Голливуд актёри Жуд Лоу “Кремль сеҳргари” фильмини суратга олиш майдончасида Россия президенти Владимир Путин образи билан намоён бўлди.
Фильм суратга олиш ишлари Рига шаҳрида бўлиб ўтмоқда. Президент матбуот котиби Дмитрий Песков фильм ижодкорлари Кремлга маслаҳат сўраб мурожаат қилмаганини айтган.
“Кремль сеҳргари” фильми Жулиано да Эмполи томонидан ёзилган шу номдаги бадиий китоб асосида суратга олинмоқда.
Китобни экранлаштириш ишларини француз режиссёри ва ссенаристи Оливье Ассаяс (“Ирма Веп”, “Зилс-Мария”, “Шахсий харидор”) олиб бормоқда.
Китоб сюжети 1990 йилларда, сиёсий технолог Вадим Баранов (Пол Дано) Россиянинг бўлғуси президентининг маслаҳатчиси бўлиб қолганда очилади. Фильмда, шунингдек, Алисия Викандер, Зак Галифианакис ва Том Стерриж ҳам рол ижро этишади.
Изоҳ (0)