Yangi yil kayfiyatini his qilish uchun ba’zilar “Garri Potter”ning barcha qismlarini tomosha qiladi, kimdir esa “Taqdir hazili”ni yuzinchi marta ko‘radi. Shunga qaramay, ba’zida “pleylist”ingizni yangilashni xohlaysiz.
“Rojdestvo ismli bola”
Nikolas ismli bola qorli Finlyandiyada yashaydi. Bir kuni u qaysar bug‘u va kichkina sichqoncha hamrohligida otasini qidirish uchun g‘ayrioddiy sayohatga chiqadi. U, mish-mishlarga ko‘ra, shodlik va xursandchilik maskani bo‘lgan Elfxaym elflar qishlog‘ini qidirib topishga urinib, g‘oyib bo‘lgan.
“Sokin tun”
Kira Naytli va “Quyon Jojo”dagi aktyor bola Roman Griffin Devis ishtirokidagi noodatiy Rojdestvo komediyasi.
Nell va Saymon eng yaqin do‘stlarini Rojdestvo ziyofatiga taklif qilishadi. Ular birgalikda to‘planganda hammasi yaxshi ketayotgandek tuyuladi, lekin uydan tashqarida haqiqiy apokalipsis boshlanadi.
“Men Santa Klausman”
Qamoqdan ozod etilgan Ettore oilasi tomonidan qabul qilinmagach, yana o‘g‘rilikka qaytadi. Ettore Nikola ismli jentlmenning uyiga bostirib kiradi. Payqaganingizdek, aynan u Santa Klaus bo‘ladi. Nikola Ettore ikkinchi imkoniyatga loyiq deb qaror qiladi va unga boshpana taklif qiladi.
“Muhabbat ifori”
Nina Dobrev muvaffaqiyatsiz uchrashuvlar haqida maqolalar yozadigan yosh jurnalist Natali rolini ijro etadi. Aynan o‘zining shaxsiy hayotidagi muvaffaqiyatsizliklari tufayli u oylik oladi. Va nihoyat, bir kuni Natali Tinderda orzusidagi yigit — Josh bilan tanishadi. Natali Joshga kutilmagan sovg‘a qilishga va Rojdestvoda uning oldiga kelishga qaror qiladi. Lekin chiroyli yigit o‘rniga uning qarshisidan pakana va oddiy yigit chiqadi. Hafsalasi pir bo‘lgan Natali yaqinroqdagi barga boradi va u yerda suratdagi o‘sha yigitni ko‘radi. Endi uning maqsadi — onlayn sevib qolgan kishisining e’tiborini qozonish.
“Rojdestvo qasri”
Filmda taniqli yozuvchi Sofi Braun muxbirlardan qochib, bobosining hikoyalaridagi qal’ani topish uchun Shotlandiyaga sayohat qiladi va u yerda o‘z sevgisini topadi. Ammo avval u qal’ani topadi, qal’ada esa yangi kelgan ayol bilan unchalik do‘stona munosabatda bo‘lmagan gersog Maylz yashaydi. Sofi qal’ani sotib olishga qaror qiladi, lekin gersog uning niyatiga bor kuchi bilan to‘sqinlik qiladi.
“Olaf taqdim etadi”
Yangi yilni multfilmlarsiz tasavvur qilib bo‘lmaydi: quvnoq qorbola Olaf “Muzyurak”, “Suv parisi”, “Qirol sher”, “Moana”, “Rapunzel” ertaklarini o‘z uslubida aytib beradi. Ba’zan unga o‘rmon rekvizitlari va Sven bug‘usi yordam beradi. Multfilm Disney klassikasiga yangicha qarash imkonini beradi.
“Archalar 9”
Bayramga sanoqli soatlar qolganda hammaning yuragi orziqib mo‘jizaga umid bog‘laydi. Butun Gluxarevo qishlog‘i chet el kino yulduzini kutib olishga hozirlik ko‘rmoqda. Tyumenda uy bekasi va bo‘lajak bloger turmush o‘rtog‘i bilan garovda yutishi kerak. Har doimgidek qahramonlarning taqdirlari kutilmaganda bir-biriga bog‘lanadi va har bir kishiga Yangi yil mo‘jizasining bir qismi tegadi.
Izoh (0)