Ushbu ro‘yxatdagi multfilmlar qo‘g‘irchoq va plastilin yordamida suratga olingan hatto, moyli va akvarel rasmlar asosida yaratilgan kartinalarni ham topishingiz mumkin.
“Uddaburon janob Foks”
- AQSH, 2009-yil.
- Komediya, sarguzasht, drama.
- Davomiyligi: 87 daqiqa.
- IMDb: 7.9.
Multfilmda ayyor tulki haqida hikoya qilinadi, u xotinining homiladorligini bilib, jinoiy faoliyatini to‘xtatishga va’da beradi. Ammo baribir u xavfli vaziyatlarga olib keladigan sarguzashtlarga aralashib yuraveradi.
Mashhur Ues Anderson nafaqat “To‘lin oy qirolligi” va “Grand Budapesht mehmonxonasi” uslubidagi eski maktab tragikomediyalarini suratga olishni biladi — u stop-moushn qo‘g‘irchoq animatsiyasida ham mahoratini namoyish qiladi. “Uddaburon janob Foks” filmida Anderson filmlarining barcha eng yaxshi xususiyatlarini saqlab qoladi: drama va hazil uyg‘unligi, zamonaviy kartina, qiziqarli hikoya. Animatsiya unga tasavvur uchun qo‘shimcha imkoniyatlar beradi.
Hamma harakatni tezroq va silliqroq ko‘rsatishga harakat qilayotgan bir paytda, uning qahramonlari shunchaki o‘z joylarida qotib qolishlari va bir-biriga qarashlari mumkin.
“Van Gog. Muhabbat bilan, Vinsent”
- Buyuk Britaniya, Polsha, AQSH, 2017-yil.
- Biografiya, drama.
- Davomiyligi: 94 daqiqa.
- IMDb: 7.8.
Vinsent van Gogning o‘limidan so‘ng, pochta boshlig‘i rassomning akasi Teoga yuborishga ulgurmagan xatni topib oladi. U o‘g‘li Armanga manzilni topishni buyuradi. Ammo ma‘lum bo‘lishicha, Teo ham vafot etgan va uning rafiqasi es ketgan edi. Arman buyuk rassomning so‘nggi kunlarida sodir bo‘lgan voqealarga tobora ko‘proq qiziqa boshlaydi.
Van Gogning hayoti haqida ko‘plab filmlar yaratilgan — ba’zilari ishonarli, ba‘zilariga esa unchalik ishonib bo‘lmaydi.
Multfilmni yaratish uchun mualliflar Van Gog uslubidan ilhomlangan va cheksiz manzaralar yaratgan 125 nafar rassomni yollagan. Ular rotoskoping texnologiyasidan foydalanishadi: ya‘ni ular haqiqiy aktyorlarni suratga olishadi, keyin ularni qayta chizishadi.
“Bellvillyalik uchovlon”
- Fransiya, Belgiya, Kanada, 2003-yil.
- Komediya, sarguzasht, drama.
- Davomiyligi: 80 daqiqa.
- IMDb: 7.7.
Bolaligidan buvisi nabirasi Chempionni velosiped poygalarida qatnashishga o‘rgatgan. Ammo musobaqa paytida u va yana ikki sportchi jinoyatchilar tomonidan o‘g‘irlab ketiladi. Keyin buvisi nabirasini izlab, yo‘lga tushadi va qiziqarli musiqiy trio bilan uchrashadi.
Agar siz ushbu fransuz multfilmidan kadrlar yoki alohida parchalarni ko‘rsangiz, ehtimol siz u 70 yil oldin suratga olingandek his qilasiz. Multfilmda hamma narsa musiqa va vizual hikoyalar asosida qurilgan va ajoyib rasm eskiz kitobidagi chizmalarni eslatadi — o‘tmishning ajoyib iliq muhitini yaratadi. Rassom Yevgeniy Tomov ushbu multfilm uchun 800 tagacha fon chizishiga to‘g‘ri kelgan.
“Botinka kiygan chig‘anoq Marsel”
- AQSH, 2021-yil.
- Fantastika, drama.
- Davomiyligi: 90 daqiqa.
- IMDb: 7.7.
Hujjatli film rejissyori Din ajrashgandan so‘ng ijaraga olgan uyiga ko‘chib o‘tadi va bu yerda gapiradigan chig‘anoq Marsel buvisi Nana Konni bilan yashashini bilib oladi. Erkak yangi tanishlar haqida video yozishni boshlaydi va bu internetda sensatsiyaga aylanadi. Shunda Marsel vaziyatdan foydalanib, qarindoshlarini topishga qaror qiladi.
Multfilm rejissyor Din Fleysher-Kamp 2010-yilda suratga olgan xuddi shu nomdagi qisqa metrajli filmdan kelib chiqqan. Darhaqiqat, "Marsel" fantastik filmning elementlarini ham o‘z ichiga oladi: vaqti-vaqti bilan kadrda haqiqiy odamlar va hayvonlar paydo bo‘ladi. Suratga olish ishlari ham haqiqiy uylarda, ko‘chalarda va mashinalarda bo‘lgan. Ammo baribir asosiy harakat kadrma-kadr animatsiya tamoyili asosida qurilgan.
“Pinokkio Gilermo del Toro”
- AQSH, Meksika, Fransiya, 2022 yil.
- Fantastika, drama.
- Davomiyligi: 117 daqiqa.
- IMDb: 7.6.
Birinchi jahon urushi paytida Jepettoning o‘g‘li bombadan halok bo‘ldi. Bir necha o‘n yillar o‘tsa ham o‘g‘lidan ayrilganini unutolmagan usta yog‘ochdan Pinokkio qo‘g‘irchog‘ini yasaydi. Ammo Mussolinining kuchi mamlakatda endigina gullab-yashnamoqda edi. Zolimning xizmatkorlari yog‘och bolaga qiziqishadi, chunki uni o‘ldirib bo‘lmaydi, demak u ideal askar. Bu orada qiziquvchan Pinokkio fashizmni ulug‘laydigan teatrga borib qoladi.
“Kells siri”
- Irlandiya, Belgiya, Fransiya, 2008-yil.
- Fantastika, sarguzasht.
- Davomiyligi: 71 daqiqa.
- IMDb: 7.5.
12 yoshli Brendan Irlandiyadagi amakisi boshqaradigan Kells abbatligida yashaydi. Rohiblar o‘zlarini vikinglar bosqinidan himoya qilish uchun ko‘p vaqtlarini baland devor qurishga sarflaydilar. Ammo bir kuni talon-taroj qilingan monastirdan qochgan Aydan ularning oldiga keladi va nihoyatda chiroyli kitob olib keladi. Kitobni illyustratsiyalar bilan to‘ldirish Brendanning zimmasiga tushadi.
“Tovuqxonadan qochish”
- Buyuk Britaniya, Fransiya, AQSH, 2000-yil.
- Komediya, sarguzasht.
- Davomiyligi: 84 daqiqa.
- IMDb: 7.1.
Voqealar tovuqlar doimo qo‘rquvda yashaydigan fermada bo‘lib o‘tadi: agar tuxum qo‘yishmasa, ular darhol so‘yiladi. Faqat qaysar Jinjergina bu bilan kurashishga harakat qilmoqda. Bir kuni tovuqlar uchun umid nuri paydo bo‘ladi: xo‘roz Rokki fermaga uchib keladi, u tovuqlarga uchishni o‘rgatishi mumkin. Biroq u nimanidir yashirmoqda.
Britaniyalik Nik Park — plastilin multfilmlarining eng mashhur zamonaviy yaratuvchisi. Albatta, ko‘pchilik “Uolls va Gromit” yoki hech bo‘lmaganda “Qo‘zichoq Shon”ni ko‘rgan. Ammo uning eng katta loyihasi — “Tovuqxonadan qochish” hisoblanadi..
Izoh (0)