Davlat rahbari huzurida 2023-yil 18-aprelda “Suv sohasini isloh qilish” masalalariga bag'ishlab o'tkazilgan videoselektr yig'ilishida berilgan topshirig'iga asosan 2023-yil 29-may kuni “Agrobank” ATB tomonidan “Suvchilar maktabi” tashkil etildi.
Dasturning asosiy maqsadi — fermer va soha mutaxassislarining malakasini oshirish, suvni tejaydigan zamonaviy texnologiyalarni keng joriy etish va “Suv — tekin” degan eski qarashdan butunlay voz kechishdir.
-9D7MXqv6.avif)
Buning uchun, “Agrobank” tomonidan moliyalashtirilgan “Suvchilar maktabi”, birinchi bosqichda 155 tumanda qisqa muddatli kurslar orqali 61 mingdan ortiq fermer va soha mutaxassislari zamonaviy bilim va ko‘nikmalarga ega bo‘ldi. Bu jarayonda Turkiya, Xitoy va Ispaniyaning ilg‘or tajribalari o‘rganildi, xorijiy va mahalliy mutaxassislar ishtirokida o‘quv dasturlari ishlab chiqildi.
“Bugungi kunda, texnologiyalar yordamida biz fermerlarga rasmiy ravishda 1 gektar maydonda paxta yoki bug‘doy yetishtirish uchun qancha suv kerakligini ko‘rsatib bera olamiz, chunki ishlayotgan texnologiya va qurilmalarimiz 1 kunlik suv ehtiyojini ham hisoblab bera oladi”, deydi turkiyalik ekspert Mexmet Akif Keskinkilich.
-VtpIpISR.avif)
Ikkinchi bosqich 2024-yil 3-fevralida start oldi. Respublika bo‘yicha 13 hududda zamonaviy o‘quv xonalari va 250 gektarlik tajriba maydonlari tashkil etildi. Tomchilatib, yomg‘irlatib va diskret sug‘orish tizimlari, avtomat boshqaruv hamda agrometeostansiyalar o‘rnatildi. Jami 234 nafar o‘qituvchi, jumladan 35 nafar xorijlik olim va mutaxassis ishtirok etdi. Natijada 13 mingga yaqin fermer o‘qitilib, 4 ming xo‘jalik suvni tejaydigan texnologiyalarni o‘z maydonlariga tatbiq etildi.
Xorijiy ekspert Shengtian Chen mutaxassis fikricha, Xitoyda bunday tizimli va professional o‘quv muassasalari mavjud emas. Taʼkidlashicha, Xitoy tajribasi va ilg‘or uskunalarni O‘zbekistonda keng targ‘ib qilishni rejalashtirmoqda. Fermerlarga o‘quv darslarini o‘tkazish bilan ularning ekin hosildorligini oshirishni ham. Shu sababli, suvni tejash texnologiyalari yordamida, hosildorlik 30% oshadi.
-qYIQbLhP.avif)
“2025-yil — suv xo‘jaligida nasoslar samaradorligini oshirish yili”, deb eʼlon qilindi. Davlatimiz rahbari topshiriqlariga muvofiq, «bir kanal — bir tizim” tamoyili asosida 13 kanal to‘liq zamonaviy suvni tejaydigan texnologiyalarga o‘tkaziladi, nasoslarda quyosh fotoelektrik stansiyalari qo‘llaniladi. Shu bilan birgalikda, joriy yilda Agrobankning “Agrobooks” loyihasi doirasida suvni tejaydigan texnologiyalardan foydalanish boʼyicha 30 ta metodik qoʼllanmadan iborat “Suv kitob toʼplam” ishlab chiqildi va chop etildi. Joriy yilda 10 mingdan ortiq fermer o‘qitilishi va tajriba maydonlarining kengaytirilishi rejalashtirilgan.
Shuningdek, respublikaning 13 ta hududida “Suvchilar maktabi”da 15-20 gektarlik ilg‘or suv tejovchi texnologiyalar joriy qilingan tajriba maydonlari barpo etildi.
Suvchilar maktabi — bu nafaqat taʼlim maydoni, balki mamlakatimiz suv xo‘jaligidagi yangi strategik bosqichning amaliy ifodasi, fermerlarning ishonchli tayanchi va qishloq xo‘jaligining barqaror rivojlanishiga xizmat qiladigan muhim loyihadir.
Reklama huquqi asosida.
Izoh (0)