Pixar o‘zining YouTube kanalida “Boshqotirma-2” multfilmining yangi treylerini e’lon qildi, deb yozadi “Pravila jizni” nashri. Statistik raqamlar muxlislar multfilmning davomini intiqlik bilan kutganlariga ishora qilmoqda.
Mashhur filmning davomiy qismida Rayli ancha ulg‘ayib, o‘smirga aylanadi: bosh qahramon o‘zining yangi his-tuyg‘ularni rivojlantiradi va asosiy emotsiyalarini yashirishga va bosishga urinadi. Undan avvalgi treylerda ilk bor Xavotir paydo bo‘lgan edi. Yangi videorolikda esa tomoshabinlar yangi qahramonlar: Xasad, G‘am va Uyalish bilan tanishadilar.
“Boshqotirma” sikvelining rejissyori Kelsi Mann, ssenariy muallifi Meg Lefov. Pit Dokter va Mark Nilsen esa loyiha prodyuserlaridir.
Multfilm qahramonlariga Mayya Xouk, Emi Poler, Fillis Smit, Lyuis Blek, Toni Xeyl va Adel Ekzarkopulos kabi aktyorlar ovoz bergan. Uning premyerasi joriy yilning 14-iyun kunida bo‘lishi rejalashtirilgan.
“Boshqotirma” multfilmining birinchi qismi 2015-yilda chiqqan edi. Unda 11 yoshli Rayli ismi qiz quvonch, qayg‘u, qo‘rquv, g‘azab yordamida muammolarni xal etishni o‘rgangani aks etgan edi.
Izoh (0)