Pixar va Disney kompaniyalari tomonidan ishlab chiqilgan “Boshqotirma-2” animatsion filmining dunyo bo‘ylab prokatdan kelgan daromadi 725 million dollardan oshdi. Film premyerasidan atigi 9 kun o‘tib, bunday natijaga erishdi. Kino mutaxassislari multfilm yaqin kelajakda bir milliard dollardan ortiq daromadga chiqishini taxmin qilmoqda.
Bugungi kunda tezkorlik bilan o‘sib borayotgan kassa tushumlari “Boshqotirma-2”ning yilning eng yuqori daromad keltirgan filmlari ro‘yxatida birinchi o‘rinni egallashi imkonini beradi. Ilgari yetakchilikni 711 million dollar daromad bilan “Dyuna: ikkinchi qism” filmi egallagan edi.
Biroq “Boshqotirma-2” animatsion filmi eng ko‘p daromad keltirgan loyihalar ichida yaqin orqada yetakchilikni qo‘ldan boy berishi mumkin. Joriy yil 24-iyul kuni “Dedpul” va “Rosomaxa” blokbasterlari namoyishi kutilmoqda. Filmlar rekord darajada daromad keltirishi bashorat qilinmoqda.
“Boshqotirma” sikvelining rejissyori Kelsi Mann, ssenariy muallifi Meg Lefov. Pit Dokter va Mark Nilsen esa loyiha prodyuserlaridir.
Izoh (0)