Бу юлдузлар шон-шуҳратни орзу қилмаган, кастингларга бормаган ва муваффақиятга эришиш йўлида курашмаган ҳам. Баъзилари “компания учун” киносиновларга келган, бошқалари тасодифан кадрга тушиб қолган ва дарҳол шартнома олган, қолганлари эса ўз трекларини тармоққа жойлаштирган ҳамда бир неча кун ичида машҳур бўлишган.
Голливуд саноати одамларнинг қандай қилиб қаттиқ меҳнат қилиб, йиллар давомида ўз мақсадларига эришганлари ҳақидаги ҳикояларга тўла. Аммо баъзан ҳамма нарсани тасодиф ҳал қилади. Бир лаҳзада уларнинг ҳаёти яхши томонга ўзгариб кетган. Ушбу тўпламда стратегия, алоқалар ёки амбицияларсиз машҳур бўлган юлдузлар тўпланди. Шунчаки, энг тўғри вақтда кимдир уларни пайқади.
Шейлин Вудли: тасодифий пробадан Голливуддаги карьерагача
Ҳозир Шейлин ўсмирлар киносининг таниқли актрисаси, лекин унинг касбга бўлган йўли осон ва тез кечмаган. Вудли болалигидан реклама ва эпизодларда рол ўйнаган, лекин буни кўпроқ хобби деб билган. У университетга ўқишга киришни, архитектура ва дизайнни ўрганишни режалаштирар эди.
“Америкалик ўспириннинг яширин ҳаёти” сериалининг тасодифий пробасидан кейин ҳамма нарса ўзгарди. Айнан бу рол Шейлинни биринчи машҳурлик тўлқинига олиб келди — уни пайқашди, севишди ва йирик лойиҳаларга таклиф қила бошладилар. Вудли Teen Choice Awards’да бешта номинацияга сазовор бўлиб ҳайратланарли тарзда барчанинг диққат марказида бўлди. Шейлин шуҳратни орзу қилмаган, аммо истеъдод ва омад ўз натижасини берди ва Шейлин деярли тасодифан юксакка кўтарилди.
Жейсон Стейтем: бозор сотувчиси кинога қандай кириб қолди?
Жангари фильмлари қаҳрамони Жейсон Стейтем ҳеч қачон Голливудни орзу қилмаган. Болалигидан у профессионал спорт билан шуғулланган, лекин бу хобби унга пул келтирмаган. Актёр бир интервьюсида, ёшлигида сохта атир ва заргарлик буюмлари сотиб, кун кечиришга мажбур бўлганини эслади.
Ҳамма нарса Гай Ричи уни кўрганида ўзгарди. Режиссёр ўзининг дебют фильми “Карталар, пул, иккита қурол”да айёр фирибгар ролини ўйнайдиган харизматик актёр қидираётган эди. Стейтемнинг модел бўлиб ишлаганини ва “ҳар қандай нарсани сота олиш” қобилиятини билиб, уни кинопробага чақирди. Вазифа оддий эди: сохта заргарлик буюмларини ишончли тарзда сотиш. Жейсон буни шунчалик табиий тарзда бажардики, дарҳол ролга тасдиқланди.
Шундай қилиб актёрлик таълимисиз, агентликларсиз ва режасиз унинг кино карьераси бошланди. У шунчаки керакли пайтда керакли одамнинг назарига тушиб қолди, қолгани эса тарих.
Грэйси Абрамс: шунчаки демо қўшиқларини интернетга жойлаштирган
Америкалик қўшиқчи Грэйси Абрамс ижодий муҳитда ўсган. У “Юлдузлар жанги” ва “Уддалаб бўлмас топшириқ” фильмларини яратишда иштирок этган таниқли режиссёр, продюсер ва сценарий муаллифи Жей Жей Абрамснинг қизи.
Отасининг муваффақиятли карьерасига қарамай, қизни кино эмас, балки мусиқа қизиқтирган — у болалигидан мусиқага меҳр қўйган. Абрамс биринчи қўшиқларини 8 ёшида ёзишни бошлаган ва кейинчалик ўз ижодини интернетга жойлаштирган. Ҳаммаси ўз хонасида ёзилган оддий каверлар ва ўз демо қўшиқлари билан бошланган. Бундай соддалик ва самимият тез орада TikTok ва бошқа ижтимоий тармоқлардаги тенгдошларининг эътиборини тортди. Шунингдек, қиз ўз мусиқасини SoundCloud’га жойлаштирган ва 2018 йилга келиб 10 000 та обуначига эга бўлган.
Бир йил ўтгач, у ёрлиқ билан шартнома имзолади ва 2020 йилда биринчи мини-альбомини чиқарди. Ўшандан бери у гастролларда альбомлар чиқаряпти ҳамда бутун дунёда мухлислари бор. Бошқалардан фарқли ўлароқ, Грэйси шуҳратни орзу қилмаган — шунчаки ўзи ёқтирган ишни қилган ва бу иш берди.
Дэнни Трехо: дўстини қўллаб-қувватлашга бориб жангари фильмлар юлдузига айланди
Дэнни Трехо ҳеч қачон машҳур актёр бўлишини тасаввур қилмаган. Унинг ёшлиги оғир ўтган — Трехо жиноятчилар гуруҳига аъзо бўлган, гиёҳванд моддаларни истеъмол қилган ва бир неча марта қамоққа тушган. Умуман олганда, актёр умрининг 11 йилини қамоқда ўтказган, лекин шу вақт ичида у янги севимли машғулотига эга бўлди — бокс билан шуғулланишни бошлади. У ҳатто, маҳбуслар орасида чемпион бўлган. Шундан сўнг у реабилитация курсидан ўтиб ёмон одатларидан воз кечишга муваффақ бўлган.
Озодликка чиққанидан кейин Трехо бошқа гиёҳвандларга ёрдам беришни бошлаган ва айнан шу одати уни кинога олиб келган. Бир куни уни “Қочқин поэзд” фильмининг суратга олиш майдончасига маслаҳатчи сифатида таклиф қилишган — Трехо актёрлардан бирига у ўзини йўқотмаслиги ва яна гиёҳвандликка қайтмаслиги учун ёрдам бериши керак эди. Майдондаги сценарий муаллифи буни кўриб, уни жиноятчи ролини ўйнашга ва бошқа актёрларга бокс ўргатишга таклиф қилган. Унинг жиддий ташқи кўриниши, яхши қомати ва харизмаси бошқа режиссёрларни ҳам қизиқтирган ва тез орада Трехо кинода фаол суратга тушишни бошлаган.
Бугунги кунда Дэнни Трехо — жангари фильмлар юлдузи, у гиёҳвандларга ёрдам беришни давом эттирмоқда, хайрия ишлари билан шуғулланади ва ўз мисолида шахсий ҳаракатлар ва омад ҳаётни яхши томонга ўзгартириши мумкинлигини исботламоқда.
Памела Андерсон: камера объективига тушиб қолиб эртасига машҳур бўлиб уйғонди.
Памела Андерсон бутун дунёда танилган, аммо қизиғи шундаки, у умуман шон-шуҳратга интилмаган — ҳамма нарсани омадли тасодиф ҳал қилган.
1989 йилда Андерсон Ванкувердаги футбол ўйинига Labattʼs пиво брендининг логотипи туширилган футболкада келган. Ўйин давомида оператор унинг тасвирини стадионнинг катта экранига чиқарди. Томошабинлар қизнинг ташқи қиёфасидан ҳайратда қолишди ва қарсак чалишди. Шундан сўнг Андерсон пиво бренди билан ҳамкорлик қилиш таклифини олди.
Қиз Лос Анжелесга кўчиб ўтди ва моделлик фаолиятини бошлади, кейинчалик уни кинога ҳам таклиф қилишди. Андерсон учун биринчи жиддий рол “Malibu қутқарувчилари” сериалидаги Кейси Жин роли бўлди.
Андерсон ҳеч қачон шуҳратпараст бўлмаган — ҳаммаси стадиондаги биргина кадрдан бошланган. Аммо у бу имкониятдан фойдаланиб, ҳозиргача ёдда қолган карьерасини яратди.
Баъзан машҳурлик узоқ йиллар давомида меҳнат қилинганидан кейин эмас, балки тасодифий учрашув, проба ёки кадр орқали келади. Ушбу юлдузлардан баъзилари умуман саҳна ҳақида орзу қилмаган, бошқалари шунчаки ёқтирган ишларини қилишган. Аммо тақдир уларни катта майдонга олиб чиқди. Уларнинг ҳикоялари ҳаёт ҳайратлантиришни билишига эслатмадир ва баъзан муваффақият учун режа керак эмас — фақат тўғри вақтда ва тўғри жойда бўлиш кифоя.
Изоҳ (0)