Нафақат болалар, балки катталар ҳам мультфильм томоша қилиш орқали улардаги яширин ва чуқур маънони англашлари мумкин. Келинг, нуфузли мукофотларга сазовор бўлган ва 2024 йилда юқори касса даромадларига чиққан энг яхши анимацион фильмларни тақдим этамиз.
“Ёввойи робот”
- Давлат: АҚШ
- Жанр: Фантастика, саргузашт
- IMDb рейтинги: 8,3
Робот РОЗЗУМ 7134 ёки оддийгина Роз кема ҳалокатидан сўнг кимсасиз оролга келиб қолади. Роз атрофдагиларнинг ҳар қандай топшириқларини бажариш учун дастурлаштирилган. Атрофда одамлар йўқ, шунинг учун робот ҳайвонлардан кимга унинг ёрдами керак эканлигини қидириши керак бўлади. Роз оролни ўрганишни бошлайди ва тасодифан ғоз инини вайрон қилади — фақатгина битта тухум бутун қолади. Энди унинг асосий вазифаси чала туғилган жўжаларга ғамхўрлик қилишдир. Бир қарашда иш унчалик мураккаб эмасдек туюлади — ғоз боласини боқиш, шунингдек, уни учиш ва сузишга ўргатиш керак. Лекин Роз қушларни катта қилиш ҳақида ҳеч нарса билмайди. Шунинг учун бу ишда унга ўзини “ғозлар бўйича эксперт” деб эълон қилган тулки Финка ёрдам беради.
“Шиллиқурт хотиралари”
- Давлат: Австралия
- Жанр: Драма
- IMDb рейтинги: 8,1
Ота-онаси вафотидан кейин Грэйс Пудл билан унинг эгизак акаси Гилберт бир-биридан ажратилиб, турли оилаларга жўнатилади. Қиз ёлғиз катта бўлади, у шиллиқуртлар билан боғлиқ ҳамма нарсани излашга, ўрганишга ва тўплашга қизиқади. Қаҳрамонни фақат кекса аёл Pinkи қўллаб-қувватлайди, у дунёга оптимистик қарашга ва ўтмишдаги муаммолар ҳақида ўйламасликка ўргатади. Аммо вақт ўтиб Грэйс акаси билан содир бўлган фожиа ҳақида билиб қолади.
“Ортингга қара”
- Давлат: Япония
- Жанр: Драма
- IMDb рейтинги: 8,0
Фудзино мактаб газетаси учун кичик мангалар — кулгили тўрт кадрли комикслар яратишга қизиқади, аммо бир куни мактаб ўқитувчиси Фудзино ишларининг ўрнига Кёмото исмли бошқа бир боланинг расмларини нашр этади. Фудзино унинг жуда иқтидорли эканлигига гувоҳи бўлади ва ўз маҳоратини оширишга бел боғлайди. Кунларнинг бирида умидсизликка тушиб қолган қиз ҳоббисини тарк этишга қарор қилганда Кёмото билан шахсан учрашиб қолади..
“Трансформэрлар: интиҳо”
- Давлат: АҚШ
- Жанр: Илмий фантастика, саргузашт
- IMDb рейтинги: 7,7
Кибертрон сайёрасида робот кончилар Орион Пакс ва унинг энг яқин дўсти Д-16 даҳшатли сирни очади. Маълум бўлишича, уларнинг раҳбари Sentinel Прайм босқинчиларга қимматли энергия етказиб берадиган хоин бўлади. Орион ва Д-16 халқини қутқаришга уриниб, улар авваллари дўст ҳисоблаган раҳбари билан абадий душманга айланади.
“Бошқотирма-2”
- Давлат: АҚШ
- Жанр: комедия, фантастика, саргузашт
- IMDb рейтинги: 7,6
Ҳаётда ҳар биримиз дуч келадиган ҳис-туйғулар ҳақидаги ҳикоянинг давомида ҳам худди ўша қаҳрамонлар экранда гавдаланади, аммо эндиликда орадан икки йил ўтган ва Райли 13 ёшда бўлади. Атиги бир кунда қизнинг шахсиятидаги асосий ҳис-туйғулари — қувонч, қайғу, ғазаб, қўрқув ва жирканишнинг кундалик тарзи ўзгариб кетади. Эрталаб Райли бошқа одам бўлиб уйғонади. Энди унинг юзида барча ўсмирларга хос бўлган ҳуснбузарлар билан бирга норозиликнинг ўзига хос ифодаси бор. Ўсмирлик Райлига ташвиш туфайли бошқа яна бир нечта ҳис-туйғуларни тақдим этади.
“Робот орзулари”
- Давлат: Франция. Испания
- Жанр: фантастика, драма
- IMDb рейтинги: 7,6
Ёлғиз ит антропоморф ҳайвонлар яшайдиган дунёда ҳаёт кечиради. Телевизорда бир рекламани кўриб қолиб, у ўзига робот дўстни буюртма қилади. Қаҳрамонлар бирга яшайди, рақсга тушишади ва ҳаётдан завқланади. Кунларнинг бирида иккиси денгизга боради. Сув тушгандан сўнг Робот фалаж бўлиб қолади, кучук эса унинг ортидан ёпиқ пляжга кира олмайди.
Ушбу мультфильмида умуман матнлардан фойдаланмаган. Аввалига дўстлик ҳақидаги эртак сифатида бошланган фильм севган кишини қўйиб юбориш ва айрилиқни ўтказиш ҳақидадир.
“Орион ва Зулмат”
- Давлат: Франция, АҚШ
- Жанр: Фентези, комедия, саргузашт
- IMDb рейтинги: 6,3
Дунёдаги деярли барча нарсадан қўрқадиган, лекин ҳаммасидан ҳам қоронғиликдан чўчийдиган Орион исмли бола ҳақидаги таъсирли ҳикоя. Унинг ҳаёти ташвишларга тўла ва у ўзига қўрқинчли туюлган ҳамма нарсадан қочади. Аммо бир куни унинг асосий қўрқуви — Зулмат унинг уйига меҳмонга келганда ҳаммаси ўзгаради. Зулмат қўрқинчли махлуқ эмас, балки ғайриоддий ва меҳрибон мавжудот экан. У Орионга ўзининг қўрқувларини бартараф этиш учун ажойиб саёҳатга чиқишни таклиф қилади. Улар биргаликда сирли ва ғайриоддий жойларга ташриф буюришади, бу ерда бола илгари уни энг кўп қўрқитган нарсаларга дуч келади. Бу мультфильм қўрқувларни қабул қилиш, уларни енгишни ўрганиш ва ҳатто илгари фақат зулмат кўринган жойларда ҳам дунёнинг гўзаллигини кашф этиш қанчалик муҳимлиги ҳақида.
“Кунг-Фу панда 4”
- Давлат: АҚШ, Хитой
- Жанр: Фентези, комедия, саргузашт, жангари
- IMDb рейтинги: 6,3
Устоз Шифу Пони Аждарҳо жангчиси бўлишдан воз кечиб, Тинчлик водийсининг руҳий етакчиси бўлишга таклиф қилади. Аммо панда ўзининг ташқи қиёфасини ўзгартиришга ва бошқа кунг-фу усталарининг услубига тақлид қилишга қодир бўлган янги душман борлигини билиб қолади. У ҳақда айёр ва ўғри тулки Чжен сўзлаб беради. Эндиликда По ҳар бир буюк жангчининг кучига эга бўлган асосий душман — Буқаламунга қарши курашиши керак бўлади.
“Яхши бўлиш осонми 4”
- Давлат: АҚШ
- Жанр: Фантастика, комедия, саргузашт
- IMDb рейтинги: 6,2
Грю, Люси ва уларнинг қизлари Марго, Эдит ва Агнес — отасини қийноққа солишга қарор қилган оиланинг янги аъзоси кичик Грюни кутиб олишади. Грю Максим Ле Мал ва унинг хавфли севгилиси Валентина тимсолида янги душманга дуч келади ва шунинг учун оила бошқа шаҳарга қочишга мажбур бўлади. Оила янги жойга кўникишга ҳаракат қилар экан, бу вақтда хонадонга янги инсон ташриф буюради — Грю ва Люсининг чақалоғи дунёга келади.
“Сеҳрланганлар”
- Давлат: АҚШ, Испания.
- Жанр: Фантазия, комедия, саргузашт
- IMDb рейтинги: 6,3
15 ёшли малика Элиан сеҳрли давлатда яшайди. Қизнинг асосий муаммоси шундаки, унинг ота-онаси баҳайбат мавжудотга айланган. Бундай сирни саройдагилардан яшириш тобора қийинлашиб боради. Элиан ота-онасига қўйилган сеҳрни олиб ташлаш учун хавфли саёҳатга йўл олади.
Изоҳ (0)