Fantastika janri nafaqat aqlbovar qilmaydigan dunyolar va haqiqatlar haqida orzu qilish imkoniyati, balki ba’zida bu orzular ro‘yobga chiqqani uchun ham sevib tomosha qilinadi. Ba’zida bu janrdagi asarlar kelajakni shunchalik aniq bashorat qiladiki, hatto bundan qo‘rqib ketish ham mumkin.
“Matritsa”, 1999
Tomas Andersonning hayoti ikki qismga bo‘lingan: kunduzi u oddiy ofis xodimi bo‘lib, rahbarlaridan tanbeh eshitadi, kechasi esa Neo ismli xakerga aylanadi va tarmoqda u kirolmaydigan joy qolmaydi. Tomas reallik haqidagi dahshatli haqiqatni bilib qolgach, hamma narsa o‘zgaradi.
“Vall-i”, 2008
Multfilmda insoniyat Yerni tark etadi va kosmosga uchadi. Kichkina Vall-I esa sayyorani axlatdan tozalaydigan yagona robotga aylanadi. Biroq robot uni kelajakda qanday voqealar kutayotganini bilmaydi. Multfilm davomida Vall-I yangi do‘stlar bilan uchrashadi, kosmosga uchadi va hattoki insonlarni Yerga qaytaradi.
“Qor kechib”, 2013
Sayyorada texnogen falokat sodir bo‘ladi, hamma yoqni qor va muz qoplaydi, hayot faqat TransYevrosiyo magistral bo‘ylab to‘xtovsiz harakatlanayotgan poyezdda saqlanib qolgan. Poyezdning birinchi vagonlarida elita, oxirgi vagonlarida oddiy odamlar bor.
“Intersteller”, 2014
Qurg‘oqchilik, chang bo‘ronlari va o‘simliklarning nobud bo‘lishi insoniyatni oziq-ovqat inqiroziga olib keladi. Tadqiqotchilar va olimlar guruhi insoniyatga yashash uchun qulay sayyorani topishda qora tuynukdan o‘tishlari kerak.
“To‘qqiz”, 2009
Dahshatli urushda insoniyat mexanik maxluqlar tomonidan yo‘q qilinadi. O‘limidan oldin aqlli mashinalarni ixtiro qilgan professor to‘qqizta latta qo‘g‘irchoq tikib, ularga inson ruhlarini joylashtirishga ulgurib qoladi. Ular birgalikda bir-biriga yordam bergan holda o‘z vazifalarini bajarish uchun omon qolishlari kerak.
“Ertadan keyin”, 2004
Yerning bir qismida barcha tirik mavjudotlar qurg‘oqchilikdan nobud bo‘ladi, boshqa tomonida — suv toshqinlari shaharlarni vayron qiladi. Tabiiy ofatning yaqinligi global isishni to‘xtatish yo‘lini topishga urinayotgan iqlimshunosni o‘g‘lini qidirib yangi muzlik davriga kirgan Nyu Yorkka borishga majbur qiladi.
“Vaqt”, 2011
Vaqt yagona va eng qimmatbaho valyutaga aylangan, odamlar 25 yoshida qarishni to‘xtatish uchun genetik dasturlashtirilgan dunyo. To‘g‘ri, keyingi yillarda ham yashashni xohlasang, pul to‘lashing kerak. Shunday qilib, boylar abadiy yashashga, kambag‘allar esa hayot uchun kurashishga mahkum.
“Marslik”, 2015
“Ares 3” Mars missiyasi yaqinlashib kelayotgan qum bo‘roni tufayli zudlik bilan sayyorani tark etishga majbur bo‘ladi. Muhandis va biolog Mark Uotnining skafandri shikastlanadi va missiya xodimlari uni o‘lgan deb hisoblaydi. Uni Marsda yolg‘iz qoldirib, qolgan xodimlarni sayyoradan evakuatsiya qilishadi.
Izoh (0)