Тилла Bugatti ва Жеймс Бондга тегишли раритет: Голливуд юлдузларининг ҳеч кимникига ўхшамаган автомобиллари

Виктория Бекҳэм

Девид ва Виктория Бекҳэмнинг гаражида ҳар қандай дидга мос машина топилади, чунки улар автомобиль ишқибозидир. Аммо битта модел улар учун алоҳида аҳамиятга эга. Бу Range Rover Evoque. Виктория ушбу моделнинг эксклюзив дизайнини ўзи ишлаб чиққан — қора деталлар билан ҳашаматли платина рангга ўтувчи хира кулранг тус. Интерьер чармдан ва ҳатто жундан тўқилган гиламчалар билан жиҳозланган. Автомобильга қараб Викториянинг нозик дидини ҳис этасиз. 

Мадонна

Хонанда бойлар фақат катта ва қимматбаҳо машиналарда юради, деган стереотипни йўққа чиқарди. Ўзининг эпатажлигига қарамай, Мадонна автомобиль танлашда мақтанишни хоҳламади. Юлдузнинг камтарона ва ихчам MINI Cooper машинаси бор. Дарҳақиқат, бошқа юлдузлар орасида Мадонна ўзининг машинаси билан яққол ажралиб туради.

Бейонсе

Замонавий спорт машиналари Бейонсега ёқмайди. У кўпроқ ретро автомобилларга қизиқади. Унинг тўпламида бир нечта классик Америка машиналари, жумладан, 1959 йилда ишлаб чиқарилган Rolls-Royce Silver Cloud II кабриолети мавжуд. Қўшиқчи бу машиналардан жуда завқланади, шекилли, чунки унинг МООD 4 EVА клипида ҳам шундай моделлар кўрсатилган. У ерда унинг турмуш ўртоғи Jay-Z қора кабриолетда юрса, қиролича Бининг ўзи эса худди шундай қоплон нақшли машинада тасвирланган. Айтганча, ушбу клип туфайли қўшиқчи ўз видеоларида бойликни намойиш этувчи машҳурлар рўйхатига киритилган.

Кемерон Диас

Кимдир шахсий самолётда учса, бошқаси ҳар куни автомобилда юриб, атроф-муҳитни чиқинди газлар билан ифлослантиради. Кемерон Диас эса табиатни асрашга ҳаракат қилади — нафақат сўзда, балки амалда ҳам. Юлдузнинг бир нечта машинаси бор ва уларнинг барчаси “экологик тоза” ҳисобланади. Улардан бири, масалан, ҳам бензин, ҳам электр двигателлари билан ишлайдиган Toyota Prius. Бироқ Кемерон, табиийки, автомобилни тўлиқ электромобилга айлантириш учун иккинчи вариантни танлаган.

Крис Пратт

Крис Праттнинг коллекциясида ноёб машиналар мавжуд. Улар орасида 1965 йилги Volkswagen Beetle алоҳида ўрин эгаллайди.

Илон Маск

Илон Маск Tesla компаниясининг эгаси сифатида машиналарни ва уларга алоқадор барча нарсаларни жуда яхши кўради. Дунёдаги энг бой одамнинг шахсий автопарки борлиги таажжубланарли эмас. Илоннинг баъзи машиналарда юрадиган, бошқалари эса қимматлилиги сабабли сақлаб қўйилган автомобиллари бор. Улар орасида 1977 йилдаги “Мени севган жосус” фильмида Жеймс Бонд минган Lotus Esprit Submarine ҳам мавжуд. Айтганча, бу айнан ўша машина — тўғридан-тўғри суратга олиш майдончасидан олинган. Илон уни 1 миллион долларга сотиб олган.

Фло Рида

Рэпер ўз бойлиги ва ҳашаматли ҳаёт тарзи билан мақтанишни яхши кўради. Фло Риданинг гаражида дунёдаги энг қимматбаҳо автомобиллардан бири мавжуд. Бу усти тўлиқ тилла билан қопланган Bugatti Veyron ҳисобланади.  Бундай автомобилнинг нархи қанча эканлигини тасаввур қилиш қийин. Бироқ рэпер ўзидан пулни ҳеч қачон аямайди.