Egizaklar haqidagi klassikadan tortib, Disney filmlarigacha hech qachon ko‘ngilni qoldirmaydi. Filmni tomosha qilish asnosida egizagingiz bo‘lishini orzu qilasiz.
“Egizaklar”
- 1988-yil
- Janr: komediya, jinoyat
- Rejissyor: Ayven Reytman
- Mualliflar: Uilyam Devis, Uilyam Osborn, Timoti Harris
- Rollarda: Arnold Shvarsenegger, Denni DeVito, Kelli Preston, Klou Uebb, Bonni Bartlett, Marshall Bell, Trey Uilson, Devid Karuzo
“Egizaklar” — 1988-yilda rejissyor Ayven Reytman tomonidan tug‘ilish chog‘ida ajralgan egizaklar (Arnold Shvarsenegger va Denni DeVito) haqidagi komediya. Film ko‘cha tarbiyasini olgan, ammo aqlli Vinsent (DeVito) va sodda Julius (Shvarsenegger) haqida hikoya qiladi.
“Egizaklar: men va soyam”
- 1995-yil
- Janr: melodrama, komediya, oilaviy
- Rejissyor: Endi Tennant
- Muallif: Debora Din Devis
- Rollarda: Meri-Keyt Olsen, Eshli Olsen, Kirsti Alley, Stiv Guttenberg, Filipp Bosko, Jeyn Sibbet, Mishel Grisom, Desmond Robertson
Badavlat odamning qizi Alissa (Eshli Olsen) va oddiygina qizaloq Amanda (Meri-Keyt Olsen) yozgi lagerda uchrashib qolib, egizak opa-singil ekanliklarini bilib olishadi. Alissaning otasi Rojer (Stiv Guttenberg) uning boyligiga uchgan firibgar ayolga uylanmoqchi, mehribon ijtimoiy xizmat xodimi Dayan (Kirsti Alley) esa agar yangi oila Amandani asrab olsa, chetga chiqmoqchi. Qizlar yaqinlari bir-birini sevib qolishi uchun joy almashishga qaror qiladi.
“Egizak jodugarlar”
- 2005-yil
- Janr: fantastika, drama, komediya, oilaviy
- Rejissyor: Styuart Gillard
- Mualliflar: Melissa Gould, Daniel Berendsen, H.B. Gilmor
- Rollarda: Tia Mouri, Tamera Mouri, Kristen Uilson, Patrik Fabian, Jennifer Robertson, Pat Kelli, Jessika Greko, Jeki Rozenbaum
Tug‘ilganda bir-biridan ajratilgan Aleks va Kamrin 21-tug‘ilgan kunida uchrashadi va birgalikda ishlaganda ularning g‘ayrioddiy qobiliyati ikki baravar ortishini sezib qolishadi.
“Ota-onalar uchun tuzoq”
- 1998-yil
- Janr: drama, melodrama, komediya, sarguzasht, oilaviy
- Rejissyor: Nensi Meyers
- Mualliflar: Devid Svift, Nensi Meyers, Charlz Shyer
- Rollarda: Lindsi Lohan, Dennis Quaid, Natasha Richardson, Eleyn Hendriks, Liza Enn Uolter, Saymon Koonts, Polli Hollidey, Meggi Uiler
Tug‘ilganda ajralgan va biologik ota-onalari tomonidan alohida tarbiyalangan egizaklar Enni va Holli (Lindsi Lohan o‘ynagan) yozgi lagerda bir-biri bilan tanishadi va ajrashgan ota-onalarini qayta birlashtirish rejasini tuzadi.
“Malika o‘rnida”
- 2018-yil
- Janr: melodrama, komediya
- Rejissyor: Mayk Rohl
- Muallif: Robin Bernheim, Megan Metzger
- Rollarda: Vanessa Enn Hudgens, Sem Palladio, Nik Sagar, Alexa Adeosan, Suan Braun, Mark Fleyshman, Sara Styuart, Pavel Duglas
Bu kino egizaklar haqidagi odatiy film bo‘lmasligi mumkin, ammo u har qanday kayfiyatga mos keladigan ajoyib komediya. Chikagolik novvoy qiz (Vanessa Hadjens o‘ynagan) Belgraviyadagi Rojdestvo pishiriqlari tanlovida qatnashadi. Belgraviyada u shahzodaning qallig‘ini uchratadi. Ular bir xil ko‘rinishda bo‘lib, 2 kunga joy almashadi.
“Yaxshi bo‘lish osonmi”
- 2017-yil
- Janr: multfilm, fantastika, komediya, kriminal, sarguzasht, oilaviy
- Rejissyorlar: Kayl Balda, Per Koffant, Erik Gilon
- Muallif: Sinso Paul, Ken Daurio
- Rollarda: Stiv Karell, Kristen Uig, Trey Parker, Miranda Kosgrouv, Dana Guyer, Nev Charrel, Per Koffan, Stiv Kugan
Minionlar va ularning xo‘jayini haqidagi franshiza ko‘plab qiziqarli film va sevimli qahramonlarni yaratdi. “Yaxshi bo‘lish osonmi 3” filmida tomoshabinlar Gryuning egizak akasi Dryu bilan tanishadi. Aka-uka alohida o‘sgan, har biri ota-onasidan biri bilan yashagan. Shunday qilib, ular uchrashadi va bu aqlbovar qilmaydigan voqealarga olib keladi.
“Moslashuv”
- 2002-yil
- Janr: drama, komediya
- Rejissyor: Spayk Jons
- Muallif: Charli Kaufman, Syuzan Orlean
- Rollarda: Nikolas Keyj, Meril Strip, Kris Kuper, Brayan Koks, Tilda Suinton, Kara Seymur, Judi Grir, Meggi Jillenhol
Orhideya haqidagi kitobni film ssenariysiga aylantirishni hech o‘ylab ko‘rganmisiz? Charli Kaufman haqiqiy va noreal o‘rtasida almashinadigan “Moslashuv” komediyasida xuddi shunday muammoga duch keladi. Nikolas Keyj Charli rolini o‘ynaydi — filmning boshidan oxirigacha uning egizak akasi Donald bilan bahslashib, Syuzan Orlinning “Orhideya o‘g‘risi” kitobini ssenariyga moslashtirishga harakat qilayotganini ko‘ramiz.
Izoh (0)