Paddington ayig‘iga rasman Britaniya pasporti berildi. Bu haqda Rob Silvaning Radio Times nashriga bergan intervyusiga tayanib “Pravila jizni” xabar berdi.
“Biz Britaniya Ichki ishlar vazirligidan syomka ishlari uchun rekvizit shaklida shaxsni tasdiqlovchi hujjat olishimiz mumkinmi, deb so‘radik va ular bizga rasmiy pasportni taqdim etishdi. Bunday turdagi pasport yagona nusxadadir”, deya Silva ichida Paddingtonning surati tushirilgan hujjatni ko‘rsatdi.
“Biz Ichki ishlar vazirligining bunday hazilkash ekanini bilmagan edik, lekin ular pasportning ichiga ayiq deb yozib qo‘yishibdi”, dedi u.
Ayiqqa ovoz bergan aktyor Ben Uishou so‘zlariga ko‘ra, franshizaning uchinchi qismi Peruda bo‘lib o‘tgan, shuning uchun ayiqqa pasport kerak bo‘lmagan. Suratga olish ishlarining barchasi London markazidagi studiyada yozib olingan.
The Guardian Paddingtonni “Britaniya aholisining eng yaxshi sevimli va eng taniqli qochqinlaridan biri” deb ataydi, chunki filmda ayiq Perudan bo‘ladi.
Foto: Newsweek
“Paddingtonning sarguzashtlari” rejissyor Maykl Bond tomonidan suratga olingan bo‘lib, yaxshi hayot ilinjida xolasi bilan Perudan Londonga qochishga majbur bo‘lgan gapiruvchi ayiq haqidadir. Syujetga ko‘ra, Paddington Braunlar oilasi bilan tanishadi. Dastlab ular bilan til topisha olmaydi, ammo tez orada ularga kerakli inson ekanligini isbotlaydi.
Aktyor Ben Uishou “Paddingtonning sarguzashtlari”ning ikkala qismida ham ayiqqa ovoz bergan. “Paddington sarguzashtlari-3” filmi jahon prokatiga 8-noyabrda chiqishi kutilmoqda.
Izoh (0)