So‘nggi o‘n yil ichida eng g‘aroyib va ta’sirchan ertaklarning ekranlashtirilgan versiyalarini taqdim etamiz.
“Malefisenta”
- AQSH, Hindiston, Kanada, Italiya, Buyuk Britaniya, Zambiya, 2014-yil.
- Fentezi, oilaviy, melodrama, sarguzasht.
- 1 soat 37 daqiqa.
- IMDb: 6,9.
Malefisenta odamzod dunyosi bilan chegaradosh sehrli qirollikda — Topki botqog‘ida yashaydi. Bir kuni pari Stefan bilan tanishadi — ular avval do‘stlashadi, keyin esa bir-birini sevib qolishadi. Bir necha yil o‘tgach, ulg‘aygan Stefan jodugarni aldaydi: qirolga xizmat qilish uchun uning qanotlarini o‘g‘irlaydi.
Shunda Malefisenta uning qizi Avrorani la’natlaydi — qiz 16 yoshga to‘lishi arafasida urchuqdan yaralanadi va chuqur uyquga ketadi. Avrora 15 yoshga to‘lganda Malefisenta bilan uchrashadi va asta-sekin unga bog‘lanib qoladi. Ammo tavqi la’natni endi bekor qilib bo‘lmaydi.
“Malefisenta” ertaklarning eng original qayta talqinlaridan biridir. Ijodkorlar bosh qahramon qilib yaxshi malikani emas, yovuz jodugarni olishgan. Va bu filmning yagona qiziqarli dramaturgik topilmasi emas.
“Kruella”
- AQSH, Buyuk Britaniya, Kanada, Irlandiya, 2021-yil.
- Komediya, kriminal, drama.
- 2 soat 14 daqiqa.
- IMDb: 7,3.
Estella Miller (Emma Stoun) mayda firibgar va kiyim dizayni bo‘yicha iste’dodli qiz, moda univermagida ishga kiradi. Bir kuni u vitrinani o‘z uslubida qayta bezaydi — bu uchun uni ishdan bo‘shatishlari mumkin edi. Ammo moda olamida mashhur bo‘lgan baronessa fon Xellman (Emma Tompson) Estella ijodiga qiziqib, uni yordamchi sifatida yollaydi. Biroq tez orada qahramon baronessaning onasi o‘limi bilan qandaydir bog‘liqligini tushunadi.
“Kruella” “Malefisenta”ning to‘g‘ridan-to‘g‘ri merosxo‘ri. Filmlarning asosiy farqi shundaki, “Kruella” vorealari fantastik olamda emas, balki 70-yillar Londonda sodir bo‘ladi.
“Pinokkio Gilermo del Toro”
- AQSH, Meksika, Fransiya, 2022-yil.
- Multfilm, myuzikl, fantaziya, drama, sarguzasht, oilaviy.
- 1 soat 57 daqiqa.
- IMDb: 7,6.
Birinchi jahon urushi paytida Jepettoning o‘g‘li bombadan halok bo‘ldi. Bir necha o‘n yillar o‘tsa ham o‘g‘lidan ayrilganini unutolmagan usta yog‘ochdan Pinokkio qo‘g‘irchog‘ini yasaydi. Ammo Mussolinining kuchi mamlakatda endigina gullab-yashnamoqda edi. Zolimning xizmatkorlari yog‘och bolaga qiziqishadi, chunki uni o‘ldirib bo‘lmaydi, demak u ideal askar. Bu orada qiziquvchan Pinokkio fashizmni ulug‘laydigan teatrga borib qoladi.
“Sohibjamol va maxluq”
- Fransiya, Germaniya, Ispaniya, 2014-yil.
- Fentezi, triller, drama, melodrama, oilaviy.
- 1 soat 52 daqiqa.
- IMDb: 6,4.
Savdogar mol olib kelish uchun safarga otlanadi. Uyga qaytishda u kenja qizi Bell uchun atirgulni uzadi, lekin gul yaqin atrofdagi tashlandiq qal’adagi dahshatli maxluqqa tegishli ekanligi ma’lum bo‘ladi. Endi savdogar uning yerto‘lasida abadiy qamoqqa mahkum etilgan.
Maxluq sayyohga oilasi bilan xayrlashishga ruxsat beradi, ammo qaytish vaqti kelganda Bell otasining o‘rniga qasrga boradi. Maxluq shu zahotiyoq go‘zal qizni sevib qoladi, qiz esa undan faqat nafratlanadi. Tez orada Bell bu joyning o‘tmishi haqida tush ko‘rishni boshlaydi va u asta-sekin sodir bo‘layotgan voqealarga munosabatini o‘zgartiradi. Bosh rollarda fransuz aktyorlari Lea Seidu va Vensan Kassel.
“Qarsildoq va to‘rt qirollik”
- Kanada, AQSH, Buyuk Britaniya, 2018-yil.
- Fentezi, sarguzasht, oilaviy.
- 1 soat 39 daqiqa.
- IMDb: 5,6.
Rojdestvo arafasida Klara o‘limidan oldin onasi sovg‘a qilgan metall tuxumni qanday ochishni topishga harakat qiladi. Cho‘qintirgan otasi — Drosselmeyer unga kalit sovg‘a qiladi, lekin sichqon uni o‘g‘irlab ketadi. Qarsildoq — kapitan Filipp Gofman bilan birga Klara sichqonlar qiroli bilan jang qilish va sovg‘ani qaytarish uchun sehrli mamlakatga boradi.
“Qarsildoq va to‘rt qirollik” — Disneyning mashhur Rojdestvo ertagining yorqin ekranlashtirilgan versiyasi. Rejissyor Lasse Xallstryom sahnalashtiruvchi rassomlar bilan birgalikda ekranda to‘rt sehrli qirollikning yorqin va esda qolarli dunyosini yaratishga muvaffaq bo‘ldi.
“Alisa mo‘jizalar mamlakatida”
- AQSH, Tailand, Buyuk Britaniya, Hindiston, Kanada, 2016-yil.
- Fentezi, detektiv, sarguzasht, oilaviy.
- 1 soat 53 daqiqa.
- IMDb: 6,2.
Tim Byortonning “Alisa mo‘jizalar mamlakatida” filmining ikkinchi qismida voqelikka ko‘nikib, otasining savdo-sotiq ishlarini davom ettirayotgan Alisa yana mo‘jizalar mamlakatiga qaytishga majbur bo‘ladi. Do‘stlari unga Shlyapachi boshiga tushgan xavf haqida xabar berishadi. Unga yordam berish uchun qiz o‘tmishdagi xatolarni tuzatishi va vaqtning o‘zi bilan muloqot qilishi kerak.
Film ssenariysi ijodkorlarning sof fantaziyasi bo‘lib, u Lyuis Kerrollning ertagiga unchalik o‘xshash emas. Bu safar Tim Byorton prodyuser bo‘lib, rejissyorlik o‘rnini “Mappetlar” postanovkachisi Jeyms Bobinga beradi.
“Gretel va Genzel”
- AQSH, Kanada, Irlandiya, 2020-yil.
- Dahshat, fantaziya.
- 1 soat 27 daqiqa.
- IMDb: 5,5.
Onasi Gretel bilan Genzelni uydan haydab yuboradi. Endi bolalar mustaqil yashashga majbur. Bir amallab kun ko‘rish uchun yo‘lga tushganlar to‘satdan o‘rmonning eng ichkarisidagi qora uyga duch kelishadi. U yerda qariya ayol yashaydi, ammo ular uchun dasturxon hozirlangan va tunash uchun joy tayyor. Gretel bilan Genzel oqko‘ngil kampirning uyida qoladi, lekin kundan kunga uning niyatlariga shubha qila boshlaydilar.
“Gretel va Genzel” — Osgud Perkinsning bolalar jarohatlari va yolg‘izlik haqidagi qo‘rqinchli ertagi. Aka-uka Grimmlar hikoyasida asosiy qahramon Genzel — u bosgan yo‘lini toshlar va non bilan belgilab beradi. Perkins esa e’tiborini Gretelga qaratadi. Qahramonning taqdiri o‘rta asrlarda ham, hozirgi davrda ham ayol qismatining aksiga aylanadi.
Izoh (0)