Голливуд актёри Дуэйн Жонсон 2024 йилда энг кўп маош олувчи актёрлар рўйхатида биринчи ўринни эгаллади. Бу ҳақда Forbes нашрига таяниб Kino.mail.ru хабар берди.
Маълумотларга кўра, актёр ўтган йилда 88 миллион доллар ишлаб топган. Ушбу даромаднинг катта қисми “Қизил” номли янги йил байрами мавзусидаги комедиясидаги роли ва Диснейнинг “Моана 2” мультфильмида Мауи образига берган овозидан келиб тушган.
Энг кўп маош оладиган актрисалар рейтингида актриса Никол Кидман етакчилик қилди ва умумий рўйхатда саккизинчи ўринни эгаллади: унинг бир йиллик даромади 31 миллион долларга етди.
Юқори миқдорда гонорар оладиган санъаткорлар рўйхатида Райан Рейнолдс (85 миллион доллар), Кевин Ҳарт (81 миллион доллар), Жерри Сйнфелд (60 миллион доллар), Ҳью Жекман (50 миллион доллар), Бред Питт (42 миллион доллар), Жорж Клуни (31 миллион доллар), Адам Сендлер ва Уилл Смит (ҳар бири 26 миллион доллар) каби актёрлар ҳам киритилди.
Фото: Kino.mail.ru
Forbes нашри мазкур рейтингни тузишда Голливуд юлдузларининг режиссёрлик, актёрлик ёки продюсерлик фаолиятидаги барча лойиҳаларни ҳисобга олган.
Изоҳ (0)