Леонардо Ди Каприо, Меган Маркл ва бошқа киноюлдузларининг ноодатий ҳоббилари 

Ҳар бир инсоннинг севимли машғулотлари бор ва Голливуд юлдузлари ҳам бу борада бошқалардан фарқ қилмайди. Иш ва мусиқий кечалардан бўш вақтларида машҳур актёр ва актрисалар ғайриоддий нарсалар билан шуғулланишади деб ўйлашингиз мумкин, аммо ундай эмас, уларнинг кўпчилиги худди сиз каби оддий нарсаларга қизиқишади.

Леонардо Ди Каприо

Лео болалигидан “Юлдузлар жанги”га мухлислик қилади. У узоқ галактика ҳақидаги ҳеч бир экран лойиҳасини ўтказиб юбормайди ва ушбу фильм билан боғлиқ кўплаб коллексион буюмларни тўплаган. Пандемия пайтида актёр ҳатто дўсти ва ҳамкасби Жона Ҳиллни “Мандалориялик” сериалини кўришга ўргатиб қўйган. Фақат ғалати томони шундаки, Ди Каприо “Юлдузлар жанги”га шунчалик мухлислик қилса-да, ҳали ҳам бу оламга боғлиқ фильм ёки сериалда рол ўйнамаган.

Росарио Доусон

“Юлдузлар жанги”да Асока Тано ролини ижро этган актриса эса “Самовий йўл” сериаллари билан боғлиқ барча нарсаларга мухлислик қилади. Актриса ушбу оламга бағишланган конференциялар ва мухлислар учрашувларига ташриф буюради ва оддий одамлар каби “Стартрек” юлдузларининг имзоларини олиш учун навбатда туради.

Меган Фокс

Эҳтимол, бундай гапириш яхши эмас, лекин баъзан Меган Фоксга қараб шубҳа туғилади: у ҳеч бўлмаса ўқишни билармикан? Биладиганга ўхшайди! “Трансформерлар” юлдузи ўзини “Узуклар ҳукмдори”нинг содиқ мухлиси деб атайди ва франчайзингга бағишланган тадбирларда фаол иштирок этади.

Квентин Тарантино

Квентинга (ва унинг фильмларига) қараб унинг севимли машғулоти жуда ғайриоддий ва қандайдир тарзда оёқ бармоқлари билан боғлиқ бўлиши керак деб ўйлаш мумкин. Аммо йўқ! Машҳур режиссёр ва ссенарист жимгина ва камтарона ҳолда стол ўйинларини яхши кўради ва уларнинг катта тўпламига эга.

Вин Дизель

Вин ҳам ашаддий ўйинчилардан бири. Лекин актёр турли хил монополиялар ёки шахмат ўйнашни эмас, балки “Зиндонлар ва аждарлар”ни яхши кўради. Баҳслашамиз, унинг қаҳрамонининг исми “Мен Грутим!”

Даниэль Крейг

Собиқ Жеймс Бонд ролини ижро этган актёр — Ҳало мухлисидир. Юлдуз фантастик жангари жанрдаги бошқа кўплаб ўйинларни ҳам ёқтиришини айтади. Ва бир марта ундан бирорта жангари видео ўйиннинг экранлаштирилишида рол ўйнашни хоҳлайдими, деб сўрашганда, Даниэль “таклиф қилишса, албатта” деб жавоб берди.

Мила Кунис

Мила ҳам компьютер ўйинларининг катта мухлисидир. World оф Warcрафт — унинг севимли ўйинларидан бири. Актриса эри Эштон Кутчер унинг севимли машғулоти билан қизиқмаслигини ва ҳатто унинг устидан кулишини тан олади. Кунис ва Кутчер икки фарзандига видео ўйинларда узоқ вақт ўйнашга рухсат бермайдилар, чунки улар ўз фарзандлари виртуал дунё эмас, балки ҳақиқий дунёга қизиқишини хоҳлашади.

Женифер Гарнер

Ҳамма ҳам Жениферни истеъдодли деб ҳисобламайди, лекин уни яхши актриса деб ҳисоблайдиганлар унинг кўп қиррали эканлигига қувонишлари мумкин. Marvel кино оламидаги юлдуз саксафонда аъло даражада чалади ва буни ўзининг асосий севимли машғулоти деб атайди.

Том Ҳенкс

Икки карра “Оскар” мукофоти соҳиби кенг кўламли ёзув машиналари тўпламига эга, улар орасида ноёб намуналар ҳам бор. Шу билан бирга, актёр ўзининг ноёб буюмларини шунчаки томоша қилиб ўтирмайди, балки уларнинг баъзиларини тўғридан тўғри ишлатади. Том эски усулда ўзи яратган ҳикояларни машинада ёзади ва бу унинг яна бир севимли машғулоти. 2017 йилда Ҳенкснинг асарлари алоҳида китоб сифатида нашр этилган.

Ник Офферман

Машҳур “Парклар ва дам олиш зоналари” комедия сериалида Ник унутилмас Рон Свансон ролини ижро этган. У ўзига таянадиган ва кўп нарсаларни ўз қўли билан қиладиган, шу жумладан ёғоч ўймакорлиги билан шуғулланадиган одам бўлган. Актёр, ўзининг қаҳрамони сингари, ёғоч билан ишлашни яхши кўради, бу машғулотда у ўз ҳотиржамлигини топган.

Девид Аркет

Девиднинг севимли машғулоти — тўқиш. У турли хил нарсаларни тўқишдан завқланади ва уларни яқинларига совға қилади. Актёр ўзининг катта қизи Кокони ҳам ҳалқалар ва нақшлар дунёсига жалб қилишга ҳаракат қилганини айтди, лекин у қатъий равишда рад этди.

Лиам Нисон

Жангари жанрнинг энг зўр қаҳрамонларидан бири (шунингдек, кўпчилик унутиб қўядиган ажойиб драматик актёр) бўш вақтларида учиб билан балиқ овлашни яхши кўради. Лиам учиб билан балиқ овлаш оддий қирғоқда ўтириб ва балиқ тутувчи таёқ билан балиқ овлашдан кўра қизиқарли ва ҳаяжонли эканлигини айтади.

Сюзен Сарандон

“Оскар” мукофоти соҳиби стол тенниси ўйнашни жуда яхши кўради. У ҳатто стол тенниси клубининг ҳаммуассиси ҳисобланади. Сюзен бу ўйин жуда жонлантирувчи ва ортиқча вазндан халос бўлишга ёрдам беришини таъкидлайди. Юлдуз бир неча бор ўзининг севимли машғулотига дўстлари Гина Дэвис ва Жессика Ленгни жалб қилишга ҳаракат қилган, лекин улар камфаол машғулотларни афзал кўришган.

Лесли Манн

Лесли болалигидан велосипедда учишни яхши кўради, аммо анча вақтдан бери икки ғилдиракли велосипеддан бир ғилдиракли велосипедни афзал кўради. Актриса баъзилар учун бир ғилдиракли велосипедда юриш бир оз ғалати кўриниши мумкинлигини тушунади. “Аммо бу ўзига хос ва қизиқарли!”, — деб ҳайқиради у.

Шейлин Вудли

Шейлин, кўпчилик сингари, пазандаликни жуда яхши кўради. У оддий салатлар ёки шўрваларни эмас, балки пишлоқ ва дори-дармонларни тайёрлайди. “Мен шунчаки фармасевтика корпорацияларига унчалик ишонмайман ва даволаниш учун ўзимга тўлиқ ишонч ҳосил қилган нарсаларни қабул қилишга ҳаракат қиламан”, — деб тушунтиради юлдуз.

Перис Хилтон

Периснинг севимли машғулоти ҳақиқатан ҳам ғайриоддий ва жуда кам учрайди: у қурбақаларни овлашни яхши кўради. Бироқ, у ўзи тутган барча қурбақаларни озод қилганини таъкидлайди.