Голливуд юлдузлари миллионлаб даромад топади, бироқ уларнинг озчилигигина фақат гонорарлар билан чекланади. Баъзилари фаол равишда бизнесга сармоя киритади, ўз компаниялари ва брендларини яратади. Баъзан бу уларга блокбастерлардан ҳам кўпроқ фойда келтиради.
1. Риз Уизерспун
Уни бежиз Голливуднинг энг муваффақиятли бизнес хоними деб аташмайди. 2000 йилда, 24 ёшида, Риз Уизерспун ўзининг биринчи Тypе А Films продюсерлик компаниясига асос солди. Фирма кино ишлаб чиқариш билан шуғулланиб, “Қонундаги малласоч” номли комедиясини суратга олди. Унда Уизерспун бош ролни ижро этди.
2012 йилда Уизерспун Pacific Standard компаниясини тузди. Бу компания “Йўқолган аёл” ва “Ёввойи” каби фильмларни яратди. Бир неча йилдан сўнг, Риз ўзининг барча продюсерлик лойиҳаларини йирик Hello Sunshine медиа компаниясига бирлаштирди. Forbes маълумотларига кўра, 2021 йилда Уизерспун дунёнинг энг бой актрисасига айланди. Hello Sunshine акцияларини Blackstone хусусий инвестиция фирмасига сотгандан кейин, унинг бойлиги 400 миллион долларга етди.
2. Жаред Лето
“Оскар” соҳиби ва Тhirty Seconds To Mars гуруҳининг етакчиси нафақат машҳур актёр ва мусиқачи, балки муваффақиятли инвестор ҳам. Жаред Лето ўн йилдан бери истиқболли корхоналарга сармоя киритиб келмоқда, уларнинг кўпчилиги ўз соҳаларида етакчига айланган.
Жаред стартапларнинг салоҳиятини пухта таҳлил қилиб, молиявий қарорларни шахсан ўзи қабул қилади. У улкан ғояларни амалга ошира оладиган кучли жамоаларга эга инновацион лойиҳаларни излайди. Унинг энг самарали сармоялари орасида Uber, Airbnb, Nest ва Spotify мавжуд. Бундан ташқари, Лето ўз лойиҳаларини ҳам яратмоқда. Булар Ҳиве рақамли маркетинг компанияси ва VyRT концертларни онлайн узатиш хизматидир.
3. Леди Гага
Хонанда ва актрисанинг тадбиркорлик фаолияти бир вақтнинг ўзида бир неча йўналишни қамраб олади. 2012 йилда Леди Гага ота-онасига Нью Йоркда италян таомлари ресторанини очишда кўмаклашди. Юлдузнинг холаси шарафига Joanne Trattoria деб номланган ресторан оилавий рецептлар ва қулай жой туфайли тез орада машҳурликка эришди.
2019 йилда Гага Haus Laboratories номли косметика брендини ишга тушириб, ўзининг пардоз маҳсулотлари туркумини тақдим этди. Сўнгра у Sephora дўконлар тармоғи билан шартнома имзолади. Бундан ташқари, хонанда мухлислари учун Little Monsters ижтимоий тармоғини яратди. Бу платформа мухлисларга ўзаро мулоқот қилиш, контент алмашиш ва санъаткордан эксклюзив материаллар олиш имконини беради.
4. Сандра Буллок
Сандра Буллок биринчи Bess Bistro номли ресторанини Техас штатининг Остин шаҳрида очди. Бироқ машҳурлигига қарамай, ресторан 2015 йилда фаолиятини тўхтатди. 2009 йилда у новвойхона, кафе, гул дўкони ва овқатланиш хизматини ўз ичига олган Waltон’s Fancy and Staple лойиҳасини ишга туширди.
Сандра 1995 йилда ўзининг Fortis Films кинокомпаниясини ташкил этди ва актрисанинг иштирокидаги муваффақиятли фильмлар қаторига “Муҳаббат хабарномаси”, “Йўқолган шаҳар” каби асарлар киради.
Буллок, шунингдек, кўчмас мулкка фаол инвестиция киритади ва АҚШнинг турли штатларида бир нечта уй-жой ҳамда тижорат биноларига эгалик қилади. Forbes маълумотларига кўра, Сандранинг мол-мулки 60 миллион доллардан ортиқ қийматга эга.
Изоҳ (0)