“Moana” animatsion filmining ikkinchi qismi jahon kassalarida 221 million dollar yig‘ib, Disneyning so‘nggi besh yil ichida eng yuqori daromad keltirgan animatsion loyihasiga aylandi. Multfilm kassa yig‘imlari bo‘yicha yetakchi bo‘lgan 2019-yilgi “Muzyurak 2”ni ortda qoldirdi.
Variety nashrining ma’lumotlariga ko‘ra, “Moana 2” filmiga chiptalar sotuvi dastlabki bashorat qilingan ko‘rsatkichdan (135-145 million dollar) oshib ketgan. Shuningdek, animatsion film premyera kunida 57 million dollar ishlab, tarixdagi eng yaxshi prokat natijalaridan birini ko‘rsatdi. Unda Motanui orolida yashovchi jasur qiz hikoyasi davom etadi.
Syujetga ko‘ra, Moana ota-bobolaridan sirli xat oladi va Maui bilan birgalikda unga savollariga javob topish uchun xavfli sayohatga yo‘l oladi.
“Moana”ning birinchi qismi “Eng yaxshi to‘liq metrajli animatsion film va “Eng yaxshi qo‘shiq” (How Far I’ll Go) nominatsiyalarida “Oskar”ga nomzod etib ko‘rsatilgan edi.
Izoh (0)