Bolaligingizda filmlarni hozirgidan boshqacha ko‘rgansiz. Yorqin animatsiya va mehribon personajlar imkon qadar qalbingizni zabt etib, yoqimli taassurot qoldirgan. Endi esa e’tiborni kino orqali yetkazilgan ma’nolarga qaratish vaqti keldi.
“Boshqotirma”
- 2015-yil
- Janr: komediya/drama
- Rejissyor: Pit Dokter
- Ssenariy muallifi: Pit Dokter
- Rollarda: Emi Pehler, Mindi Kaling, Keytlin Diaz, Bill Xeyder, Richard Kind, Lyuis Blek
Bosh qahramon Rayli o‘zining asosiy his-tuyg‘ulari bilan tanishadi, ular bir-biri bilan bahslashadi, shu bilan birga qizni qiyin paytlarda qutqaradi. Ularni hamma biladi: qo‘rquv, quvonch, qayg‘u, g‘azab va jirkanish. Ammo hamma ham ularni to‘liq ifodalashni bilmaydi, ayniqsa kattalar. “Boshqotirma” sizga his-tuyg‘ularingizni ko‘rsatish qanchalik muhimligini eslatib turadi.
“Qoyadagi baliqcha Ponyo”
- 2008-yil
- Janr: fantastika
- Rejissyor: Hayao Miyazaki
- Ssenariy muallifi: Hayao Miyazaki
- Rollarda: Yuria Nara, Xiroki Doi, Tomoko Yamaguchi, Kazushige Nagashima, Yuki Amami, Jorj Tokoro
Hayao Miyazaki asarlari hamisha chuqur mazmuni bilan ajralib turadi. Muallifning o‘zi tomonidan yaratilgan ajoyib animatsiya nafaqat har qanday bolani, balki kattalarni ham hayratda qoldiradi. Multfilmni tomosha qilayotganda ajoyib sarguzashtlar olamiga sho‘ng‘iysiz.
“Paddingtonning sarguzashtlari”
- 2014-yil
- Janr: komediya
- Rejissyor: Pol King
- Ssenariy muallifi: Pol King
- Rollarda: Salli Hokins, Nikol Kidman, Hyu Bonnevill, Jim Broadbent, Juli Uolters
Perudan Londonga ko‘chib o‘tgan Paddington ismli ayiqcha uni zabt etish umidida mashhur poytaxtga joylashadi. Braunlar oilasi unga bu borada yordam beradi va uning sarguzashtlariga qo‘shiladi. Samimiy Paddington maqsadlaringizga erishishga undaydi va hech narsa imkonsiz emasligini isbotlaydi
“Yuqoriga”
- 2009-yil
- Janr: komediya
- Rejissyor: Pit Dokter
- Mualliflar: Pit Dokter, Bob Peterson, Tom MakKarti
- Rollarda: Edvard Asner, Kristofer Plammer, Jordan Nagay, Bob Peterson
Keksa qahramon Karl Fredriksen havo sharlarida sayohatga chiqadi. Shunday qilib, u dunyodan o‘tgan xotinining orzusini amalga oshiradi. Parvoz tufayli Karl nafaqat istaklarning muhimligini eslabgina qolmay, balki unga yangi taassurotlar beradigan do‘st topadi.
“Kichkina shahzoda”
- 2015-yil
- Janr: fantastika
- Rejissyor: Mark Osborn
- Ssenariy muallifi: Irena Brignal
- Rollarda: Makkenzi Foy, Jeff Brijs, Reychel Makadams, Jeyms Franko, Benisio Del Toro, Riki Gervais
Sent-Ekzyuperining bolalik klassikasi ushbu multfilmda yangi talqinda tasvirlanadi. Multfilm borliq, sevgi va hayot haqidagi savollarning mohiyatini tushunishga yordam beradi. Film bosh qahramoni bilan birgalikda Kichkina shahzodaning sayyoralarni kezib yurishi haqidagi hikoyani bilib olasiz. U dunyoda vijdonli inson bo‘lib qolish qanchalik muhimligini ko‘rsatadi.
“Alvido, Meri Poppins”
- 1984-yil
- Janr: musiqiy
- Rejissyor: Leonid Kvinixidze
- Ssenariy muallifi: Vladimir Valutskiy
- Rollarda: Natalya Andreichenko, Filipp Rukavishnikov, Anna Plisetskaya, Albert Filozov
“Xonim, ismingiz nima?”... Nafis va mukammal enaga Meri Benkslar oilasiga keladi va u yerdagi bolalar Maykl va Jeynni sehr va ertaklar olamiga olib ketadi. Kattalar uning yordami bilan bolalik dunyosiga qaytadi. Meri allaqachon sizni Benkslarnikida kutmoqda, shoshiling va ko‘ring.
“Enkanto”
- 2021-yil
- Janr: musiqiy komediya
- Rejissyor: Bayron Hovard, Jared Bush
- Muallif: Jared Bush, Charis Kastro Smit
- Rollarda: Stefani Beatris, Mariya Sesiliya Botero, Jon Leguizamo, Mauro Kastillo, Jessika Darrou, Anji Kepeda
Multfilm qahramoni Mirabell oilada sehrli kuchga ega bo‘lmagan yagona ayoldir. Garchi u boshqa iste’dodlarga ega bo‘lsa ham, o‘zini omadsiz his qiladi. Multfilm odamni o‘zini qabul qilish mavzusini ko‘tarib, hatto sehrli sovg‘alarsiz ham baxtli bo‘lish mumkinligini ko‘rsatadi.
“Charli va shokolad fabrikasi”
- 2005-yil
- Janr: fantastika/komediya
- Rejissyor: Tim Byorton
- Muallif: Jon August
- Rollarda: Jonni Depp, Freddi Xaymor, Helena Bonem Karter, Noy Teylor, Dip Roy, Denni Elfman
Bir necha baxtli g‘oliblar Charlining shokolad fabrikasiga sayohat chiptasini yutib oladi. Ularni shakar yo‘llari, mazali shirinliklar va kulgili umpa-lumpalar bilan unutilmas sayohat kutmoqda. Film har kim o‘z istaklarini amalga oshirishi mumkinligini ko‘rsatadi. Asosiysi, ularga ishonish, taslim bo‘lmaslik va ularga erishish uchun olg‘a intilish lozim.
Izoh (0)