Tokioning Yangi yil bayramiga bag‘ishlangan kimoshdi savdosida 276 kilogrammli moviy tunets balig‘i 207 million iyena (1,3 million dollar) ga sotildi. Bu haqda “Pravila jizni” xabar berdi.
Ma’lum qilinishicha, bu narx 1999-yildan beri yapon baliq bozorlarida qayd etilgan eng yuqori qiymat emas. Bundan avval 2019-yilda katta hajmli tunets 333 million iyenaga (3,1 million dollar) sotilgan edi.
Baliq 4-yanvar kuni Aomori prefekturasida tutilgan. Uning kimoshdi savdosida Onodera Group nomli restoranlar tarmog‘i g‘olib bo‘lgan.
“Restoranimizga keltirilgan birinchi baliq yangi 2025-yilda biznesimizga omad va baraka keltirishiga ishonamiz hamda xaridimiz eng qimmat baliqni tatib ko‘rish istagida bo‘lgan mijozlarni jalb etishiga umid qilamiz”,
deydi Onodera Group vakili.
Izoh (0)