Фарзандларининг актёр бўлишини хоҳламайдиган Голливуд юлдузлари

Машҳурликнинг бадали ҳам бор. Қуйидаги Голливуд юлдузлари фарзандлари уларнинг изларидан бориб, актёр бўлишини хоҳлайдими?

Жейсон Мамоа

Жейсон Момоа машҳур актёр бўлиш учун анча мушкул йўлни босиб ўтган. У “Maлибу қутқарувчилари” сериалида рол ижро этиб, 10 йилдан сўнг “Тахтлар ўйини”нинг биринчи мавсумида суратга тушади. Аммо кейинчалик ишсизлик сабаб бир неча йил қашшоқликда кун кечиради. Жейсон фақат “Аквамен” фильмида бош ролни ижро этгач, яна шуҳрат қозонади.

Фарзандлари ҳақида гап кетганда, уларнинг иккови ҳам актёр бўлишни исташларини айтади. Жейсон кино ва театр билан боғлиқ барча нарсани севишини тан олади, аммо у кинематограф бошқа кўпларни синдиргани каби болаларини ҳам синдириб қўйишидан хавотирда эканини яширмайди.

Бен Аффлек

Гарчи кўпчилик Бен Аффлекни “Заковатли Уилл Хантинг”, “Ҳисоб-китоб”, “Йўқолган аёл” каби фильмлари орқали таниса-да, кинода суратга тушиши 90 йиллар охиридаги биринчи шов-шувли фильмларидан анча олдин бошланган. Бен ўсмирлик чоғидаёқ фильмларда суратга туша бошлаган ва айнан ўша пайтда Метт Деймон билан танишган. Бу дўстлик иккаласи учун ҳам ҳал қилувчи аҳамиятга эга бўлди, чунки бир неча йил ўтгач, улар “Заковатли Уилл Хантинг” сценарийсини ёзишади, унда бош ролларни ижро этиб, бутун дунёга машҳур бўлишади.

Бироқ Бен бошқаларнинг ҳаёти қандай издан чиқиб кетганини кўрган ва шу сабабли фарзандларининг унинг изидан боришини истамайди. Аффлекнинг айтишича, кино унга тажриба бериб, вояга етказди, лекин у барибир фарзандларига буни раво кўрмайди. Унингча, улар бола бўлиб қолишлари керак, чунки катта бўлишга ҳали кўп вақтлари бор. Шундай бўлса-да, Бен агар болалари 18 ёшдан сўнг актёр бўлишни истаса ёки бунга уриниб кўришса, уларни қўллаб-қувватлашга тайёр.

Мила Кунис

Мила Куниснинг деярли болалиги бўлмаган, чунки у жуда ёшлигида АҚШга кўчиб ўтган ва кинода ишлашни бошлаган. У шунчалик машҳур бўлишни хоҳлаганки, “70-йиллар шоуси” сериали ижодкорларини алдаган — улар қизни 17 ёшда деб ўйлаган, аслида Мила атиги 14 ёшда эди. Ўшандан бери у карьерасида танаффус қилмади.

Кунис фарзандларининг келажаги ҳақида фикр юритиб, уларга ўз йўлидан боришни тақиқламаслигини, аммо бундай бўлмаслигига ва улар бахтли болаликни бошдан кечириб, кейин ҳаётларини камералардан узоқда қуришига чин дилдан умид қилишини айтади.

Анжелина Жоли ва Бред Питт

Жоли “Лара Крофт: сағана ўғриси”, “Малефисента”, “Жаноб Смит ва Смит хоним” каби фильмларда суратга тушган бўлса, Питт “Троя”, “Танишинг, Жо Блек”, “Жанг клуби”, “Бир пайтлар Голливудда” ва “Етти” фильмларида рол ижро этган. Уларнинг кинода деярли ҳеч қандай муаммолари бўлмаган бўлса-да, фарзандларининг актёр бўлиши эҳтимолини доимо салбий баҳолашган.

2014 йилдаёқ Жоли Питт билан бу ҳақда мулоҳаза юритганини ва болаларига шунчалик кўп қизиқарли нарсаларни кўрсатиш керакки, улар бир нарсани тушуниб ецинлар деган хулосага келганини айтганди — кино оламидан ташқарида ҳам қизиқарли нарсалар кўп, актёрлик эса катта ва ўзгача завқ берувчи нарса эмас. Бироқ Жоли ва Питт болаларини ҳеч қачон камералардан узоқлаштирмаган. Улар кўпинча фильмлари премераларида бирга қатнашган, ота-онасига жуда ўхшаш Шайло Жоли-Питт эса ҳатто кичик юлдузга айланган.

Дэниел Рэдклифф

Дэниел Рэдклифф актёрлик фаолияти ҳақида турли ҳис-туйғуларга эга. Бир томондан, у 20 йилдан кейин ҳам бутун дунё бўйлаб миллионлаб мухлислари бор сеҳрли фильмлар туркумининг асосий қаҳрамонига айланди. Бироқ бошқа томондан, унинг тўлақонли болалиги бўлмаган. Деярли барча вақтини суратга олиш майдончаларида ўтказган, ҳаттоки уй вазифасини ҳам Хогварц қасрининг катта залида ўтириб бажарган, дўстлари эса асосан ҳамкасблари бўлган.

Бироқ Редклифф кино ва фарзандлари ўртасида тўсиқ қўйишни истамайди. Дэниэл бир кун келиб уларни суратга олиш майдончаларига олиб боришни, саҳна ортидаги гўзалликларни кўрсатишни ва у ерда амалга оширилаётган ишларга муҳаббат уйғотишни хоҳлайди. Лекин шу билан бирга, у фарзандларининг машҳур актёр ҳаётининг ҳар бир дақиқасини кузатиб борадиган безовта қилувчи суратчилар таъқибисиз бир қадам ҳам юра олмайдиган машҳур инсонларга айланишини истамайди.

Жессика Альба

Жессика Альбанинг шуҳрати чўққиси 2000 йилларга тўғри келади. Ўша пайтда “Фантастик тўртлик”, “Ёқимтой”, “Жаннатга марҳамат” ва “Қора фаришта” фильмлари экранларга чиқди. Бироқ Жессика болалар актрисаси ҳам бўлган, чунки у 1994 йилданоқ суратга туша бошлаганди.

Альба ёш пайтидаги иш тажрибаси унга таъсир кўрсатганини тан олиб, бу тажрибани фарзандларига раво кўрмаслигини айтади. Жессиканинг фикрича, аввало уларнинг вояга етиши, сўнгра коллежни тугатиши ва шундан кейингина актёрлик ёки бошқа касб танлаш ҳақида қарор қабул қилишлари керак. Шу билан бирга, Жессика фарзандлари кино соҳасидан четда қолишларига умид қилади.