Чарли Чаплин, Марлон Брандо каби жаҳон киносининг афсонавий юлдузларининг авлодлари қандай кўринишда? Ушбу савол ҳар қандай кино ихлосмандини қизиқтириши аниқ.
Итен Пек — Грегори Пекнинг набираси
1950 йилларда миллионлаб қизлар Грегори Пекка “Рим таътиллари” фильмидаги роли орқали ошиқ бўлган. Фильмдаги малика Анна ва Жо Бредлининг ҳикояси ҳеч кимни бефарқ қолдирмаган.
Итен Пек бугунги кунда бобосининг йўлидан бориб, сериаллар ва фильмларда суратга тушмоқда.
Жеймс Терре — Чарли Чаплиннинг набираси
Чарли Чаплин ҳаёти давомида тўрт марта уйланган ва аёлларидан 12 нафар фарзанди бўлган. Жеймс Терре — Чаплиннинг тўртинчи хотини Унадан туғилган қизи Викториянинг ўғли.
Жеймс Швейцарияда туғилган ва улғайган. У раққос, актёр ва цирк артисти ҳисобланади. Унинг ота-онаси, Виктория ва Жан-Батист Терре, “Янги цирк” йўналишининг асосчиларидан ҳисобланади. Бу йўналиш аренада драма, театр ва анъанавий цирк жанрларини бирлаштирди.
Ҳозирда Жеймс “Ҳаннетон” номли ўз театрига эга бўлиб, рақс ва циркни уйғунлаштирган чиқишлар намойиш этади.
Туки Брандо — Марлон Брандонинг набираси
Марлон Брандо 11 нафар фарзанднинг отаси бўлган. Улардан учтаси асраб олинган бўлса-да, машҳур оталарининг фамилиясини олган. Туки Брандо актёр ва таитилик Тарита Терипия исмли аёлнинг набираси. Қизиғи, айнан шу никоҳ Брандо ҳаётидаги энг узоқ давом этган 10 йиллик турмуш ҳисобланади.
Туки Брандо ҳозирда модел сифатида фаолият юритади. У Versace бренди билан ишлайди, подиумларда чиқади ва фотосессияларда иштирок этади. Шу билан бирга, у тиббиёт университетини ҳам битирган.
Кларк Жеймс Гейбл — Кларк Гейблнинг набираси
Кларк Гейбл “Шамолларда қолган ҳисларим” фильмидаги Рет Батлер роли билан машҳур бўлган ва ХХ аср киносининг энг кўркам эркакларидан бири саналган.
Унинг набираси Кларк Гейбл III ҳам жозибаси ва харизмаси билан бобосига жуда ўхшайди. У 5 ёшидан модел сифатида ишлай бошлаган. Ҳозирда эса “Cheaters” (Хиёнатчилар) номли машҳур реалити-шоунинг бошловчиси сифатида фаолият юритади. Ушбу кўрсатув жамоаси турмуш ўртоғига хиёнат қилаётган инсонлар ҳақида суриштирув олиб боради.
Изоҳ (0)