Yaponiyalik erkak xotiniga bir kunda 100 marta qo‘ng‘iroq qilgani uchun hibsga olindi

Yaponiyaning Amagasaki shahrida yashovchi 38 yoshli erkak o‘z xotinini telefonda ta’qib qilgani uchun hibsga olindi, deb yozadi Sora News. U bir oy davomida rafiqasiga kuniga taxminan 100 marta anonim raqamdan qo‘ng‘iroq qilgan.

31 yoshli yaponiyalik ayolning so‘zlariga ko‘ra, anonim qo‘ng‘iroqlar 10-iyulda boshlangan. Har safar abonent telefon go‘shagiga g‘amgin xo‘rsingan. Ayol raqam anonim bo‘lgani uchun uni bloklab qo‘ya olmagan.

Qayd etilishicha, qo‘ng‘iroqlar er-xotin uxlayotgan paytdagina tingan, shuningdek, ayol erining telefonidan o‘yin o‘ynash uchun foydalangan paytda ham hech kim qo‘ng‘iroq qilmagan.

Ayol huquq-tartibot organlariga murojaat qilganidan so‘ng bir oy davomida o‘z eri uni telefon orqali ta’qib qilgani ma’lum bo‘ldi. Erkak o‘z aybini tan olgan va o‘z xatti-harakatini ayolini sevishi bilan izohlagan