Машҳурлар ҳаётини ижро этишда нафақат характери, балки ташқи жиҳатдан ҳам уларга ўхшаган актёрлар (фото)

Актёр бўлиш — томошабинни фильмдаги қаҳрамон ҳақиқий одам эканлигига ишонтириш санъати демакдир. Аммо бутун дунёга маълум бўлган шахсни тасвирлаш янада қийинроқ. Бунда актёрларнинг ҳам, визажистларнинг ҳам истеъдоди муҳим аҳамиятга эга. Ахир иккинчисининг ёрдамисиз тарихий шахслар билан ташқи ўхшашликка эришиш қийин бўларди.

Леди Гага Патрисия Режани ролида («Гуччи уйи»)

Фильм ижодкорлари Патрисиянинг ташқи кўриниши ва хатти-ҳаракатидаги майда элементларга ҳам эътибор беришган. Актрисанинг ташқи қиёфасини иложи борича ўхшатиш керак эди, шунинг учун улар ҳақиқий Патрисия қандай гапиргани, сочларини қандай бўягани ва лабларини қандай чизганини ўрганиб чиқишган.

Адам Драйвер Маурицио Гуччи ролида («Гуччи уйи»)

Кўзойнак ва соч турмаги билан актёр Маурициога анча ўхшаган. Гуччи худди шундай соч турмаги ва кўзойнак тақиб юрган.

Жаред Лето Паоло Гуччи ролида («Гуччи уйи»)

Суратдаги Жаред Летони деярли таниб бўлмайди. Паоло билан максимал даражада ўхшашликка эришиш учун грим столида бир неча соат ўтириш керак эди. Бундан ташқари, улар, тахминан, 3 ҳафта давомида тайёрланган бош учун махсус қопламадан фойдаланган.

Кристен Стюарт малика Диана ролида («Спенсер»)

Бутун жамоа актрисанинг қиёфаси устида ишлади. Операторлар уни янада ўхшатиш учун махсус ёруғлик ёрдамида маълум бир ракурсдан суратга олишди. Кўпгина кадрларда Кристен орқа томондан суратга олинган — бу ҳам керакли эффектга эришишга ёрдам берди. Тасвирни яратишда визажистлар ва стилистлар катта ҳисса қўшган. Мисол учун, актриса учун айнан малика Диана кийган кийимлар яратилган.

Жек Фартинг шаҳзода Чарльз ролида («Спенсер»)

Жек Фартинг британиялик актёр, шаҳзода Чарльз каби Лондонда туғилган. Эҳтимол, бу унга ўз характерини реал тасвирлашга ёрдам бергандир. Бу актёрнинг биринчи биографик роли эмас. У аввалроқ Жон Леннон ролини ҳам ўйнаган.

Гранит Рушити Златан Ибрагимович ролида («Мен Златанман»)

Златан Ибрагимович — замонавий футболнинг машҳур шахсларидан бири. Фильм футболчи ҳаётининг бир неча даврлари ҳақида ҳикоя қилади, шунинг учун уни турли актёрлар ижро этади. Асосий ролни ўзи ҳам бир вақтлар футбол ўйнаган Гранит Рушити ўйнаган.

Ширли Маклейн Коко Шанел ролида («Коко Шанел»)

Ширлей Маклейннинг Коко Шанел каби бўйсунмас ва эксантрик характерга эгалиги уларни бирлаштирган. Маълум бўлишича, Ширли ёшлигиданоқ Шанелнинг мухлиси бўлган. Лекин ўша пайтларда бренд маҳсулотларни сотиб олишга қурби етмаган, шунинг учун қалбакиларидан фойдаланган.

Кичик Роберт Дауни Чарли Чаплин ролида («Чаплин»)

Актёр олдидаги вазифа осон эмас эди. Чарли Чаплинга ўхшаб кўриниш ва ўзини тутиш учунгина эмас, балки уни ҳаётининг турли даврларида тасвирлаш ҳам керак эди. Негаки фильм Чаплиннинг 19 ёшидан 83 ёшгача бўлган ҳаёти ҳақида ҳикоя қилади.

Терон Эжертон Элтон Жон ролида («Рокетмен»)

Асосий вазифа Элтоннинг карикатурасини яратиш эмас, балки грим ёрдамида мусиқачининг ҳаёти моҳиятини етказиш эди. Бунинг учун Терон майда деталларгача аҳамият берган.

Уилл Смит Муҳаммад Али ролида («Али»)

Уилл Смит дастлаб Муҳаммад Али образини гавдалантира олишига шубҳа қилган. Актёрнинг сўзларига кўра, у тарихни бузиб кўрсатишни истамаган. Аммо боксчи Алининг ўзи ва унинг оиласи шахсан Смитдан бу ролни у ижро этишини сўраган.

Риз Уизерспун Июнь Картер Кеш ролида («Чегарадан чиқиш»)

Риз ўзининг «Оскар» мукофотига сазовор бўлган мазкур ролини илиқлик билан эслайди. Актрисанинг сўзларига кўра, у хонанда образига тўлиқ туша олган ва бу фильм унинг ҳаётида алоҳида из қолдирган.