Керем Бурсин “Қалбим эшигини қоқ” романтик комедияси экранларга чиққач, жаҳон миқёсида танилди. Бугунги кунда у жангари фильм қаҳрамонларидан тортиб мафтункор севги қаҳрамонларигача бўлган турли хил ролларни ижро этмоқда.
Бурсин фаолиятини кам бюджетли фильм ва реклама роликларидан бошлаган. Юлдузнинг экрандаги образи ортида оддий қизиқишларга эга инсон яширинган — бу ҳақда мақолада батафсил тўхталамиз.
1. Отаси ўғлининг актёр бўлишини истамаган
Бурсин 1987 йил 4 июнда Истанбулда дунёга келган. Отаси Иброҳим Помир йирик нефть компаниясида раҳбарлик лавозимида ишлаган. Онаси Чигдем Керем ва унинг синглиси Мелисани тарбиялаш билан машғул бўлган. Мелиса кейинчалик фотограф бўлган. Оила тез-тез кўчиб юргани боис Керем Бурсин Шотландия, Индонезия ва Малайзияда яшаш имкониятига эга бўлган. Бу тажриба келажакдаги юлдузда дунёга очиқлик, бошқа маданиятларга ҳурмат ва билимга чанқоқлик хислатларини шакллантирган.
Керем 10 ёшга тўлганда Бурсинлар оиласи Техасга кўчиб ўтган. Бир куни у ота-онасига актёр бўлишни исташини айтган. Онаси ўғлини қўллаб-қувватлаган, аммо арзон фильмларда суратга тушмасликка ваъда беришини сўраган. Отаси эса бунга қатъиян қарши бўлган. Шу боис йигит актёрлик карьерасини захира режа сифатида қолдириб, Бостондаги Эмерсон коллежининг коммуникация ва маркетинг факультетига ўқишга кирган.
Университетни битиришига бир йил қолганда ота-онаси Малайзияга жўнаб кетишган. Керем эса фурсатдан фойдаланиб, орзусини рўёбга чиқариш учун Лос Анжелесга йўл олган.
2. Рок-гуруҳ
Бурсин мактаб йилларида “Андроген” номли рок гуруҳини тузган. Гуруҳда уч аъзо бор эди: Керем бас гитарада чалар, Сезар А. Осорио вокалист, Остин Александер эса барабанчи эди. Биринчи концертлари 2002 йилда бўлади, кейин гуруҳ икки йил кетма-кет Техасдаги мусиқа фестивалида қатнашди. 2000 йиллар ўрталарида гуруҳ 100 дан ортиқ нусхада биринчи демо-дискни чиқаради ва у уч кун ичида сотиб тугатилади.
Ўрта мактабни тугатгач, гуруҳ ўз номини The Bellamy деб ўзгартиради. Йигитларнинг катта режалари бор эди — машина ижарага олиб, Америка бўйлаб саёҳат қилмоқчи эдилар. Бироқ Керемнинг ота-онаси бунга рухсат бермайди.
3. Забт этилмаган Голливуд
Кастингларда режиссёрлар бу йигитга қизиқиб қолишарди, аммо Бурсин ҳаётининг кўп қисмини АҚШда ўтказгани ва туркча билмаслиги маълум бўлгач, бу қизиқиш тез сўнарди. Унинг актёрлик фаолияти 2006 йилда “Пайшанба” фильмидаги собиқ аскар роли билан бошланади.
Шундан сўнг бир нечта кичик роллар ижро этади. Бир неча йил ўтгач, кичик бюджетли даҳшатли фильмлар афсонаси ва кинога қўшган ҳиссаси учун фахрий “Оскар” мукофоти соҳиби Рожер Корман Бурсинга эътибор қаратади. Онасига берган ваъдасига қарамай, Керем “Акула-саккизоёқ” фильмидаги рол учун синовдан ўтади. Фильм 2010 йилда экранга чиқади, аммо қаттиқ танқидга учрайди. Шундан сўнг Бурсин мутахассислиги бўйича иш топиш ҳақида жиддий ўйлай бошлайди.
4. Ҳар қандай ишга рози бўлган
Иброҳим Помир ўғлига моддий ёрдам беришни тўхтатади. Керем тирикчилик ва актёрлик машғулотлари учун пул топишга мажбур бўлади — унинг устозлари Керолин Пикман ва Эрик Моррис эди. Эрик Моррис Жек Николсон ва Арнольд Шварценеггерни жаҳон даражасига олиб чиққани билан танилган.
Бурсин официант, қўриқчи, ҳайдовчи ва ҳатто фаррош сифатида ишлаган.
5. Акасининг тўйида тақдир белгилаган учрашув
2012 йилда Керем амакиваччасининг тўйига Туркияга келади ва бу ерда продюсер Гайе Семкен билан танишади, у Керемни бир актёрлик агентлигига тавсия қилади. Бурсин ватанида бахтини синаб кўришга қарор қилиб янглишмайди. Бўлажак юлдуз 2013 йил июлида премераси бўлиб ўтган “Қуёшни кутиб” сериалига таклиф этилади.
2020 йилда Fox телеканалида эфирга чиққан “Қалбим эшигини қоқ” сериалида у архитектура бюроси раҳбари Серкан Болат ролини ижро этади. Бош аёл ролини аллақачон машҳур актриса Ҳанде Эрчел ўйнайди. Суратга олиш пайтида улар ўртасида севги муносабатлари пайдо бўлади, аммо икки йилдан сўнг жуфтлик ажрашади.
6. Американча талаффуз
АҚШда ўтказган йиллари ва инглиз тилини эркин билишига қарамай, Бурсин турк илдизларига содиқ қолди. У ватани маданиятига чуқур ҳурмат кўрсатиб, унинг муносиб вакили бўлишга интилади.
Америка талаффузидан қутулиш учун Керем репетитор билан шуғуллана бошлади. Шу билан бирга, у инглиз тилини амалиёт қилиш имконини берадиган ролларни танлашга ҳаракат қилади. Актёр Голливудни забт этиш ниятидан воз кечмаган.
7. Спорт — ҳаётининг ажралмас қисми
Келишган ва хушбичим актёр спортнинг нафақат қоматни сақлашига, балки фикрларни ҳам тартибга солишига ишонч билдиради. У вақти-вақти билан мухлисларини спорт залидан суратларини эълон қилиш орқали хурсанд қилади.
Бундан ташқари, юлдуз сайр қилишни яхши кўради. Бу нафақат жисмоний фаоллик, балки ўзларининг қизиқарли ҳаётлари ҳақида ҳикоя қиладиган кўча савдогарлари билан суҳбатлашиш усули ҳамдир.
8. Жамоатчилик позицияси
Керем ижтимоий мавқейи юқори, адолат ва ҳурматни қадрлайдиган оилада вояга етган. Отаси унга болалигиданоқ дунёда омади камроқ бўлган инсонлар борлигини тушунишни ўргатган. Бурсин HeForShe аёллар ҳуқуқлари ҳаракатини қўллаб-қувватлайди ва ватанидаги ҳар бир қиз ўз салоҳиятини тўлиқ намоён эта олиши учун ҳаракат қилади.
9. Севимли машғулоти
Суратга тушиш ва жамоат олдига чиқишларга қарамай, Бурсин сокинлик ва ёлғизликни афзал кўради. Актёр бўш вақтини яхши китоб ўқиб ўтказишни, дам олиш ва куч тўплашни маъқул билади. У вақтини севимли машғулотига ҳам ажратади — Керем ёғоч ва металлдан ҳайкалчалар ясайди. Бу буюмларни у фақат қариндошлари ва яқинларига совға қилади.
Суратга олиш жараёнлари зерикарли тус олганда Керем Бурсин ошхонада ўз рецептларини яратиб, бундан завқ олади. У психология ва медитацияга ҳам қизиқади.
Изоҳ (0)