Ирландия Европада биринчи бўлиб босиб олинган Фаластин ҳудудлари билан савдони расман тақиқловчи қарорни чиқаради. Бу ҳақда мамлакат бош вазири ўринбосари Саймон Харрисга таяниб, Anadolu хабар берди.
“Бу муҳим чора. Чунки биз Ирландия халқи номидан ушбу геноцидга муносабат билдирмоқдамиз”, деди Саймон Харрис.
Унинг айтишича, ушбу қонуннинг кучга кириши бошқа мамлакатларни ҳам шундай қилишга илҳомлантириши мумкин.
“Чунки ҳар бир мамлакат ўз ихтиёридаги ҳар бир имкониятдан фойдаланиши муҳим”, дея қўшимча қилинган.
Қонун лойиҳаси босиб олинган Фаластин ҳудудлари билан савдони тақиқлайди ва “Божхона тўғрисидаги қонун”га мувофиқ буни қонунбузарлик деб ҳисоблайди.
Ирландия Вазирлар Маҳкамаси май ойида Ғарбий Соҳил ва Шарқий Қуддусдаги Исроил аҳоли пунктларида ишлаб чиқарилган товарларни импорт қилишни тақиқлаш бўйича “Исроил аҳоли пунктлари тўғрисидаги қонун” лойиҳасини расман тасдиқлаган.
Маълумот ўрнида, Ирландия Фаластин мустақиллигини 2024 йилда тан олганди. Европа Иттифоқининг 9 та давлати 19 июнь куни босиб олинган Фаластин ҳудудларидаги Исроил аҳоли пунктлари билан савдони тўхтатишга чақирган. Европа дипломатияси раҳбари Кая Каллас номига йўлланган мактуб Бельгия, Финляндия, Ирландия, Люксембург, Польша, Португалия, Словения, Испания ва Швеция ташқи ишлар вазирлари томонидан имзоланганди.
Изоҳ (0)