Хитой — бу қадимги анъаналар, ажойиб манзаралар ва ҳатто 60 ёшида ҳам 30 ёшдек кўринадиган аёллар мамлакати. Масалан, ҳозирда бутун дунёга машҳур хитойлик гўзал Лю Елин ўзининг 25 ёшли ўғлидан анча ёш кўринади.
Ва у ёлғиз эмас, деярли барча хитой аёллари ўз ёшига нисбатан анча кўркам кўринадилар. Кўплаб олимлар, косметологлар, шифокорлар узоқ вақтдан бери хитойлик аёлларнинг нозиклиги ва ёш терисининг сирини очишга ҳаракат қилмоқдалар. Аслида ҳеч қандай ёшлик элексири мавжуд эмас, шунчаки улар каби доимий ва қатъий тарзда қуйидаги 5 одатга амал қилиш керак холос.
Сут ичмаслик

Хитойлик аёллар рационида сут маҳсулотлари йўқ. Хитойнинг кўплаб аҳолиси аслида сигир сути деярли ичишмайди, чунки 80% хитойликларда 3—4 ёшиданоқ лактозани қабул қила олмаслик намоён бўлади. Улар сутни соя, бодом ва бошқа альтернатив вариантлар билан алмаштиради. Ва бу ҳақиқатан ҳам терининг ҳолатини яхшилайди ва вазнни камайтиришга ёрдам беради.
Тонгги массаж

Тўшакдан туриб дарҳол ишга шошилиш керакми? Йўқ, бу хитойлик аёлларнинг турмуш тарзига мос келмайди. Улар кунни тўшакдан турмасдан ҳам, аввал қўлларини, кейин эҳтиёткорлик билан юзларини массаж қилиш билан бошлайдилар. Ўз-ўзини массаж қилиш — бу нафақат мушакларни чўзиш ва танага тонус бериш, дам олиш ҳамда завқланиш усулидир. Бундай одат сизни позитив энергия билан тўлдиради, асабларни тинчлантиради, бу эса ёшлик ва гўзалликни сақлаш учун жуда муҳимдир.
Гуруч сувидан фойдаланиш

Гуруч ҳаммага маълум бўлган ажойиб гарнир, лекин Хитойда у ажойиб косметик восита ҳамдир. Улар уни тоник ва ниқоб сифатида ҳам ишлатишади — бундай муолажалардан кейин тери порлоқ ва силлиқ бўлади. Бундан ташқари, соғлом сочларнинг сири ҳам айнан минераллар, витаминлар ва антиоксидантларга бой гуруч сувидадир, буни Голливуд юлдузлари ҳам аллақачон қўллашди.
Рецепт оддий: оддий оқ гуручни олинг, сув билан тўлдиринг ва камида ярим соатга қолдиринг, суюқлик қанчалик хира бўлса, шунча яхши. Тежамкор, экологик ва жуда самарали восита.
Гожи меваларини истеъмол қилиш

Гожи мевалари — бу шунчаки таомга мазали қўшимча эмас, балки антиоксидантларга бой ҳақиқий суперозуқадир. Хитойлик аёллар уни чойдан тортиб, косметик воситаларига қадар, ҳамма нарсага қўшадилар. Ва тўғри қилишади ҳам, чунки бу мевалар аскорбин кислотаси, А ва B гуруҳи витаминлари, шунингдек темир, калций, натрий, ёд, марганец, рух, фосфор ва бошқа минерал моддаларга бой. Гожи эркин радикаллар таъсирини зарарсизлантирувчи ва танани эрта қаришдан ҳимоя қилувчи антиоксидантларга бой.
Оёқларни буғлаш

Хитойлик аёллар учун бу бутун бошли бир маросим! Кўпчиликда сув ҳароратини бир маромда сақлайдиган махсус электрли оёқ ванналари ҳам бор. Кўпинча унга турли хил ўтлар қўшилади, шунингдек, бу ванналарда оёқни уқаловчи воситалар ҳам бўлади. Бу муолажа тинчлантиради, қон айланишини яхшилайди ва ҳатто ҳайз пайтида оғриқни йўқотишга ёрдам беради. Оёқларни ухлашдан олдин буғлаш яхшироқ: бу метаболизмни ва уйқуни сифатини яхшилайди.
Изоҳ (0)