Multfilmlar bolalar uchun yaratiladi, degan fikr xato ekanini quyidagi asarlarni tomosha qilib tushunib olasiz.
“O‘laksaxo‘rlar qirolligi”
Koinot tubida yuk kemasi qulaydi — endi ekipaj mutlaqo notanish va o‘ta xavfli sayyorada omon qolishi kerak. Mazkur multfilmning asosiy afzalligi shundaki, ko‘pchilikdan farqli o‘laroq, mualliflar keraksiz voqealarga vaqt sarflamaydi. “O‘laksaxo‘rlar qirolligi”ning har bir daqiqasi bebahodir.
“Ninzya Kamui”
“Ninzya Kamui” — o‘z qabilasidan Amerikaga qochib ketgan sobiq ninzya haqida hikoya qiladi. Ammo uni topib, o‘ldirishga harakat qilishadi. O‘likxonada hushiga kelgan bosh qahramon jinoyatchlardan qasos olishga qaror qiladi.
“Haqiqiy g‘am”
Satoshi Konning mazkur asari bolalarga tavsiya qilinmaydi — ma’lum bir yoshga qadar bunday multfilmlarni tushunish juda qiyin. Syujet voqealari aktrisa bo‘lishga qaror qilgan sobiq qo‘shiqchi atrofida sodir bo‘ladi. U noma’lum odamning ta’qibi tufayli asta-sekin aqldan ozadi.
“To‘qqiz”
Insoniyatni qutqarish kalitiga ega bo‘lgan qo‘g‘irchoqlar bo‘lgan fantastik dunyo haqidagi ertak. Multfilmga Konstantin Xabenskiy, Valeriy Zolotuxin, Guf, Vladimir Turchinskiy, Tutta Larsen va boshqalar ovoz bergan.
“Akira”
Bu kattalar uchun yapon animatsiyasining haqiqiy klassikasi. Animeda o‘tgan asr davomida va undan keyingi kunlarda ko‘tarilgan mamlakatni tashvishga solgan barcha mavzular — yadro urushi, totalitarizm, diktatura, odamlar ustida o‘tkazilgan parapsixologik tajribalar tasvirlanadi.
“Yevangelion”
Bolalarga tomosha qilish tavsiya etilmaydigan yana bir asar — “Yevangelion” inson va uning ruhiy tushkunligining barcha qirralarini haqiqiy psixologik aspektda o‘rganadi.
“Van Gog. Muhabbat bilan, Vinsent”
Buyuk rassom hayoti haqida badiiy asar yaratish nihoyatda mashaqqatli ish. Bundan tashqari, bu bo‘zga moybo‘yoq bilan chizilgan dunyodagi birinchi multfilmdir. Van Gogni sevuvchilar uchun haqiqiy sovg‘a.
“Malika Mononoke”
Hayao Miyazaki bo‘lmaganida, bu ro‘yxat to‘liq bo‘lmasdi. E’tiborli jihati shundaki, uning animatsiyalari tomoshabinning yoshidan qat’i nazar dolzarb bo‘lib qolaveradi.
“Moviyko‘z samuray”
Edo davrida Yaponiyada G‘arbdan kelgan odamlarga nisbatan o‘ziga xos munosabat mavjud edi, shuning uchun bosh qahramon boshqalar orasida ishonch qozonolmaydi. Va u o‘zini chetga surganlardan o‘ch olishga qaror qiladi. Animatsiya, syujet, musiqa — bu serialdagi hamma narsa shunchaki yuqori darajada.
“Muhabbat. O‘lim. Robotlar”
Bu turli mavzulardagi mustaqil qisqa hikoyalar to‘plamidir. Qaysidir ma’noda asar “Qora oyna”ni eslatadi, chunki serialni fantaziya mavzusi birlashtiradi.
“Arkeyn”
Multfilm ijodkorlari tomoshabinlar eng ko‘p qiziqqan o‘yin dunyosi haqida hikoya qilishadi, chunki bu o‘yinning o‘zida yetarli darajada ochib berilmagan.
Izoh (0)