmoqda. U har kuni “Moana”ni sevib tomosha qiladi. Uning otasi xayriya fondiga kichik bir mo‘jiza so‘rab murojaat qilgan edi.
Menga jajji insonning tilagini amalga oshirishga imkon berganingiz uchun katta rahmat. Men sen uchun “You’re Welcome” qo‘shig‘ini o‘zgacha talqinda kuyladim. Umid qilamanki, senga yoqdi. Lili, sen juda ham o‘zgachasan! — deya aktyor qizga yuzlandi.
Izoh (0)