Машҳурликда рафиқасидан ўта олмаган ва миш-мишлар гирдобида яшайдиган Болливуд юлдузи Ажай Девган 56 ёшда

Ҳинд киноси юлдузи Ажай Девган 2 апрель куни 56 ёшни қарши олди.

Истеъдодли актёрни Болливуд фахрийси деб аташ мумкин, у 100 дан ортиқ фильмларда суратга тушган ва 30 йилдан ортиқ вақт давомида кино оламида фаолият юритиб келмоқда. Оиласи Болливуд саҳнасининг бир қисми бўлган ва шунинг учун бу соҳага осонгина кириб келган кўплаб ҳамкасбларидан фарқли ўлароқ, Девган бу йўлдан юрмади. Унинг отаси Виру Болливуд каскадёрлари орасида ҳурматга сазовор бўлган, аммо у ўғлининг актёр бўлиши учун жавобгар эмасди.

“Мен ҳеч қачон онгли равишда актёр бўлишни мақсад қилмаганман. Отам шу соҳада ишлаган ва мен унинг изидан боришим муқаррардек туюларди. Мен режиссёр ёрдамчиси сифатида иш бошладим. Фильмга режиссёрлик қилаётган дўстим мени ўз лойиҳасида бош ролни ўйнашга кўндирди. “Тикан ва атиргуллар” (1991) фильми муваффақиятга эришди ва менинг карьерам айнан шу фильм орқали ҳал бўлди”, дейди актёр.

Ажай Девганнинг характери ва кўриниши ҳам жиддий бўлгани учун у карьерасининг бошида романтик қаҳрамонларни гавдалантиргани туфайли танқид қилинган. Яхшиямки, Ажай бу соҳада ўз ўрнига эга бўлиш учун етарлича ролларига эга эди. Албатта, бундай кўриниш билан у Ромео ёки қандайдир келишган одамни зўрға ўйнай оларди, лекин ижро томонидан унинг истеъдоди беқиёс. Вақт ўтиши билан Девган ўзининг фильмографиясини ранг-баранг қилди ва бутун мамлакат бўйлаб машҳур бўлди.

Девган бир ампуладаги ролга ёпишиб қолиш тақдиридан қутулиб қолган саноқли актёрлардан биридир. “Томошабинлар мени турли ролларда қабул қилганидан бахтиёрман. Мен романтик, жанговар ва ҳатто комедияларда суратга тушганман. Бу ажойиб, чунки бу менга актёр сифатида ўсиш ва ўзимни қайта-қайта ихтиро қилиш имкониятини берди”, дейди Ажай Девган.

У нафақат маҳоратли актёр, балки кино динамикасини тушунадиган ва олган билимларини ўзининг продюсерлик компаниясида қўллайдиган зукко ишбилармон ҳамдир.

Девган бу ҳақда шундай дейди: “Мен учун фильм суратга олиш — ишбилармонлик ва актёрнинг иштиёқи ўртасидаги мувозанатни топиш имкониятидир. Кўплаб ҳинд кинокомпаниялари бюджетларни назорат қилиш орқали Голливуд студиялари тизимига тақлид қилишга ҳаракат қилмоқда, аммо бу ижодкорлик ҳисобига бўлмаслиги керак. Мен ҳам бюджет доирасида ишлаш учун қўлимдан келганини қиламан, агар саҳнани жуда зарур деб ҳисобласам, ҳеч иккиланмайман. Иш фақат бизнес билан боғлиқ эмас”.

Унинг севимли Голливуд режиссёрлари — Мартин Скорсезе ва Жеймс Кемерон. Девган улар ҳақида: “Булар ўз ишининг устаси бўлган режиссёрлар. Уларнинг фильмларини томоша қилсангиз, ижодда муросасиз экани аён бўлади. Ҳа, улар ҳам студия тизимида ишлашлари керак, лекин ҳаракат эркинлигини ҳисобга олиб, улар ўзларининг ҳиссиётларига устунлик беришади. Шунинг учун мен ўзимни мамнун қиладиган фильмлар суратга олиш учун ўз компаниямни очдим”, дейди.

Ажай Девганнинг севимли фильми — “Ражу амаки” (2000). “Декорациядан тортиб афиша, постер, чиқарилиш вақтигача ушбу фильм бошқаларникидан фарқли ўлароқ биз юрган йўлдан бормаган. Бюджет ўша пайтда чиқарилган бошқа кўплаб фильмларга қараганда каттароқ эди. Мен ҳеч қачон харажатларимни аямаганман ва натижалардан жуда мамнунман. Кассада яхши натижа бермаган бўлиши мумкин, лекин мен хурсанд бўлдим. Бу фильм ҳали ҳам машҳур. У, албатта, ўз вақтида етакчи эди”, дейди актёр.

Ажай рафиқаси, ажойиб истеъдодли актриса Кажол ҳақида гапирганда, унинг юзида табассум пайдо бўлади. Улар 1999 йилда турмуш қурган ва икки фарзанди бор: қизи Ниса ва ўғли Юг. 
ОАВда Кажол ва Девганнинг ажрашаётгани ҳақида бир неча марта хабарлар тарқалган, аммо жуфтлик ушбу гап-сўзлар асоссиз эканлигини таъкидлаб келади.