“Оскар” тақдимот маросимида “Бруталист” фильмидаги образи учун “Йилнинг энг яхши актёри” номинацияси ғолиби бўлган Голливуд актёри Эдриан Броудининг нутқи 5 дақиқа-ю 40 сония давом этди ҳамда у мукофот тарихидаги энг узун нутқ сифатида эътироф этилди.
Бундан аввалги рекордчи “Минивер хоним” фильмидаги роли учун 1943 йилда “Оскар” олган актриса Грир Гарсон эди. У тақдимот маросимида 5 дақиқа-ю 30 сония нутқ сўзлаган. Броуди 2003 йилда “Пианиночи” фильми учун “Оскар” билан тақдирланган эди.
Актёр “Бруталист”да ҳаётини яхшилаш мақсадида АҚШга кўчиб келган венгриялик архитектор образини яратган.
Изоҳ (0)