Walt Disney studiyasining YouTube kanalida “Mufasa: Qirol sher” filmining birinchi tizer-treyleri joylandi. Bu haqda “Pravila jizni” nashri xabar berdi.
“Qirol sher” multfilmining prikvelida Simbaning otasi — Mufasa haqida hikoya qilinadi. Filmda Rafiki ismli mandrill maymuni Mufasa haqida nutq so‘zlaydi, vaqti-vaqti bilan uning hikoyasini bo‘lgan Timon va Pumba o‘z hazillari bilan lirik chekinish qilib turadi.
Multfilm boshida Mufasa ota-onasidan erta ajralgan, adashib qolgan va yolg‘iz jonivor ko‘rinishida namoyon bo‘ladi. Ammo u qirollik qoni vorisi Taka ismli sher bilan uchrashib qolgandan so‘ng barchasi o‘zgarib ketadi. Tasodifiy uchrashuv o‘z taqdirini izlab yo‘lga chiqqan bir guruh sherlar uchun ajoyib sayohatning boshlanishiga sabab bo‘ladi, — deb yozib qoldirilgan tizer tavsifida.
Film rejissyori Barri Jenkins (“Oy nuri”) bo‘lib, Mufasa qahramoniga Aaron Pyer ovoz bergan. Shuningdek, dublyajda aktyorlardan Mads Mikkelsen (Kiros yetakchisi), Donald Glover (Simba), Beyonse (Nala) va uning qizi Blu Ayvi (Kiara), Set Rogen (Pumba) va Billi Aykner (Timon) ishtirok etgan.
“Mufasa: Qirol sher” multfilmi premyerasi 20-dekabrda namoyish etilishi kutilmoqda.
Izoh (0)