Хитойнинг энг бой актёрлари топ-7 талиги: Брюс Лининг устози Ип Ман эса 4-ўринда

Хитойлик актёрлар гонорар миқдори бўйича америкалик актёрлар билан рақобатлашиши мумкин. Аммо бойиб кетган хитойлик санъаткорлар барча пулларини хайрия ишларига сарфлашни маъқул кўрар экан.

7. Лю Хаожан

Лю Хаожан 1997 йилда туғилган. У 12 ёшида Пекинга кўчиб ўтиб, рақс академиясига, кейин эса энг юқори балл билан Марказий драма академиясига ўқишга кирган.

“Пекин севги ҳикояси” фильми билан танилган бўлса-да, “Чайнатаун детективи”даги роли унга ҳақиқий шуҳрат келтирди. У фильмда жиноятларни фош этадиган ақлли, камтарин йигит ролини ижро этди. Фильм ҳам, актёрнинг ўзи ҳам шов-шувга сабаб бўлди.

Даромадлари бўйича у Хитой тарихидаги энг кўп касса йиғган актёрлардан бири  — у иштирок этган фильмлар аллақачон 2,76 миллиард доллардан ортиқ маблағ тўплаган.

Рекламаларда кўп суратга тушади. Канн кинофестивалида ҳам унинг фильмлари намойиш этилмоқда. 

6. Тони Люн Чу Вай

Актёрни “Муҳаббат кайфияти” ва “Чунгкинг экспресси” фильмлари орқали эслашади, у ерда шунчалик нозик ва чуқур ўйнаганки, ҳатто сукунат ҳам асосий саҳнага айланган. Унинг юзи Осиё киносининг бутун бир даврини ифодалайди.

У Marvel’нинг “Шан-Чи” фильмидаги роли учун, тахминан, 7,7 миллион доллар олган. Бу унинг биринчи Голливуд фильми бўлишига қарамай, америкаликлар унинг катта кино даражасидаги истеъдод эканлигини дарҳол англаган.

Умумий бойлиги тахминан 20 миллион долларга баҳоланади. У ҳар жойда кўзга ташланадиган инсонлардан эмас. Рекламаларда кам кўринади, бизнес билан ҳам шуғулланмайди.

5. Стивен Чоу

Стивен Чоу гонконглик комедия қироли, унинг фильмлари нафақат Осиёда, балки бутун дунёда машҳур. Унинг ўзига хос “мо-лей-тау” услуби — жанг санъати ва махсус эффектлар билан уйғунлашган ҳаракатлари — “Шаолин футболи” ва “Кунг-фуча муштлашув” каби фильмларини чинакам ҳитга айлантирди.

Унинг бойлиги 30 миллион долларга баҳоланмоқда. Актёр рекламаларда камдан кам суратга тушади, асосан, кинога эътибор қаратишни афзал кўради. Шоу-бизнесга сармоя киритади.

Ҳозиргача уйланмаган, фарзандлари ҳам йўқ. Бу унинг атрофида кўплаб миш-мишлар ва тахминларни келтириб чиқаради. Стивен Чоу кинода ҳазил, жанг санъати ва махсус эффектларни уйғунлаштирган ҳолда ўзига хос жанр яратишга эришди.

4. Донни Ен

Брюс Лининг устози Ип Ман роли уни Осиёдан ташқарида ҳам афсонага айлантирди. Бу фильмлар жуда катта даромад келтирди. Жанг санъати мухлислари эса саҳналарни синчиклаб таҳлил қилишарди.

“Ип Ман 4” учун Донни тахминан 4 миллион доллар олди. Умумий баҳолашларга кўра, унинг ҳозирги бойлиги 40 миллион доллар атрофида.

Осиё кинематографияси оламида Донни нуфузли шахс. Шу сабабли ҳар бир рол унинг учун алоҳида аҳамиятга эга. Актёр рекламаларда деярли кўринмайди. Унга шов-шув ва эътибордан кўра обрў ва ҳурмат муҳимроқ. Донни Ен учун интизом ва озодалик биринчи ўринда туради.

3. Жет Ли

Жет Ли — ушуни жаҳон киносига айлантирган инсон.

Унинг карьераси “Шаолин ибодатхонаси” билан бошланган, кейин эса “Бир пайтлар Хитойда”, “Қаҳрамон”, “Аждар бўсаси” ва ўнлаб ҳитларда суратга тушган.

Лининг умумий бойлиги эса 250 миллион долларга баҳоланмоқда. Бу Шарқ актёрлари орасида энг юқори кўрсаткичлардан биридир.

2007 йилда у табиий офатлардан жабрланганларга ёрдам берадиган Тhe One Foundation хайрия жамғармасини ташкил этди. Актёр актриса Нина Ли Чи билан турмуш қурган, ҳозирда икки қизни тарбияламоқда. 

2. Чоу Юнфат

Услуб, жозиба ва камтарлик бир шахсда мужассамлигини Чоу Юнфат мисолида кўриш мумкин. Унинг “Мустаҳкам” фильмидаги икки тўппонча ушлаб турган қиёфаси Осиё жанговар киносининг рамзига айланди.

“Яшириниб юрган йўлбарс” ва “Кариб денгизи қароқчилари”дан сўнг эса уни бутун дунё таниди. У бир кадрнинг ўзида хавфли ва олийжаноб бўла олади.

Бойлиги тахминан 200 миллион доллар. Аммо қизиғи шундаки, актёр камтарона ҳаёт кечиради: метрода юради, оддий футболка кияди ва ойига атиги 150 доллар сарфлайди. Битта телефонни 17 йил давомида ишлатган.

Актёр бойлигини хайрия ишларига сарфлайди. “Бахт моддий нарсаларда эмас, балки бошқаларга ёрдам беришдадир”, дейди у.

1. Жеки Чан

Жеки Чан 150 дан ортиқ фильмда суратга тушган — ўзи каскадёр, режиссёр, продюсер ва оркестр. Унинг “Сарҳуш уста”, “Полиция ҳикояси” ва “Тиғиз вақт” фильмлари аллақачон классикага айланган.

“Тиғиз вақт 2” ва “Тиғиз вақт 3” учун у 15 миллион доллар ҳамда касса фоизларини олди. Умумий бойлиги 400 миллион долларга баҳоланмоқда. Аммо пул унинг учун асосий мақсад эмас. У барча бойлигини хайрия қилишини очиқчасига айтган — актёр ўғлини ҳам мероссиз қолдирган.

Жеки Чан кинода ҳам, хайрия жамғармаларида ҳам, ижтимоий лойиҳаларда ҳам фаол. Ҳатто 2016 йилда кинога қўшган ҳиссаси учун “Оскар” мукофотини олди.