Seriallardagi obrazlari bilan tanilgan bo‘lsa-da, katta kinoda o‘z o‘rnini topolmagan Gollivud aktyorlari (foto)

Mazkur aktyorlarni ko‘plab filmlar orqali yaxshi taniysiz. Kinodagi bir necha o‘n yillik faoliyatiga qaramay, ular katta kinoda muvaffaqiyat qozonolmagan.

Natan Fillion

2002-yilda Natan Fillion dastlab “Yonarqo‘ng‘iz” serialida rol o‘ynaydi, lekin serial bir yil ichida tugatiladi, u yangi loyihalar qidirishga majbur bo‘ladi. Natan bir necha filmlarda rol o‘ynasa-da, ammo katta muvaffaqiyat qozonmaydi. Keyinchalik u “Kasl” serialida ishtirok etadi, bu serial 2016-yilda yakunlanadi. Shunga qaramay, Fillion uzoq vaqt ishsiz qolmaydi va 2018-yilda “Yangi kelgan” serialida bosh rolni o‘ynaydi. Uning mashhur seriallari orasida tanaffuslar bo‘lishiga qaramay, u kinoda katta yutuqlarga erishmaydi. Fillion asosan kichik yoki epizodik rollarni ijro etadi, yoki multfilm qahramonlariga ovoz beradi. Fillion 50 yoshdan oshganini hisobga olsak, u katta kinoga o‘tishi ehtimoldan yiroq.

Mett LeBlan

“Do‘stlar” serialining muvaffaqiyati bilan Matt Leblan “Ed”, “Kosmosda yo‘qolganlar”, “Charli farishtalari”, “Diversantlar” va “Charli farishtalari: olg‘a” kabi filmlarda rol o‘ynaydi, lekin katta kinoda o‘z o‘rnini topa olmaydi. Shuning uchun asosiy umidlar “Joui” serialiga bog‘liq edi, u “Do‘stlar” tugaganidan keyin darhol boshlangandi. Joui Tribbiani “Do‘stlar”dagi eng qiziqarli personajlardan biri bo‘lgani uchun serialning muvaffaqiyati kafolatlangandek edi. Lekin “Joui” ikki yildan keyin yopiladi va Mett aktyorlikdan ketadi. U besh yil o‘tib “Epizodlar” serialida ishtirok etadi, keyin “Hammasi joyida” serialida rol o‘ynaydi.

Devid Duxovni

David Duxovniga teatr yoqsa ham, bir necha muvaffaqiyatsizliklardan keyin u umidini yo‘qotadi va ko‘proq seriallarda suratga tusha boshlaydi. Bu uni 9 yil ishlagan “Maxfiy materiallar” serialiga olib keladi. Uning Jillian Anderson bilan dueti tugagach, u televideniyeda ishlashda davom etadi va 2016-yilda “Maxfiy materiallar” qaytganida hech ikkilanmasdan serialga qaytadi. Shunday bo‘lsa-da, Duxovni katta kino yulduzi bo‘lishga qaror qilgan shekilli, chunki 2020-yildan boshlab u ko‘proq kinoda rollar o‘ynayapti.

Aaron Pol

Ko‘pchilik Aaron Polni nafaqat “Mashaqqatlar sari” serialidan, balki “Need for Speed: Tezlik chanqog‘i” va “Mashaqqatlar sari yo‘l: Film” filmlaridan ham taniydi. Shu sababli tomoshabinlar orasida Aaronning kino karyerasi muvaffaqiyatli bo‘lgan degan tasavvur bor. Aaron haqiqatan ham kinoda o‘z o‘rnini topishga harakat qiladi, lekin u ko‘p vaqtini yomon filmlarda ikkinchi darajali rollarga sarfladi. Shuning uchun uni asosan “Mashaqqatlar sari”, “Yovvoyi G‘arb dunyosi” va “Qora oyna” seriallari bilan eslashadi, ayniqsa u “Qora oyna”ning eng yaxshi dramatik epizodlaridan birida o‘ynagan.

Zak Braff

“Klinika” Zak Braffni yulduz qilib, unga rejissyorlik hamda prodyuserlik tajribasini beradi, bu orqali u keyinchalik “Chiroyli ketish”, “Shu yerda bo‘lishni istardim” va “Yaxshi odam” kabi bir nechta filmlarda suratga tushadi. Zak 2006-yilda u “Vidolashuv bo‘sasi” filmida, to‘rt yil o‘tib “Hayot qiymati”da, keyinroq esa “Gollivudcha firibgarlik”da rol o‘ynaydi. Biroq har safar Zakka nimalardir to‘sqinlik qiladi — film muvaffaqiyatsiz chiqadi yoki boshqa aktyorlarning soyasida qoladi. “Klinika” hali ham uning asosiy roli bo‘lib qolmoqda, garchi u yakunlanganiga 14 yil bo‘lgan bo‘lsa ham.

Jeffri Din Morgan

Jeffri Din Morgan karyerasini seriallardan boshlagan. “Noodatiy” serialidan oldin Jeffri “Harbiy-huquqiy xizmat”, “Issiq nuqta”, “Yulduzli yo‘l: Enterprayz”, “Yolg‘iz yurak”, “Tamaki” va “Shifokorlar anatomiyasi” kabi seriallarda rol o‘ynashga ulgurgan, ularning ko‘pida kattaroq rollarni o‘ynagan. Keyin Morgan kinoga o‘tib, 2009-yildan boshlab “Qo‘riqchilar”, “Vudstokni zabt etish”, “Shanxay”, “Tuzoq”, “Kuryer”, “Betmen Supermenga qarshi: Adolat tongi” kabi bir nechta filmlarda rol o‘ynaydi. Garchi “Qo‘riqchilar” kabi ayrim muvaffaqiyatlar bo‘lgan bo‘lsa ham, umuman olganda, uning kino karyerasi unchalik muvaffaqiyatli bo‘lmagan.