22 yil yozilgan ssenariy: juda uzoq suratga olingan filmlar 10 taligi

Gollivud ko‘pincha har kuni filmlar chiqaradigan konveyerni eslatadi. Biroq loyihalarning atigi 10 foizi katta ekranlarga chiqadi. Qolgan 90 foizi qog‘ozda qolib ketadi.

10. “Terminator 3: Mashinalar yuksalishi” (2003)

Qayta ishlangan: 12 yil

“Terminator 3” ni suratga olish fikri uning ikkinchisini tasvirga olish paytida, ya’ni 1991-yilda paydo bo‘lgan edi. Ammo 1995-yilda ikkinchi qismini chiqargan Carolco Pictures kompaniyasi bankrot bo‘ladi. Kemeron film ssenariysini yozib qo‘ygan, lekin “Titanik” filmini suratga olish bilan band edi, shuning uchun unga ko‘p vaqt ajratolmaydi. Keyin Carolco asoschilari yangi C2 Pictures studiyasini yaratadi va yangi aktyorlar tarkibini yig‘adi. Ular tarkibiga yana bir rejissyor, bir qancha ssenariy mualliflari va o‘sha paytda siyosiy karyera bilan shug‘ullanayotgan Shvarsenegger kiradi. Natijada film ish boshlanganidan 12 yil o‘tib ekranlarga chiqadi va muvaffaqiyat qozonadi.

9. “Irlandiyalik” (2019)

Qayta ishlangan: 12 yil

Film ustida ishlash 2007-yilda boshlangan, ssenariy 7 yil davomida qayta yozilgan. Roman qahramoniga aylangan real shaxslar haqida yangi tafsilotlar oshkor bo‘ladi, shuning uchun Skorseze “Irlandiyalik” filmi ekranlarga chiqquncha yana uchta film suratga olishga muvaffaq bo‘ladi.

8. “Yura davri parki” 4 (2015)

Qayta ishlangan: 14 yil

“Yura davri parki”ga aylangan loyiha aslida uch original filmning davomi bo‘lishi kerak edi. 2001-yilda uchinchi qism ekranlarga chiqadi va darhol keyingisi ustida ish boshlanadi. Ammo bir qator mojarolar va ssenariy mualliflari va rejissyorlarning ketishi syujetni ko‘p marta qayta ishlashga va film jamoasini doimiy ravishda yangilab turishga majbur qiladi. Shunday qilib, u biroz boshqacha nomga ega remeykka aylanadi va faqat 2015-yilga kelibgina ekranlarga chiqadi.

6. “Avatar” (2009)

Qayta ishlangan: 15 yil

Kemeron 80 sahifalik ssenariyni 1994-yilda yozgan. Rejissyor uni yaratish uchun hali yetarli darajada kuchli texnologiyalar yo‘qligini tushunadi, shuning uchun ssenariy ustida ishlashda davom etib, ularning paydo bo‘lishini kutadi. Bir paytlar film 1999-yilda chiqishi kutilgan edi, lekin Kemeron o‘jarlik bilan loyihani 2007-yilga qoldiradi. Keyin esa ikki yil ichida filmni suratga oladi va kinoda haqiqiy inqilob qiladi.

5. “Dedpul” (2016)

Qayta ishlangan: 16 yil

2000-yildan beri aqldan ozgan Marvel qahramoni haqidagi loyiha studiyalarni aylanib chiqdi, prodyuser va rejissyorlari o‘zgaradi. Rayan Reynolds uni o‘ynashi kerakligi aniq edi, ammo aktyor orzusidagi rolni 16 yil kutishiga to‘g‘ri keladi.

4. “Telba Maks: G‘azab yo‘li”

Qayta ishlangan: 16 yil

Film g‘oyasi rejissyor tomonidan 1999-yilda shakllantirilgan, 2001-yilda Fox studiyasida ish boshlangan. Ammo 11-sentyabr terakti tufayli film byudjeti puchga chiqadi. 2003-yilda studiya 100 million dollar ajratgan, biroq Avstraliya cho‘lidagi yomg‘ir butun dekoratsiyani vayron qilgan. Keyin ular Afrikada suratga olishga harakat qilishadi, ammo u yerda harbiy holat mavjud edi — natijada yana suratga olish ishlari bekor qilinadi. Rejissyor bir muncha vaqt multfilm suratga olish haqida o‘ylab yurgan, ammo yana original g‘oyasiga qaytgan. 2015-yilga kelib, nihoyat 16 yildan so‘ng orzusini ro‘yobga chiqarishga muvaffaq bo‘lgan.

3. “Alita: Jang farishtasi”

Qayta ishlangan: 19 yil

2000-yilda Jeyms Kemeron ushbu film ustida yaqindan ishlay boshlaydi, lekin doimo boshqa loyihalar bilan chalg‘iydi. Yangi rejissyor Rodriges loyihaga kelganida filmning 186 betlik ssenariysi va 600 sahifali eslatmalari mavjud edi. Kemeron Rodrigesning ishidan qoniqish hosil qiladi va o‘zi prodyuser sifatida qolib, loyihani yakunlashni unga topshiradi.

2. “Dallas xaridorlar klubi”

Qayta ishlangan: 21 yil

Ssenariy 1992-yilda yozilgan, biroq hech bir studiya uni qabul qilmagan. 2011-yilda Jan-Mark Valle rejissyor etib tayinlanadi va filmni suratga olishni boshlaydi. Ssenariy yozilganidan 21 yil o‘tib, film ekranlarga chiqadi.

1. “Himoyachilar”

Qayta ishlangan: 22 yil

Ushbu kult film suratga olinmasidan oldin deyarli barcha Gollivud studiyalarini aylanib chiqadi. 1987-yildan buyon loyiha qayta yoziladi. Terri Gilliam 90-yillar oxirida u ustida ishlagan, ammo bu komiksni suratga olishning iloji yo‘qligini tan oladi. Darren Aronofskiy va Pol Gringrass ham byudjet bo‘yicha kelisha olmagach, filmga qo‘l urmaydi. 2006-yilda Zak Snayder kelgach, uning sharofati bilan film 3 yildan keyin ekranlarga chiqadi.