Nafaqat bolalar, balki kattalar ham multfilm tomosha qilish orqali ulardagi yashirin va chuqur ma’noni anglashlari mumkin. Keling, nufuzli mukofotlarga sazovor bo‘lgan va 2024-yilda yuqori kassa daromadlariga chiqqan eng yaxshi animatsion filmlarni taqdim etamiz.
“Yovvoyi robot”
- Davlat: AQSH
- Janr: Fantastika, sarguzasht
- IMDb reytingi: 8,3
Robot ROZZUM 7134 yoki oddiygina Roz kema halokatidan so‘ng kimsasiz orolga kelib qoladi. Roz atrofdagilarning har qanday topshiriqlarini bajarish uchun dasturlashtirilgan. Atrofda odamlar yo‘q, shuning uchun robot hayvonlardan kimga uning yordami kerak ekanligini qidirishi kerak bo‘ladi. Roz orolni o‘rganishni boshlaydi va tasodifan g‘oz inini vayron qiladi — faqatgina bitta tuxum butun qoladi. Endi uning asosiy vazifasi chala tug‘ilgan jo‘jalarga g‘amxo‘rlik qilishdir. Bir qarashda ish unchalik murakkab emasdek tuyuladi — g‘oz bolasini boqish, shuningdek, uni uchish va suzishga o‘rgatish kerak. Lekin Roz qushlarni katta qilish haqida hech narsa bilmaydi. Shuning uchun bu ishda unga o‘zini “g‘ozlar bo‘yicha ekspert” deb e’lon qilgan tulki Finka yordam beradi.
“Shilliqurt xotiralari”
- Davlat: Avstraliya
- Janr: Drama
- IMDb reytingi: 8,1
Ota-onasi vafotidan keyin Greys Pudl bilan uning egizak akasi Gilbert bir-biridan ajratilib, turli oilalarga jo‘natiladi. Qiz yolg‘iz katta bo‘ladi, u shilliqurtlar bilan bog‘liq hamma narsani izlashga, o‘rganishga va to‘plashga qiziqadi. Qahramonni faqat keksa ayol Pinki qo‘llab-quvvatlaydi, u dunyoga optimistik qarashga va o‘tmishdagi muammolar haqida o‘ylamaslikka o‘rgatadi. Ammo vaqt o‘tib Greys akasi bilan sodir bo‘lgan fojia haqida bilib qoladi.
“Ortingga qara”
- Davlat: Yaponiya
- Janr: Drama
- IMDb reytingi: 8,0
Fudzino maktab gazetasi uchun kichik mangalar — kulgili to‘rt kadrli komikslar yaratishga qiziqadi, ammo bir kuni maktab o‘qituvchisi Fudzino ishlarining o‘rniga Kyomoto ismli boshqa bir bolaning rasmlarini nashr etadi. Fudzino uning juda iqtidorli ekanligiga guvohi bo‘ladi va o‘z mahoratini oshirishga bel bog‘laydi. Kunlarning birida umidsizlikka tushib qolgan qiz hobbisini tark etishga qaror qilganda Kyomoto bilan shaxsan uchrashib qoladi..
“Transformerlar: intiho”
- Davlat: AQSh
- Janr: Ilmiy fantastika, sarguzasht
- IMDb reytingi: 7,7
Kibertron sayyorasida robot konchilar Orion Paks va uning eng yaqin do‘sti D-16 dahshatli sirni ochadi. Ma’lum bo‘lishicha, ularning rahbari Sentinel Praym bosqinchilarga qimmatli energiya yetkazib beradigan xoin bo‘ladi. Orion va D-16 xalqini qutqarishga urinib, ular avvallari do‘st hisoblagan rahbari bilan abadiy dushmanga aylanadi.
“Boshqotirma-2”
- Davlat: AQSh
- Janr: komediya, fantastika, sarguzasht
- IMDb reytingi: 7,6
Hayotda har birimiz duch keladigan his-tuyg‘ular haqidagi hikoyaning davomida ham xuddi o‘sha qahramonlar ekranda gavdalanadi, ammo endilikda oradan ikki yil o‘tgan va Rayli 13 yoshda bo‘ladi. Atigi bir kunda qizning shaxsiyatidagi asosiy his-tuyg‘ulari — quvonch, qayg‘u, g‘azab, qo‘rquv va jirkanishning kundalik tarzi o‘zgarib ketadi. Ertalab Rayli boshqa odam bo‘lib uyg‘onadi. Endi uning yuzida barcha o‘smirlarga xos bo‘lgan husnbuzarlar bilan birga norozilikning o‘ziga xos ifodasi bor. O‘smirlik Rayliga tashvish tufayli boshqa yana bir nechta his-tuyg‘ularni taqdim etadi.
“Robot orzulari”
- Davlat: Fransiya. Ispaniya
- Janr: fantastika, drama
- IMDb reytingi: 7,6
Yolg‘iz it antropomorf hayvonlar yashaydigan dunyoda hayot kechiradi. Televizorda bir reklamani ko‘rib qolib, u o‘ziga robot do‘stni buyurtma qiladi. Qahramonlar birga yashaydi, raqsga tushishadi va hayotdan zavqlanadi. Kunlarning birida ikkisi dengizga boradi. Suv tushgandan so‘ng Robot falaj bo‘lib qoladi, kuchuk esa uning ortidan yopiq plyajga kira olmaydi.
Ushbu multfilmida umuman matnlardan foydalanmagan. Avvaliga do‘stlik haqidagi ertak sifatida boshlangan film sevgan kishini qo‘yib yuborish va ayriliqni o‘tkazish haqidadir.
“Orion va Zulmat”
- Davlat: Fransiya, AQSh
- Janr: Fentezi, komediya, sarguzasht
- IMDb reytingi: 6,3
Dunyodagi deyarli barcha narsadan qo‘rqadigan, lekin hammasidan ham qorong‘ilikdan cho‘chiydigan Orion ismli bola haqidagi ta’sirli hikoya. Uning hayoti tashvishlarga to‘la va u o‘ziga qo‘rqinchli tuyulgan hamma narsadan qochadi. Ammo bir kuni uning asosiy qo‘rquvi — Zulmat uning uyiga mehmonga kelganda hammasi o‘zgaradi. Zulmat qo‘rqinchli maxluq emas, balki g‘ayrioddiy va mehribon mavjudot ekan. U Orionga o‘zining qo‘rquvlarini bartaraf etish uchun ajoyib sayohatga chiqishni taklif qiladi. Ular birgalikda sirli va g‘ayrioddiy joylarga tashrif buyurishadi, bu yerda bola ilgari uni eng ko‘p qo‘rqitgan narsalarga duch keladi. Bu multfilm qo‘rquvlarni qabul qilish, ularni yengishni o‘rganish va hatto ilgari faqat zulmat ko‘ringan joylarda ham dunyoning go‘zalligini kashf etish qanchalik muhimligi haqida.
“Kung-Fu panda 4”
- Davlat: AQSh, Xitoy
- Janr: Fentezi, komediya, sarguzasht, jangari
- IMDb reytingi: 6,3
Ustoz Shifu Poni Ajdarho jangchisi bo‘lishdan voz kechib, Tinchlik vodiysining ruhiy yetakchisi bo‘lishga taklif qiladi. Ammo panda o‘zining tashqi qiyofasini o‘zgartirishga va boshqa kung-fu ustalarining uslubiga taqlid qilishga qodir bo‘lgan yangi dushman borligini bilib qoladi. U haqda ayyor va o‘g‘ri tulki Chjen so‘zlab beradi. Endilikda Po har bir buyuk jangchining kuchiga ega bo‘lgan asosiy dushman — Buqalamunga qarshi kurashishi kerak bo‘ladi.
“Yaxshi bo‘lish osonmi 4”
- Davlat: AQSh
- Janr: Fantastika, komediya, sarguzasht
- IMDb reytingi: 6,2
Gryu, Lyusi va ularning qizlari Margo, Edit va Agnes — otasini qiynoqqa solishga qaror qilgan oilaning yangi a’zosi kichik Gryuni kutib olishadi. Gryu Maksim Le Mal va uning xavfli sevgilisi Valentina timsolida yangi dushmanga duch keladi va shuning uchun oila boshqa shaharga qochishga majbur bo‘ladi. Oila yangi joyga ko‘nikishga harakat qilar ekan, bu vaqtda xonadonga yangi inson tashrif buyuradi — Gryu va Lyusining chaqalog‘i dunyoga keladi.
“Sehrlanganlar”
- Davlat: AQSh, Ispaniya.
- Janr: Fantaziya, komediya, sarguzasht
- IMDb reytingi: 6,3
15 yoshli malika Elian sehrli davlatda yashaydi. Qizning asosiy muammosi shundaki, uning ota-onasi bahaybat mavjudotga aylangan. Bunday sirni saroydagilardan yashirish tobora qiyinlashib boradi. Elian ota-onasiga qo‘yilgan sehrni olib tashlash uchun xavfli sayohatga yo‘l oladi.
Izoh (0)