Boylik, mashhurlik, janjallar: AQSHning 47-prezidenti Donald Trampning hayoti fotosuratlarda
AQSHning yangi saylangan prezidenti Donald Tramp 1946-yil 14-iyunda Nyu Yorkning Kvins shahrida tug‘ilgan.
Foto: Alamy
Donald oiladagi besh farzandning to‘rtinchisi. Hozir faqat opasi Elizabet hayot.
Donaldning otasi Fred Nyu York chekkasida muvaffaqiyatli qurilish kompaniyasini boshqargan. 1968-yilda Donald otasining kompaniyasida ishlay boshladi, biroq keyin o‘z kompaniyasini ochib, Manxetten markazidagi ko‘chmas mulk bilan shug‘ullanadi.
Foto: Getty ImagesDonald Tramp Nyu Yorkdagi Trump Plaza ofisida, 1987-yil.Foto: Getty ImagesDonald Tramp Nyu Jersi shtatining Atlantik-Siti shahridagi “Toj Mahal” kazinosi ochilishida o‘yin avtomatlari oldida.Foto: Getty ImagesFoto: Getty ImagesDonald Tramp shaxsiy vertolyotida.Foto: Getty ImagesTramp o‘g‘li kichik Donald Tramp va qizi Ivanka bilan.Foto: Getty Images
Donald Tramp uch marta turmush qurgan va besh farzandi bor. 1977-yilda uning birinchi rafiqasi modelyer va tadbirkor Ivana Zelnichkova edi.
Donald va Ivana Tramp.Foto: Getty ImagesDonald va Marla Tramp Foto: Getty Images
Donald Trampning ikkinchi xotini Marla Maples 1963-yil 27-oktyabrda AQSHda tug‘ilgan. U amerikalik aktrisa, model va televizion yulduz sifatida tanilgan. Marla va Donald 1989-yilda tanishib, tez orada omma e’tiboriga tushgan. Ularning munosabatlari Trampning birinchi xotini Ivana bilan ajrashuviga olib kelgan. Marla va Donald 1993-yilning 20-dekabrida turmush qurgan va shu yili ularning yagona farzandi Tiffani Tramp tug‘ilgan. Ammo ularning nikohi uzoq davom etmaydi va 1999-yilda ajrashishadi. Marla Maples keyinchalik bir qancha xayriya faoliyati va sog‘lom turmush tarzini qo‘llab-quvvatlaydigan loyihalar bilan shug‘ullangan.
Donald va Melaniya Tramp 2005-yilda Los-Anjelesda.Foto: Getty Images
Tramp 2005-yilda uchinchi rafiqasi Melaniya Knaussga uylandi. Ular 1998-yilda tanishgan, o‘shanda Donald 52, Melaniya esa 28 yoshda edi.
Trampning siyosiy faoliyati 2015-yilda boshlangan: u prezidentlik poygasida ishtirok etish niyati haqida Trump Tower’da, oilasi hamrohligida bo‘lib o‘tgan matbuot anjumanida ma’lum qilgan.
Tramp Trump Tower’da nutq so‘zlab, prezidentlikka nomzodini qo‘yish niyatini e’lon qilmoqda.Foto: Getty ImagesDonald Tramp 2016-yilda Nyu Yorkdagi saylovoldi kampaniyasida.Foto: Getty ImagesHillari Klinton va Donald Tramp.Foto: Getty Images
Janjallar bilan kechgan notinch saylov kampaniyasidan so‘ng Tramp demokrat nomzod Hillari Klintonni mag‘lub etdi va AQSHning 45-prezidenti sifatida qasamyod qildi.
Saylov g‘olibi Donald Tramp Vashingtondagi inauguratsiya marosimida ko‘k gilamdan o‘tmoqda.Foto: Getty ImagesDonald Tramp Oq uyning oval kabinetida.Foto: Getty ImagesAQSH ittifoqchilari Prezident Tramp davrida to‘rt yilni boshdan kechirishdi. U tez-tez xorijiy rahbarlar bilan ochiq to‘qnash keldi, yirik iqlim va savdo kelishuvlaridan voz kechdi va Xitoy bilan savdo urushini boshladi. Angela Merkel, Donald Tramp va boshqa dunyo yetakchilari 2018-yilda Kanadadagi G7 sammitida.Foto: Getty ImagesBuyuk Britaniya bosh vaziri Tereza Mey Donald Tramp bilan Oq uyda.Foto: Getty ImagesTramp prezidentligining so‘nggi yilida uning pandemiyaga qarshi kurashi bo‘yicha ko‘p tanqidlar bo‘ldi. U o‘ziga kovid tashxisi qo‘yilganidan keyin 2020-yilgi saylov kampaniyasidan tanaffus qilishga majbur bo‘ldi.Foto: BloombergTramp 2020-yilgi prezidentlik saylovlarida Jo Baydenga yutqazdi, ammo saylovlar soxtalashtirilganligini aytib, natijani tan olishdan bosh tortdi. 6-yanvar kuni u Vashingtonda tarafdorlarini yig‘ib, ularni Kongressga yurishga chaqirdi. Marsh tartibsizlikka aylanib ketdi va Trampning o‘sha kungi harakatlari jinoiy tergov mavzusiga aylandi.Foto: Getty ImagesFoto: Getty ImagesUning siyosiy karyerasi tugaganga o‘xshardi, biroq Tramp yana prezidentlikka nomzodini qo‘yishini e’lon qildi va tezda Respublikachilar partiyasining sevimlisiga aylandi. Tramp saylovoldi kampaniyasini bir necha jinoiy ishlarda ayblanayotgan yoki gumonlanayotgan paytda boshlagan.Foto: Getty Images2024-yil may oyida Tramp 2016-yilgi saylovlar oldidan aktrisa Stormi Daniyelsga pul to‘lash bilan bog‘liq holatni 34 band bo‘yicha soxtalashtirishda aybdor deb topildi. Yozgi saylov kampaniyasi vaqtida Pensilvaniyadagi mitingda Trampga suiqasd uyushtirildi. Ammo o‘q faqat uning qulog‘iga tegdi.Foto: Getty ImagesFoto: Getty ImagesBir necha kundan so‘ng, Miluokidagi Respublikachilar milliy qurultoyida u prezidentlikka nomzod sifatida tasdiqlandi. Donald Tramp 2024-yilgi AQSH prezidentlik saylovlarida g‘alaba qozondi va uning yangi to‘rt yillik muddati yakuniga yetsa, u mamlakat tarixidagi eng keksa prezidentga aylanadi. Muddati tugagunga qadar u 82 yarim yoshga to‘ladi. Jo Bayden noyabr oyida 82 yoshga to‘ladi.Foto: Getty Images
Tramp haqida qiziqarli faktlar
Tramp 2004-yildan 2015-yilgacha NBC telekanalida namoyish etilgan “The Apprentice” dasturida chiqish qilgan. Ushbu dastur unga katta mashhurlik olib keldi va hattoki 2004-yilda “Eng yaxshi realiti shou” uchun “Emmi” mukofotiga nomzod ham bo‘lgan.
Foto: The Washington Post
Tramp kam uxlashi bilan tanilgan. U doimiy ravishda uyquni yengib, kuniga 3-4 soat uxlaydi. Uzoq muddatli va samarali faoliyati uchun bu amaliyotni zarur deb hisoblaydi.
Tramp Marvel va DC Comics’ning ko‘plab qahramonlarini sevadi. Yoshligidan komikslar o‘qishni yoqtirgan. U asosan Supermen, Betmen va Kapitan Amerika kabi qahramonlarga qiziqadi — ular orqali o‘zining maqsadga erishish qobiliyatini kuchaytirishni o‘rganmoqchi bo‘lgan.
U bir vaqtlar aktyor bo‘lishni orzu qilgan. Yoshligida Tramp aktyorlikka qiziqish bildirgan, hatto ba’zi filmlarda epizodik rollarni ijro etgan, masalan, “Uyda yolg‘iz 2” (Home Alone 2) filmida ko‘rinish bergan.
Foto: Home Alone
Aktyorlik uning asosiy maqsadi bo‘lmagan, lekin u shou-biznes va televideniye orqali mashhurlikka erishdi.
Foto: Our Cartoon President
2018-yilda Tramp haqida “Bizning multfilm prezident” (Our Cartoon President) multseriali dunyo yuzini ko‘rgan. Jami 3 fasl va 46 epizoddan iborat satirik kartina uning faoliyati va oilaviy munosabatlari haqida hikoya qiladi.
Izoh (0)