Animatsion filmlar faqat bolalar uchun emas: yosh ulg‘aygan sari satrlar orasiga yashiringan nuyanslarni tushunish yanada qiziqarli bo‘ladi.
“Koralina” (2008)
- Janr: multfilm, fantastika, oilaviy, sarguzasht
- Rejissyor: Genri Selik
- Rollarda: Dakota Fenning, Keyt Devid, Teri Xetcher, Jennifer Sonders, Don French
2009-yilda Nil Geyman hikoyasiga asoslangan to‘liq metrajli qo‘g‘irchoqlashtirilgan multfilm. Dakota Fenning yangi uyida xuddi oilasidek, ammo tugmachalar bilan to‘ldirilgan sirli olamni kashf etgan yosh qiz Koralinaga ovoz bergan.
“Ruhlar olami” (2001)
- Janr: anime, multfilm, fantaziya, sarguzasht, oilaviy
- Rejissyor: Xayao Miyazaki
- Rollarda: Rumi Xiragi, Miyu Irino, Mari Natsuki, Takashi Naito, Yasuko Savaguchi
Ota-onasini afsundan ozod qilish va ularni insonlar dunyosiga qaytarish uchun ruhlar olamiga kirib qolgan yosh qiz haqidagi fantastik anime.
“Koko siri” (2017)
- Janr: multfilm, fantastika, komediya, sarguzasht, oilaviy
- Rejissyor: Li Unkrich, Adrian Molina
- Rollarda: Entoni Gonsales, Gael Garsiya Bernal, Benjamin Bratt, Alanna Ubek, Rene Viktor
Meksikada nishonlanadigan O‘liklar kuniga bag‘ishlangan “Koko siri” multfilmi Migel ismli bolakay haqida bo‘lib, u tasodifan marhumlar dunyosiga tushib qoladi. U yerda katta bobosi bilan uchrashadi va uning yordami bilan oilasidagi lan’atni olib tashlashga harakat qiladi.
“Paddington sarguzashtlari 2” (2017)
- Janr: fantastika, komediya, oilaviy
- Rejissyor: Pol King
- Rollarda: Ben Uishou, Xyu Bonnevil, Salli Xokins, Xyu Grant, Madlen Xarris
Paddingtonning davomini ro‘yxatimizga kiritmaslik noto‘g‘ri bo‘lardi. Filmning ikkinchi qismida xolasining tug‘ilgan kuni uchun ajoyib sovg‘a izlayotgan va qilmagan jinoyatida ayblanayotgan ayiq haqida hikoya qilinadi.
“Ratatuy” (2007)
- Janr: multfilm, sarguzasht, komediya, oilaviy, fantaziya, drama
- Rejissyor: Bred Bird, Yan Pinkava
- Rollarda: Patton Osvalt, Ian Holm, Lou Romano, Brayan Dennexi, Piter Son
Pixar’ning mazkur multfilmi Remi ismli sichqoncha haqida bo‘lib, u Parij restoranidagi farrosh bilan do‘stlashib, oshpaz bo‘lish orzusini amalga oshirishga qaror qiladi. Ushbu blokbaster 2007-yilda eng yaxshi animatsion film uchun “Oskar”ni qo‘lga kiritgan.
“Parij maxluqi” (2010)
- Janr: multfilm, ilmiy fantastika, fantaziya, melodrama, komediya, sarguzasht, oilaviy
- Rejissyor: Bibo Bergeron
- Rollarda: Vanessa Paradis, Metyu Chedid, Gad Elmaleh, Fransua Kluzet, Ludivin Sanye
Parij fuqarolarini dahshatga solgan hasharotga o‘xshash yirtqich hayvon aslida mehribon bo‘lib chiqadi. Gotika uslubi va 1910-yildagi Parijning yorqin tasviri bilan o‘ziga jalb etuvchi kompyuterda ishlangan ajoyib animatsiya.
“Pakana burunboy” (2003)
- Janr: multfilm, musiqiy, fantaziya, oilaviy
- Rejissyor: Ilya Maksimov
- Rollarda: Albert Asadullin, Yelena Shulman, Yevgeniya Igumnova, Natalya Danilova, Igor Shibanov
Mahalliy “Melnitsa” studiyasining birinchi to‘liq metrajli filmi hayratlanarli darajada jiddiy, chiroyli va ta’sirchan animatsion asardir. Mualliflar Vilgelm Gauffning haqiqiy sevgi va do‘stlikning qudrati haqidagi xuddi shu nomdagi ertakning romantik ruhini qamrab olishga muvaffaq bo‘lgan.
“El-Doradoga yo‘l” (2000)
- Janr: multfilm, musiqiy, fantaziya, komediya, sarguzasht, oilaviy
- Rejissyor: Bibo Bergeron, Don Pol, Jeffri Katzenberg
- Rollarda: Kevin Klayn, Kennet Brana, Rozi Peres, Armand Assante, Edvard Jeyms Olmos
DreamWorks animatsion studiyasining dastlabki yillariga xos bo‘lgan tarixiy multfilm. Oltin shaharni qidirayotgan ikki firibgarning hikoyasi klassik romanlarini eslatadi va mashaqqatli qo‘lda chizilgan animatsiya bilan to‘ldiriladi.
“Uddaburon janob Foks” (2009)
- Janr: multfilm, drama, komediya, kriminal, sarguzasht, oilaviy
- Rejissyor: Ues Anderson
- Rollarda: Jorj Kluni, Meril Strip, Jeyson Shvartsman, Bill Myurrey, Uolles Volodarskiy
Ues Andersonning 1970-yilda Roald Dalning xuddi shu nomdagi bolalar kitobi asosidagi stop-moushn komediyasi. Bu multfilmni nafaqat bolalar, balki kattalar ham tomosha qilishi tavsiya etiladi.
“Boshqotirma” (2015)
- Janr: multfilm, oilaviy, komediya, fantaziya
- Rejissyor: Pit Dokter, Ronaldo Del Karmen
- Rollarda: Emi Fohler, Fillis Smit, Richard Kind, Bill Xeyder, Lyuis Blek
Disney va Pixar’ning qiziqarli va ta’sirli hamkorligi natijasi. Voqealar Ralli ismli qizning ongida sodir bo‘ladi, u yerda beshta hissiyot yashaydi. Ular qizning harakatlarini boshqaradi va turli xil hayotiy sharoitlarda — boshqa shaharga ko‘chib o‘tish yoki o‘smirlik davriga qadam qo‘yishda unga yordam beradi.
“O‘yinchoqlar tarixi” (1995)
- Janr: multfilm, fantastika, komediya, sarguzasht, oilaviy
- Rejissyor: Jon Lasseter
- Rollarda: Tom Xenks, Tim Allen, Don Rikls, Jim Varni, Uolles Shon
Hech bir animatsion filmlar ro‘yxati Pixar’ning Gollivud yo‘nalishini o‘zgartirgan debyut filmi “O‘yinchoqlar tarixi”siz to‘liq bo‘lmaydi. Film raqamli animatsion filmlarning yangi davrini boshlab berdi.
“O‘rgimchak odam” (2018)
- Janr: multfilm, ilmiy fantastika, fantastika, jangari, komediya, sarguzasht, oilaviy
- Rejissyor: Bob Persichetti, Piter Remsi, Rodni Rotman
- Rollarda: Shameik Mur, Jeyk Jonson, Xeyli Steynfeld, Mahershala Ali, Brayan Tayri Genri
O‘rgimchak odam haqidagi birinchi animatsion film qiziqarli, jonli va vizual jihatdan hayratlanarli yutuqdir. 2018-yilgi film animatsiya, ovoz berish mahorati, hazil va saundtrek uchun mukofotlarni, shuningdek, eng yaxshi animatsion film uchun “Oskar”ni qo‘lga kiritgan.
“Sening isming” (2016)
- Janr: anime, multfilm, fantastika, drama, melodrama
- Rejissyor: Makoto Sinkay
- Rollarda: Ryunosuke Kamiki, Mone Kamishiraishi, Ryo Narita, Aoi Yuki, Nobunaga Shimazaki
“Sening isming” zamonaviy yapon animatsiyasining asosiy rejissyorlaridan biri bo‘lgan Makoto Sinkayga mashhurlik keltiradi. Tokiolik yigit va qishloqdan kelgan qiz o‘rtasidagi g‘ayritabiiy munosabat haqida hikoya qiluvchi ta’sirli va qiziqarli hikoya.
Izoh (0)