2004-yilda Facebook ijtimoiy tarmog‘iga asos solgan dasturchi Mark Sukerberg 40 yoshga to‘lgani munosabati bilan o‘ziga 300 million dollarlik hashamatli yaxta sotib oldi. Kuni kecha milliarder o‘zining yangi yaxtasida O‘rta Yer dengizida joylashgan Mayorka orollar yaqinidagi Balear dengizida dam olmoqda, deb yozdi El País.
Yaxta Palma de Malyorka ko‘rfazida e’tiborga tushgan. Mark Sukerberg otasi Edvardning 70 yoshini nishonlash uchun yaqin qarindoshlari va do‘stlari bilan birga Balear orollari tomonga suzib ketdi.
Yangi Launchpad yaxtasining uzunligi 118 metr, eni 15 metr bo‘lib, Monakoning Espen Oino International kompaniyasi tomonidan loyihalashtirilgan va Gollandiyaning Feadship kompaniyasining maxsus buyurtmasi asosida ishlab chiqarilgan. U 24 nafar yo‘lovchi va 48 nafar ekipaj aʼzolarini sig‘dira oladi. Yaxtaning qiymati 300 million dollarga baholangan.
Kema oq va to‘q ko‘k rangdagi uchta palubaga ega, uning bosh qismida tennis korti, orqa tomonida esa vertolyot uchun maxsus maydon bor. Shuningdek, yaxtada dengiz bo‘yida ovqatlanish imkonini beruvchi oynali terrasa ham mavjud.
Izoh (0)