Bolaligimizda gazetada chop etilgan teledasturni diqqat bilan kuzatib, qachon multfilmlar ko‘rsatilishini izlardik. Ularni hayrat bilan tomosha qilgan holda kichik xatolar va nomuvofiqliklarga e’tibor ham bermasdik.
“Uchar kema”
Zabava ochgan saroy darchalaridagi romb shaklidagi teshik bir kadrda bor, bir soniyadan keyin esa yo‘q bo‘lib qoladi. Ammo keyingi kadrlarda malika likopchalarni tashlashni boshlaganida, rassomlar hamma narsani to‘g‘ri — yuqori xonaning ichki qismidagi ko‘rinishga muvofiq chizishgan.
“Prostokvashinolik uchovlon”, “Prostokvashinodagi bayramlar”, “Prostokvashinoda qish”
Multfilmdagi mushuk Matroskinning o‘naqay yoki chapaqay ekanligini bilib bo‘lmaydi. U chap panjasi bilan tikuv mashinasining dastasini aylantiradi, lekin o‘ng qo‘li bilan gitara chaladi, yozayotganda ham qalamni o‘ng qo‘lida ushlaydi.
Prostokvashino haqidagi multfilmning barcha qismlarida Fyodor amaki boshqacha tasvirlanadi. Bolaligimizdan 3 xil Fyodor amakini tomosha qilganmiz.
Darhaqiqat, har 3 qismdagi qahramonlar obrazlari turli rassomlar tomonidan yaratilgan va ularning har biri personajlar haqida o‘ziga xos tasavvurga ega edi. 2-qism chiqqandan keyin loyihani tark etgan multfilm muallifi Levon Xachatryan shunday deydi: “Agar barcha Fyodor amakini yonma-yon qo‘ysangiz, bular butunlay boshqa bolalar ekanligi ayon bo‘ladi”.
Tashqi ko‘rinishdagi o‘zgarishlar Fyodor amakining onasida ham bor — uning ko‘z rangi doimo o‘zgarib turadi.
“Mitti yenot”
Yenot maymun bilan gaplashayotganda, uning dumi bir lahzaga yo‘qoladi, keyin yana tomoshabinlar ko‘z o‘ngida paydo bo‘ladi.
“Kichkintoy va Karlson”
“Kichkintoy va Karlson”ning ba’zi sahnalarida bosh qahramonning orqasidagi parragi yo‘qolib qolganini ko‘rish mumkin.
Ajablanarlisi shundaki, televizor ekranidagi sohibjamol bilan birga, nafaqat qurilmaning simi, balki vilka ulangan rozetka ham izsiz yo‘qoladi.
“Qorbobo va yoz”
Multfilmning 21-soniyasida tomoshabinlar bosh qahramonning chap tomonida allaqachon bo‘yalgan qorbobo o‘yinchog‘i borligini ko‘radi. Biroq keyingi soniyada uning qo‘lidagi o‘yinchoq bo‘yalmagan haykalchaga aylanadi.
“Vinni Pux”
Bosh qahramonlar tashrif buyurgan Quyonning uyidagi oynada negadir ayiqning aksi ko‘rinadi, cho‘chqachaniki esa yo‘q.
Shu kabi Vinni Pux va cho‘chqacha quyonning oldiga kelganida soat zinapoyadan unchalik uzoq bo‘lmagan joyda osilib turardi. Biroq ular ketishayotganida soat joyida yo‘q edi.
“Uy ajinasi Kuzya”
Voqea boshida Natasha oshxonani supurayotganda deraza ostida radiator yo‘q, lekin bir muncha vaqt o‘tgach, u sirli ravishda paydo bo‘ladi.
“Dyuymchaxon”
Aslida bir dyuym 2,54 santimetr, shunda mitti qizaloqning bo‘yi odam barmog‘idan ancha kichik bo‘ladi. Ammo nega Dyuymchaxonni ko‘targan ayolning barmoqlari uning bo‘yiga deyarli to‘g‘ri kelishi sirligicha qolmoqda.
“Etik kiygan mushuk”
Ajoyib o‘zgarishlar “Etik kiygan mushuk” kiyimlarida ham sodir bo‘ladi. Avvaliga u mutlaqo hech narsasiz paydo bo‘ladi, keyin u kamar taqqan holda ko‘rsatiladi, navbatdagi kadrda u etik kiygan, ammo kamarsiz. Nihoyat u yigitdan kamarni oladi-da o‘zi taqib oladi va sahna oxirida to‘liq kiyingan holda ko‘rinadi.
“Maugli”
Mauglining bo‘ynidagi qizil xanjar itlar quvlagan sahnada bir necha marta g‘oyib bo‘ladi.
“Voronej ko‘chasidagi mushuk”
Epizodlardan birida tuyaqush orqasida sirli ravishda qum uyumi paydo bo‘lganini ko‘rish mumkin — aynan u boshini yerga tiqib olmoqchi bo‘lgan paytda.
Dastlab palma daraxti ostida kokos yong‘og‘ining 3 ta bo‘lagi bor edi, keyin ular 2 ta bo‘lib qoladi.
“Senimi, shoshmay tur”
Bo‘ri va quyonning sarguzashtlari haqidagi ushbu multfilm kadrlarida quduq arqonlari boshqacha o‘ralgan.
“Leopold laqabli mushuk”
Leopold orolda qolib ketganida himoya sifatida ishlatgan tova bir g‘oyib bo‘ladi, birozdan so‘ng yana o‘sha joyda paydo bo‘ladi.
Konserva idishning kattaligi ham tushunmovchilikka sabab bo‘ladi.
Izoh (0)