Kunlar sovishi bilan ko‘pchilik odamlar o‘zlaridagi ruhiy tushkunlik, ishdagi samaradorlikning keskin pasayishi, tez toliqish va lanjlikdan shikoyat qiladi. Kishida alohida sabablarsiz mana shunday ruhiy ahvolning kuzatilishiga mavsumiy tushkunlik sabab bo‘lishi mumkin. Lekin tashvishlanishga hojat yo‘q, quyidagi ajoyib kashfiyotlar tushkunlik va stressni uzoq vaqtga unutishingizga yordam beradi.
“This is fine” memiga atalgan konstruktor
Amerikalik multiplikator va komikslar muallifi Key Si Grin tomonidan yaratilgan ushbu memga joriy yilda 11 yil to‘ladi. Chuqur tashvishga tushgan vaqtingizda mazkur konstruktorni yig‘ishingiz va barchasi o‘ylaganingizdek yomon emasligiga amin bo‘lishingiz mumkin.
Paxmoq robot
Casio kompaniyasi o‘zining yangi Moflin laqabli paxmoq robotni taqdim etdi. Mitti hayvon tashqi ko‘rinishidan sichqonga o‘xshab ketadi. Moflin shirin tovushlar va mitti harakatlar orqali egasi bilan taktil so‘zlashadi.
Mazkur robot insonlarni emotsional jihatdan qo‘llab-quvvatlash va ruhiy farovonlikni yaxshilash uchun yangi vosita sifatida ishlab chiqarilgan. Vaqt o‘tishi bilan robotga yangi funksiyalar kiritiladi va keyinchalik u bilan egasining ovozini taniy oladigan bo‘ladi.
Uzatma qutisining mini versiyasi
Kickstarter Kraudfanding saytida Magic Box-S1 nomli yangi o‘yinchoq taqdim etildi. U tashqi ko‘rinishidan avtomobildagi mexanik uzatmalar qutisiga o‘xshaydi. Gadjetda stressdan xalos bo‘lish uchun yordam beradigan juda burmalar, tugmalar va kalitlar mavjud. U spinner, pop-it va boshqa antistress o‘yinchoqlar analoglarining o‘rnini bosadi.
“Do‘mboq mushukcha” kreslosi
Ehtimol, barcha muammolaringizdan yashirinishingiz mumkin bo‘lgan eng qulay joy mazkur kreslo bo‘lsa kerak. Kreslo yig‘iladi va qayta ochiladi, unda oyoqlarni yoyib o‘tirish mumkin. Bundan tashqari, unda smartfonni qo‘yish uchun maxsus joy ajratilgan. Kresloning materiali suv o'tkazmaydigan matodan tayyorlangan bo‘lib, uni o‘zingizning o‘lchamingizga moslashtirishingiz mumkin.
Pika neyrotarmog‘i
Ba’zan vizual kontent ham dam olishga yordam beradi. Pika neyrotarmog‘i aynan shu maqsadda ishlab chiqilgan. Mazkur servis turli suratlarga “jon beradi” va ularga surreal effektlar qo‘shadi. Unda 3D obyektlarni maydalash, tekislash yoki ezish ham mumkin.
Izoh (0)