Amerikalik YouTube bloger Rokko Battliyer Lego g‘ishtlaridan butun dunyoga mashhur diqqatga sazovor joylar va qadimiy shaharlarning miniatyura modellarini yig‘ib keladi.
1950-yillarda ilk bor ishlab chiqarilgan Lego o‘yinchoqlari ko‘plab avlodlarning sevimli mashg‘ulotiga aylangan. Ma’lumoti bo‘yicha arxitektor bo‘lgan Rokko Battliyer ham ushbu o‘yinchoqqa bolaligidan katta qiziqish bildirgan va yirik shaharlar qurish loyihasini 2009-yilda boshlagan.
Shu vaqtgacha u qadimgi Rim, Quddus, Vatikan, Eyfel minorasi, Vestminster saroyi va boshqa ko‘plab shahar va binolarning kichik namunalarini yasab kelmoqda. Quyida Vatikan shahrining miniatyura shaklini yasash uchun 67 mingdan ortiq Lego kublaridan foydalangan:
U har bir miniatyura obyekt ustida bir necha oy davomida ishlaydi, o‘n minglab Lego detallarini ko‘zdan kechiradi. Bloger ishni boshlashdan avval o‘zi tanlangan obyekt haqidagi maqola va hujjatlarni chuqur o‘rganadi va ba’zan muzey xodimlari, tarixchilar bilan ham maslahatlashadi.
“Men o‘z ishimda detallar va reallikka alohida e’tibor beraman va ishim orqali insoniyat uchun tarixiy jihatdan bebaho bo‘lgan madaniy meroslarning yanada ko‘proq e’tirof etilishiga yordam beraman”, deydi Rokko o‘z ishi haqida.
So‘nggi kunlarda bloger Kapitoliy tepaligi inshootlari va u bilan bog‘liq yorqin joylarning Legodan yasalgan namunasi bilan ijtimoiy tarmoqlarda bo‘lishmoqda.
Izoh (0)