Агар улар фильмда бош ролларни ўйнашга рози бўлган бўлсалар, унда охиригача боришлари керак. Қайси актёрлар фильмлардаги хавфли нуқталарни каскадёрларга топширмаслигини билишни хоҳлайсизми?
Райан Гослинг
Тўғри “Барби”даги Кен роли Райан Гослингдан ҳеч қандай хавфли трюкларни талаб қилмади. Лекин актёрлик фаолиятида ҳар хил ҳолатлар бўлган. Масалан, “Ойдаги одам” фильмини суратга олиш вақтида у мия чайқалишига учраган. Яқинда суратга олинган “Каскадёрлар” фильмида эса у баландликдан қўрқишини тушуниб етди.
“Мен осилиб турганимда танам тошга айланди. Балки бу болаларим пайдо бўлганидан кейин бошлангандир. Ҳақиқатан ҳам, сиз аввалги ва ҳозирги ҳар қандай ишларингизга бошқача қарай бошлайсиз”, деди Гослинг.
Бироқ шундай бўлсада 12 қаватли бинодан тушиш трюкини у ўзи бажарган.
Том Круз
Голливуддаги асосий экстремал — Том Круз. Актёрнинг ҳеч бир фильми хавфли саҳналарсиз ўтмайди. Лекин энг ақлга сиғмайдиган ишларни у “Уддалаб бўлмас топшириқ” фильмида бажарган. Масалан, охирги қисмида.
-kqpQmuht.avif)
“190-210 километр тезликда юрганда кабинадан бошингизни чиқарсангиз, кислород ололмайсиз, шунинг учун мен нафас олишни ўрганишга мажбур бўлдим. Ҳушимдан кетиб, кабинага қайта олмай қолган ҳолатларим ҳам бўлган”, деди Том саҳналардан бири ҳақида.
Бироқ бу Круз суратга олиш жараёнида қилган ишларининг бир қисми холос.
Аня Тейлор-Жой
Аня Тейлор-Жой ва унинг ҳамкасби Майлз Теллер учун “Дара” фильмини суратга олиш ҳақиқий синов бўлган. Ва улар учун энг қийини ҳайвонлар билан жанглар эмас, балки тоғга чиқаётган жип билан саҳна бўлган.
-iFfvom7j.avif)
“Биз деярли компьютер графикасидан фойдаланмадик, шунинг учун даранінг катта қисми суратга олиш майдончасида қурилган. Ҳа, сиз кўрган барча нарсаларни ўзимиз бажарганмиз. Биз акробатик трюкларни бажараётганимизда секин-аста юқорига кўтарилиб бораётган жип эди”, деди актриса.
Том Холланд
“Ўргимчак одам” роли учун Том Холланд ҳар доим бир-икки марта салто қилишга тайёр. Ва актёрнинг ҳамкасблари бундай ёндашувни қадрлайдилар. Фақат энг мураккаб трюкини у “Анчартед: Хариталарда йўқ” фильмида бажарган.
-cYnAbFbx.avif)
“Баъзида мен 30 метр баландликда ҳавода айланувчи сандиққа боғланган ҳолда бўлардим ва у мени ташлаб юборгунча ушлаб турардим. Бу жуда қўрқинчли эди, лекин менимча бундай даражадаги қўрқув саҳнани ҳаққонийроқ қилади”, деди актёр.
Мишел Ео
Ҳар бир фильмда албатта, дублёрлар бўлади. Лекин Мишел Еога улар керак эмас. Актриса хавфли саҳналарда шахсан ўзи иштирок этишни афзал кўради. “Ҳамма жойда ва бир вақтда” фильми ҳам бундан мустасно эмас. Фильм номининг ўзи Мишел учун суратга олиш бошланишидан олдиноқ шиор бўлгандек гўё.
-zIYledf1.avif)
“Жанговар санъатлар мени Гонконгда актёрлик фаолиятимни илк бошлаган пайтимга, бу ақлга сиғмайдиган трюкларни ўзим бажарганимдаги вақтга қайтарди”, деди у.
Еонинг ишига ҳамкасблари қандай муносабатда бўлади? Улар ҳайратда. Лекин актриса баъзи трюкларни бажариш ҳуқуқи учун продюсерлар билан тортишишга мажбур бўлади.
Марго Робби
“Барби” даги ролидан кейин Марго Роббини жангчи ролида тасаввур қилиш қийин. Лекин у бир неча фильмда Харли Квинн ролини ўйнаган. Ва бундай роллар билан баъзида таваккал қилишга тўғри келади.
“Фильмга олиш жараёнларида унинг дублёр қизи кўпинча фақат томоша қилиш билан чекланади. Аммо у ҳар доим саҳнага чиқиш арафасида эканини ўйлайди, лекин Робби трюкларни ўзи бажараверади”, деди “Ўз жонига қасд қилувчилар отряди” фильмининг продюсери Энди Хорвиц.
-f1xCEL5G.avif)
Айтиш керакки, “Ёввойи қушлар: Харли Квинннинг ажойиб ҳикояси” фильмида ҳам Марго бир нечта хавфли саҳналарда шахсан ўзи иштирок этган. Жокер ундан фахрланган бўларди.
Изоҳ (0)