Актриса Меган Фокс ва унинг собиқ севгилиси Machine Gun Kellyʼнинг қизи дунёга келди. Бу ҳақда мусиқачи ижтимоий тармоқларда ўзи хабар берди.

“У ниҳоят келди!! Бизнинг кичкина самовий фариштамиз”, деб ёзган мусиқачи ва янги туғилган қизини қўлидан ушлаб турган видеони қўйган.

Гарчи бу Фокс ва MGКнинг биринчи умумий фарзанди бўлса-да, иккаласи ҳам аввалроқ ота-она бўлишган. “Трансформерлар” юлдузининг собиқ эри Брайан Остин Грин билан никоҳда туғилган Ноа, Бодҳи ва Жоурни исмли учта фарзанди бор. Келлининг ҳам собиқ рафиқаси Эмма Кенон билан турмуши даврида дунёга келган Кеси исмли қизи бор.
Жуфтлик 2020 йилда учрашишни бошлаган, аммо уларнинг муносабатлари жуда чалкаш эди. Юлдузлар доимо ажралиб, яна бирлашишган. 2022 йил январь ойида улар унаштирилган, 2024 йил ноябрь ойида эса уларнинг фарзанд кутаётгани маълум бўлган. Аммо бундан кўп ўтмай, Меган Фокс турмуш ўртоғининг телефонида бошқа аёллар билан ёзишмалар бўлгани сабабли ажралишганликларини эълон қилишди.
Изоҳ (0)