“O‘ninchi qirollik” serialidagi aktyorlar 24 yildan keyin qanchalik o‘zgargan?

“O‘ninchi qirollik” – bu original serial bo‘lib, mashhur ertaklar va afsonalardan bir qancha detal va qahramonlarni, masalan, Oppog‘oy, yovuz malika, “Qizil qalpoqcha” ertagidan bo‘ri, ovchi va boshqalarni o‘z ichiga oladi. Bu qahramonlarni qo‘shish tasodif emas. Serial g‘oyasini o‘ylab topgan va ssenariysini yozgan Saymon Murni bir oddiy fikr ilhomlantirgan – u ertak qahramonlarining ertaklari tugaganidan keyingi hayotlari qanday kechganiga qiziqqan. Masalan, Saymon go‘zal Oppog‘oyni semiz ayol qilib tasvirlagan, ovchi esa malikaga xizmat qilishda davom etib, yanada shafqatsiz bo‘lib qolgan. Quyida mashhur serialning sevimli qahramonlari qanchalik o‘zgarganini tomosha qiling.

Kimberli Uilyams-Peysli — Virjiniya Lyuis

Kimberli Uilyams-Peysli “O‘ninchi qirollik”da ishtirok etishidan oldin ham “Kelinning otasi” filmida o‘ynagan. Mazkur film uchun Kimberli o‘qishini qisqa muddatga to‘xtatadi, ammo tez orada qaytib, teatrda o‘ynay boshlaydi. Darvoqe, “O‘ninchi qirollik”dan keyingi olamshumul mashhurlik Uilyamsga seriallardan butunlay voz kechishga imkon bermaydi. 2001-yildayoq aktrisa “Jim aytganidek” serialining asosiy aktyorlar tarkibiga qo‘shiladi va u yopilgunga qadar suratga tushadi.

Jon Larrokett — Toni Lyuis

“O‘ninchi qirollik” suratga olinayotgan vaqtda Jon Larroket jamoadagi eng mashhur aktyorlardan biri edi. Unga ilk katta muvaffaqiyatni “Tungi sud” sitkomi olib kelgan bo‘lib, unda Jon Den Filding rolini o‘ynagan. Qizig‘i shundaki, Larroket qahramoni dastlab haddan tashqari jiddiy qilib yaratilgan, lekin serial ijodkori Jonda komediya uchun poensial borligini ko‘rib, rolni kulgilirq qilib bergan. Toni Lyuis obrazini o‘ynab bo‘lgach, Larroket televizion ekranlarda faol bo‘lishda davom etib, 2014-yilda “Kutubxonachilar” serialida bosh rolni o‘yanaydi. Shuningdek, 2023-yilda u “Tungi sud”ning davomida ishtirok etadi.

Skott Koen – Bo‘ri rolini ijro etgan

“O‘ninchi qirollik”kacha Skott Koen film va seriallarda ikkinchi darajali va epizodik rollarni o‘ynab kelgan. Ammo 2000-yil uning karyerasida burilish yili bo‘ldi, chunki u o‘sha paytda “Nyu York politsiyasi” va “Gilmer qizlari”da ham rol ijro etdi. Skott tezda muxlislar armiyasiga ega bo‘lib, bosh rollarni birin-ketin ijro eta boshladi. 2024-yilda Skott tomoshabinlarga “Pingvin” serialida Luka Falkone rolida namoyon bo‘ldi.

Dayenn Uist — Yovuz qirolicha

Dayenn Uist bir qancha mashhur film va seriallarda rol o‘ynab, ko‘plab kinomukofotlarga, jumladan, ikkita “Oskar”ga sazovor bo‘lgan bo‘lsa-da, karyerasining asosiy qismi teatr bilan bog‘liq. U 70-yillarda sahnaga chiqa boshlagan va tezda mashhurlikka erishgan. Dayenn hatto Sovet ittifoqida ham gastrollarda bo‘lgan. Hozir deyarli 80 yoshga kirganiga qaramay, Uist suratga tushishni davom ettirmoqda, ammo 90-yillardan beri u ko‘proq kino va seriallarda ishtirok etmoqda. Uning filmografiyasiga “Edvard qaychiqo‘l”, “Firibgar ayol”, “Xanna va uning opa-singillari”, “Qushlar uchun qafas” kiradi. 2021-yildan boshlab esa Uist Jeremi Renner bosh rolni o‘ynayotgan “Kingstaun meri” serialida rol ijro etmoqda.

Ed ONill — Trollar qiroli

Ed O'Nil “Uylangan… bolali” serialida bosh rol uchun kastingga taklif qilinganida unchalik taniqli bo‘lmagan aktyor edi. Ed shu serialda 10 yil davomida ishlaydi, serial tugaganidan keyin unga “O‘ninchi qirollik”da Toni Lyuis rolini o‘ynashni taklif qilishadi. Ed serialga qiziqib qoladi va avvalgi rolini rad etib, trollar qiroli rolini tanlaydi. O‘Nilning fikriga ko‘ra, Toni juda ham “Uylangan… bolali” serialidagi qahramoniga o‘xshardi, u bir xil rolni takrorlashni istamaydi.

Edning filmografiyasida “O‘ninchi qirollik” bo‘lsa-da, birinchi serialdan keyin uning karyerasi biroz to‘xtab qoladi.

Don Lyuis — Sohibjamol

Ekrandagi opa-ukalari orasida Don Lyuis eng mashhuri edi. U o‘z faoliyatini “Boshqa dunyo” serialida boshlagan, shuningdek, yana bir nechta seriallarda bosh rollarni ijro etgan. To‘g‘ri, 90-yillarning oxiriga kelib, Lyuisning karyerasi asta-sekin so‘na boshlaydi, shundan beri u multfilm qahramonlariga ovoz beradi.

Xyu O’Gorman — Kuchli

Trollardan birini o‘ynagan Xyu O‘Gorman filmografiyasida bor-yo‘g‘i 12 ta rol bor. U o‘z faoliyatini 2008-yilda tugatib, o‘zini o‘qituvchilikka bag‘ishlaydi. Hyu o‘zining aktyorlik studiyasini ochadi va aktyorlarni o‘qitishni boshlaydi.

Uorik Devis — Tikanak

Uorik Deyvisning kino olamidagi yo‘li 1982-yilda boshlangan. O‘shanda u “Evoklar qaytishi” filmida Uiket Uistri Uorik rolini o‘ynagan va oradan bir yil o‘tib, shu rolini “Yulduzlar jangi: VI-qism: Jedayning qaytishi” filmida qayta ijro etgan. Ammo bu rol keng omma orasida deyarli sezilmay qolgan edi. Biroq u “Uillou” filmidagi Uillou Afgud va “Leprekon” filmidagi Leprekon rollari bilan katta e’tibor qozondi. Ayniqsa, “Leprekon” shu qadar muvaffaqiyatli bo‘ldiki, keyingi uch yil ichida uning uchta davomi chiqdi. Uorik yana “Garri Potter” filmida ham o‘zini ko‘rsatdi: u professor Flitvik, Uzuntumshuq va bir nechta kichikroq rollarni ijro etadi.