2024-yilda chiqqan eng yaxshi kartinalar ro‘yxatini taqdim etamiz. Filmni tanlang, tomosha qiling, keyin esa do‘stlaringizga ham tavsiya qiling.
“Kaskadyorlar”
Film odatda kadrdan orqada qoladiganlar haqida. Biroq haqiqiy kaskadyorlar tufayli film rejalashtirilganidan ko‘proq narsaga erishdi. Ulardan biri mashinada 8,5 marta ag‘darilib, Ginnesning rekordlar kitobiga kirgan.
“Joker: ikki kishilik telbalik”
Yangi qismning voqealari original “Joker” filmidan ikki yil o‘tgach sodir bo‘ladi. Artur Flek Arkhem ruhiy kasalxonaga tushib qoladi. Aynan shu yerda muvaffaqiyatsizlikka uchragan komik o‘z sevgisini — Harli Kvinnni uchratadi.
“Venom: so‘nggi raqs”
Yangi film trilogiyaning yakuniy qismi bo‘lishi ehtimoldan xoli emas. Bu safar jurnalist Eddi Brok va uning hamrohi Venom sayyoramizni boshqa sayyoralardan kelgan dushmanlardan qutqarishi kerak bo‘ladi.
“Yovuz: G‘arb jodugarining ertagi”
Ariana Grande ishtirokidagi “Oz mamlakatining sehrgari” ertagining qayta talqin qilingan versiyasi ekranlarga chiqdi. Voqealar markazida Oz mamlakatidan bo‘lgan ikki dugona — yovuz va yaxshi jodugarlarning sarguzashtlari turadi. Bir kuni qizlar o‘z erkinliklarini himoya qilish va mamlakatni asrash uchun birlashishga majbur bo‘ladi.
“Paddington sarguzashtlari 3”
Bu ayiqchaning har bir muxlisi uning xolasi Lyusini biladi. “Paddington sarguzashtlari”ning uchinchi qismi tushunmovchilikni tuzatish va xolasi bilan shaxsan uchrashish imkonini beradi. Maymoqning o‘zi ham juda zerikib qolgandi — Peruga jo‘nash vaqti keldi.
“Gladiator 2”
“Gladiator 2” Kommod Lutsiyning jiyani haqida. U imperatorlik taxtidan voz kechib, gladiator bo‘lishga ahd qiladi. Shu yo‘l bilan u bolaligidagi qahramoni Maksimusning xotirasiga hurmat ko‘rsatmoqchi.
“Bitljus Bitljus”
Sentyabr oyida nihoyat Tim Byortonning uzoq kutilgan fantastik filmining davomi chiqdi. Sikvel original filmdan 30 yil o‘tgach, suratga olindi. Filmda bosh qahramon Lidiyaning qizi Astrid haqida hikoya qilinadi. Bir kuni onasi qiziga ismi uch marta takrorlanishi mumkin bo‘lmagan Bitljusning kimligini aytishga qaror qiladi. Qiziquvchanlik ustun keladi va Astrid bu qoidani buzishga qaror qiladi.
“Dedpul va Rosomaxa”
Rayan Reynolds va Hyu Jekman hali ham suratga olish ishlarining yangi tafsilotlarini baham ko‘rishlari ajablanarli emas. Bundan tashqari, bo‘lajak “Oskar” marosimini aynan ular olib borishlari haqida mish-mishlar bor.
“Boshqotirma 2”
“Boshqotirma 2” — tarixdagi eng kassabop multfilmga aylandi. Ammo bu yutuqlaridan biri xolos. Raylining yangi tuyg‘ulari haqidagi mazkur multfilm hatto “Barbi”ni ham ortda qoldirdi.
Izoh (0)