Баъзан актёрларнинг бутун дунёга танилиши, бир неча йиллар давомида эсланиши учун бир ёки бир нечта рол кифоя қилади. Ёрқин роллари мухлисларнинг ёдида қолган актёрлар фаолияти давомида ҳеч қандай кинофильмларда суратга тушмаса ҳам қайта-қайта эсга олинади. AdMe нашри бир нечта роллари билан танилган машҳурларнинг ҳаёти ва фаолияти ҳақидаги маълумотларни тақдим этди.
Ҳейден Кристенсен
Актёр 19 ёшида «Юлдузлар жанги» кинокартинасидаги Энакина Скаюокер роли орқали машҳурликка эришган. Режиссёр Жорж Лукас унда ўзгача қобилият борлигини, у қаҳрамонига ҳақиқатдан ҳам мос келишини билган. Кино оламга кириб келган пайтлари томошабинлар Кристенсеннинг актёрлик маҳоратига яхши муносабатда бўлмаган, бироқ у шундан кейин суратга тушган «Стивен Гласснинг фирибгарлик иши» ва «Телепорт» фильмларидаги роли орқали мухлисларнинг эътиборига тушди. Бу фильмлардан кейин унинг кино оламдаги фаолиятида машҳурликка олиб чиқувчи ижролар бўлмади, бироқ унинг ижоди 2022 йилда ҳам «Юлдузлар жанги»га асосланиб суратга олинган сериаллар ва франшизалар билан бирга ёдга олинади.
Дэнни Ллойд
Дэнни 6 ёшида отаси туфайли Стенли Кубрикнинг «Ёрқин» фильмида бош ролни ижро этган ва фильмдан сўнг машҳурликка эришган. Бўлажак актёрнинг ижроси 6 марта тингланилгандан сўнг, 5000 нафар номзод орасидан танлаб олинган ва у узоқ вақт характердан чиқа олмагани фильм режиссёрига ёққан. Суратга олиш пайтида Кубрик Дэннининг руҳиятини ҳимоя қилиш учун қўлидан келган барча ишни қилган ва унга бу даҳшатли фильм эканлигини айтмаган. Ллойд бу фильм ҳақидаги маълумотларни 16 ёшида билган.
Дэнни Торренс роли унинг кино оламдаги энг яхши ижод намунасига айланди. У 10 ёшида кино саноатида чиқишларини тўхтатди ва кейинроқ коллежнинг биология профессори бўлди. Актёр бир неча йилдан сўнг, яъни 2019 йилда яна экранда пайдо бўлди ва «Доктор уйқуси» фильмида эпизод ролни ўйнади.
Кетрин Ҳайгл
Кетрин Ҳайгл «Эҳтирос академияси» телесериалидаги Иззй Стивенс роли, шунингдек, «Тақиллатди», «Яланғоч ҳақиқат», «Қотиллар» ва бошқа кўплаб муваффақиятли комедия фильмларидаги роллари билан машҳур. У фильмлардаги ижроси учун 2005 йилдан 2012 йилгача кўплаб мукофотлар ва номинацияларга лойиқ кўрилди.
Бироз вақт ўтгач, актрисанинг карьераси тўсатдан пасайишни бошлади. Машҳур фильмлар рўйхати тобора муваффақиятсиз бўлди ва тижорий жиҳатдан ҳам ўзини оқламади. Бироқ, у руҳиятини чўктирмади ва фильмларда рол ўйнашда давом этди. Кетриннинг сўнгги диққатга сазовор ролларидан бири «Гулханлар кўчаси» телесериалидаги бош рол бўлди.
Зак Геллиган
Актёр 1990 йилларнинг бошида телевидениедаги фаолиятини бошлаган ва «Гремлинлар» фильми, «Мум музейи» триллерида рол ижро этиб катта машҳурликка эришган. Кейин актёр ушбу фильмларнинг давомий қисмларида рол ўйнади. Шундан кейин у карьерасини тўхтатмади, ҳар йили камида битта лойиҳада доимий равишда иштирок этди, бироқ уларнинг ҳеч бири машҳур бўлмади.
Аарон Экхарт
Аароннинг актёр сифатида машҳурлиги 2000 йилда «Эрин Брокович» драмасида рол ўйнаганидан кейин сезиларли даражада ошди. Фильмлар ҳам, актёрлик маҳорати ҳам танқидчилар томонидан юқори баҳоланди. Кристофер Ноланнинг «Қоронғу рицар» фильмидаги Харви Дент роли ҳам унинг карьерасидаги муҳим ижролардан биридир.
Актёрнинг кино оламдаги машҳурлиги гоҳида юқорилайди, гоҳида эса пастлайди. Асосийси Экхарт ҳаракат қилишда давом этмоқда ва у яна машҳурликка олиб чиқувчи ролларни ижро этиши мумкин.
Мег Райан
Мег Райан 1990 йилдан 2000 йилнинг бошига қадар халқаро миқёсда энг муваффаққиятли актрисалардан бири сифатида эътироф этилди. «Гарри Салли билан учрашганда», «Сиетлда уйқусиз», «Почтангиз бор» ва бошқа кўплаб лойиҳалардаги иштироки туфайли у романтик комедиялар маликасига айланди. Актриса 2010 йилгача кўплаб фильмларда суратга тушди, бироқ кейинроқ унинг карьерасида пасайиш юзага келди. Мег ҳозирда режиссёр сифатида фаолият юритади.
Патрик Фюдижт
Патрик Фюджит 2000 йилда «Деярли машҳур» фильми ва 2016 йилда суратга олинган «Ажратилган» телесериалидаги роллари билан машҳур бўлди. У 2020 йилгача фимларда суратга тушди. Аммо актёр ҳеч қачон Голливудда машҳурликка эришмаган ва унинг ижросидаги фильмлар молиявий жиҳатдан ўзини оқламаган.
Жон Кюсак
Актёр ҳозир «Жон Малкович бўлиш» ва «Қарға» фильмларидаги ижорсидек ёрқин ролларни ижро этмаётган бўлса ҳам унинг мухлислари аввалги ролларини ёддан чиқармаган. Кюсак кино оламда кўплаб лойиҳаларда иштирок этган. Ҳар йили Жон иштирокидаги бир нечта фильмлар намойиш этилади, бироқ кинокартиналар жамоатчилик эътиборини тортмайди. Актёр 2019 йилдан бери экранларда кам кўриниш бермоқда.
Эва Мендес
Мендес ўз фаолиятини реклама роликларида бошлаган ва шундан кейин телесериаллар, фильмларда рол ўйнаган. Унинг иштирокидаги «Машқлар куни» фильми танқидчилар эътирофига ва кўплаб мукофотларга сазовор бўлди. Фильм актрисага ҳам машҳурлик олиб келди. Шундан кейин унга кўплаб таклифлар берилди ва актриса томошабинлар қалбидан янада мустаҳкамроқ жой олди. Бироқ у 2014 йилда тўсатдан фильмларда рол ўйнашни тўхтатди. Актриса бу вақтда оиласига эътибор қаратганини ва 2 та қизини тарбияси билан шуғулланганини айтган.
Сем Уортингтон
Австриялик актёр Сем Уортингтон 2009 йилда суратга олинган Жеймс Кемероннинг «Аватар» фильмидан сўнг Голливудда машҳурликка эришган. Унинг иштирокидаги «Титанлар тўқнашуви», «Терминатор: Нажоткор келсин», «Четда», «Виждон сабаблари» каби фильмлар ҳам томошабинларнинг эътиборига тушган. Вақт ўтиши билан унинг иштирокидаги фильмлар сони камая бошлади. Актёр 2022 йилда катта экранларга чиққан «Аватар 2» кинокартинасида суратга тушди. Фильмнинг 3-қисми 2024 йилда намойиш этилиши маълум қилинган.
Женнифер Грэй
«Нопок рақс» фильми юлдузи бир муддат экранларда кўриниш бермади. Унинг машҳурлиги ташқи кўринишига, аниқроғи ўзгачароқ бурнига ҳам боғлиқ эди. Актриса эса бу карьерасига потенциал таъсир кўрсатишига ишонди ва шунинг учун ринопластика қилишга қарор қилди. Ҳамма нарса кутилганидек бўлмади, актриса ўзини ва индивидуаллигини йўқотди. Шундан кейин унинг иштирокидаги фильмлар машҳурликка эришди, бироқ актриса унча муваффаққият қозона олмади.
Билли Зейн
Кўплаб томошабинлар Биллини Жеймс Кемероннинг 1997 йилда катта экранларга чиққан «Титаник» фильмидаги Каледон Хокли роли орқали ёдга олади. У актёрлик фаолиятини 1980 йилда бошлаган, «Келажакка қайтиш», «Твин Пикс», «Снайпер» ва бошқа машур фильмларда рол ижро этган. Зейн ҳозирда ҳам актёрлик фаолиятини давом эттирмоқда.
Женнифер Лав Ҳюитт
Актриса «Ўтган ёзда нима қилганингни биламан» номли қўрқинчли фильмдаги бош ролдан сўнг ҳақиқий кино юлдузига айланди. Кўпчилик уни «Юракни бузувчилар» романтик комедия фильмидаги роли орқали эслайди. Женнифернинг навбатдаги эътиборга тушган муваффақиятли лойиҳаси «Гапирувчи арвоҳлар» телесериали бўлди.
Женнифернинг карьераси 2011 йилдан бошлаб пасайишни бошлади. У бироз муддат фильмларда эпизод ролларда пайдо бўлди, 2015 йилда у иккинчи фарзандини дунёга келтириши туфайли кинода танаффусга чиққанини расман эълон қилди. Актриса 2018 йилда экранларга қайтди ва «9-1-1» телесериалида бош роллардан бирини ўйнади.
Мавзуга доир:
- Юрий Яковлев, Чарли Чаплин ва бир фильмда бир нечта образларни гавдалантирган бошқа машҳурлар (видео)
- Ташқи кўриниши бир хил: ҳамма доим бир-бири билан адаштирадиган машҳурлар (фото)
- Ота-онаси уларни қўллаб-қувватлаш учун қўлидан келган ҳамма нарсани қилган машҳурлар (фото)
- Орзулар амалга ошади: Мухлислари билан турмуш қурган машҳурлар (фото)
Изоҳ (0)