It va robot o‘rtasidagi do‘stlik haqidagi hikoya, qo‘zichoq haqidagi komediya va toshbaqa haqidagi drama bilan quyidagi maqolada tanishishingiz mumkin.
“Interstella 5555: Maxfiy yulduz sistemasi”
- Fransiya, Yaponiya, 2003-yil.
- Fantastika, sarguzasht.
- Davomiyligi: 1 soat 8 daqiqa.
- IMDb: 7,8.
Yovuzlar boshqa sayyoradan musiqachilarni o‘g‘irlab, Yerga jo‘natishadi. U yerda ularning tashqi qiyofasi o‘zgartiriladi, aql-idroklari esa to‘liq nazoratga olinadi. Bularning barchasi guruhning mashhur bo‘lishi va “Oltin albom” mukofotini olishi uchun qilinadi. Agar yovuzlar shunday mukofotlardan 5 555 tasini to‘plasa, u olamning hukmdori bo‘ladi. Biroq musiqachi qizni sevib qolgan uchuvchi qahramonlarni qutqarmoqchi.
Aslida “Interstella 5555” — hatto multfilm ham emas, balki Daft Punk duetining Discovery albomini aks ettiruvchi katta klip. 2001-yilda musiqachilar plastinka uchun Space Battleship anime yaratuvchisi Yamato Leidzi Matsumotoga murojaat qilishadi. Natijada g‘oya to‘liq metrajli animatsion ish darajasiga ko‘tariladi. Multfilmda matn borga o‘xshaydi, lekin bu saundtrekdagi so‘zlar, qahramonlarning o‘zlari esa gaplashmaydi.
“Robotning orzulari”
- Fransiya, Ispaniya, 2023-yil.
- Fantastika, drama.
- Davomiyligi: 1 soat 43 daqiqa.
- IMDb: 7,6.
80-yillarning o‘rtalarida Manxettenda yolg‘iz it yashaydi. U yangi texnologik innovatsiya — robot do‘stni sinab ko‘rmoqchi. Dastlab it texnologiya mo‘jizasiga ishonmaydi, lekin vaqt o‘tishi bilan u robotga juda bog‘lanib qoladi.
O‘zaro munosabatlarning tabiati haqida juda ta‘sirli va kutilmagan tarzda aniq tasvirlangan multfilm. Vaziyatga qarab, It va Robot butun hayotlarini alohida o‘tkazishadi. Oqibatda ularning o‘tmishdagi ideal do‘stligi asta-sekin yomonlashadi va baxtli xotiralarga aylanadi.
“Qizil toshbaqa”
- Fransiya, Belgiya, Yaponiya, 2016-yil.
- Drama.
- Davomiyligi: 1 soat 20 daqiqa.
- IMDb: 7,5.
“Oskar” sovrindori Maykl Dadok de Vitning multfilmi 2016-yilning asosiy madaniy voqealaridan biriga aylandi, shuningdek, Kinoakademiyaning bosh mukofotiga nomzod bo‘ldi. Kimsasiz orolga tushib qolgan odam haqidagi ertak hikoyasi juda qiziqarli: bosh qahramon bahaybat qizil toshbaqaga aylangan qiz bilan uchrashadi va uni sevib qoladi. Keyinchalik ularning farzandi dunyoga keladi va vaqt o‘tishi bilan ota-onasini qoldirib, oroldan suzib ketishga qaror qiladi.
Kartina yaponiyalik mashhur Ghibli studiyasi tomonidan yaratilgan bo‘lib, bu ko‘p jihatdan multfilmning beg‘ubor vizual tasvirlari va inson va tabiatning birligi hamda vaqtning o‘tkinchiligi haqidagi chuqur falsafiy ohanglarni ochib beradi.
“Illyuzionist”
- Fransiya, Buyuk Britaniya, 2010-yil.
- Fantastika, drama.
- Davomiyligi: 1 soat 20 daqiqa.
- IMDb: 7,5.
Fokuschi Tatishchev 1950-yillarning oxirida Shotlandiyada tomosha ko‘rsatadi. Sodda qiz Elis uni haqiqatan ham sehrgar va mo‘jizalar yaratuvchi deb hisoblaydi. Shuning uchun Tatishchev bilan birga ketadi va unga uy ishlarida yordamlashadi. Ammo Elis qahramon uchun sehr illyuziyasini yaratish qanchalik qiyinligini bilmaydi.
Ushbu hikoya aktyor Jak Tati (haqiqiy ismi Yakov Tatishchev) tomonidan yozilgan ssenariyga asoslangan — u syujetni ekranlashtirishga ulgurmagan, lekin uni qiziga xat sifatida yuborgan. Multfilmni esa Silven Shome suratga olgan.
“Shon laqabli qo‘zichoq”
- Buyuk Britaniya, Fransiya, AQSH, 2014-yil.
- Komediya, sarguzasht.
- Davomiyligi: 1 soat 21 daqiqa.
- IMDb: 7,3.
Qo‘zichoq Shon ishdan bir oz dam olmoqchi bo‘lib, xo‘jayinini qanday qilib uxlatishni o‘ylab topadi. Lekin u tasodifan aravada dumalab ketadi, boshi bilan urilib, hushidan ketadi. Endi fermer o‘zini sartarosh deb hisoblaydi, Shon va boshqa qo‘ylar, shuningdek, xo‘jayinning iti uni qutqarishga harakat qilishadi.
“Belvillyalik uchovlon”
- Fransiya, Belgiya, Kanada, 2003-yil.
- Komediya, sarguzasht, drama.
- Davomiyligi: 1 soat 20 daqiqa.
- IMDb: 7,7.
Bolaligidan buvisi nabirasi Chempionni velosiped poygalarida qatnashishga o‘rgatgan. Ammo musobaqa paytida u va yana ikki sportchi jinoyatchilar tomonidan o‘g‘irlab ketiladi. Keyin buvisi nabirasini izlab, yo‘lga tushadi va qiziqarli musiqiy trio bilan uchrashadi.
Agar siz ushbu fransuz multfilmidan kadrlar yoki alohida parchalarni ko‘rsangiz, ehtimol siz u 70 yil oldin suratga olingandek his qilasiz. Multfilmda hamma narsa musiqa va vizual hikoyalar asosida qurilgan va ajoyib rasm eskiz kitobidagi chizmalarni eslatadi — o‘tmishning ajoyib iliq muhitini yaratadi. Rassom Yevgeniy Tomov ushbu multfilm uchun 800 tagacha fon chizishiga to‘g‘ri kelgan.
“Bolakay va dunyo”
- Braziliya, 2013-yil.
- Sarguzasht.
- Davomiyligi: 1 soat 20 daqiqa.
- IMDb: 7,1.
Kuka ismli bolakay ota-onasi bilan baxtli yashardi, lekin bir kuni otasi ish izlab ketadi. Zerikkan Kuka katta chamadonni yig‘ib, poyezdga chiqadi, lekin shamol uni uzoq o‘lkalarga olib ketadi. Endi bola yaqinlari bilan qayta topishish yo‘llarini izlashi kerak.
“Sirli orol”
- Latviya, 2019-yil.
- Fantastika, detektiv, sarguzasht.
- Davomiyligi: 1 soat 15 daqiqa.
- IMDb: 6,6.
O‘smir yigitcha parashyutda qandaydir sirli hududga tushib qoladi. U yerda bola mototsikl va yaralangan qushni topib oladi. Ular sayohatga otlanishadi, qahramonning maqsadi noaniq. Biroq ular duch kelgan barcha mavjudotlardan hayotni so‘rib oluvchi allaqanday yirtqich hayvon ta’qib qilayotganini bilishadi.
“Sirli orol” — latviyalik Gints Zilbalodisning mualliflik loyihasi bo‘lib, u o‘zi ssenariy muallifi, rejissyor, bastakor va muharrir sifatida ishlagan.
Izoh (0)