Bolaligimizda hammamizga tanish bo‘lgan “Olovuddin”, “Shrek”, “Sohibjamol va maxluq” va boshqa multfilmlarni qayta-qayta tomosha qilganmiz. Lekin syujet, qahramonlar tarixi va boshqa mayda-chuyda detallarga deyarli e’tibor bermaganmiz. Ba’zan ular haqiqatan ham juda qiziqarli, hatto syujetdagi yashirin ma’nolarni ham ochib beradi.
Shrekning hojatxonasidagi yarim oy dastlab ayollar hojatxonasining ramzi bo‘lgan bo‘lishi mumkin
Ilgari hojatxonalar hatto savodsiz aholi ham tushuna oladigan maxsus piktogramma bilan belgilangan, degan taxmin bor. Yarim oy ayollar hojatxonasida, quyosh esa erkaklarnikida ishlatilgan. Bunday belgilar bir sababga ko‘ra qabul qilingan: qadim zamonlardan beri oy ayollarning, quyosh esa erkaklarning ramziy belgisi hisoblanadi.
Yana bir taxmin ham bor: hojatxona eshigidagi kesma shunchaki shamollatish va ayni paytda o‘ziga xos tutqichdir. Bu kesmaning shakli juda muhim emas edi: romb, V yoki yurak shaklidagi tirqishlar ham bo‘lgan. Ammo ommaviy madaniyatning tarqalishi bilan yarim oy kundalik hayotda qo‘llana boshlandi.
Olovuddinning bosh kiyimidagi pat qahramon yolg‘on gapirayotganidan darak beradi
O‘zining ijobiy fazilatlari va qahramonligiga qaramay, Olovuddin ham firibgar bo‘lgan. Uning kamchiliklaridan biri — xayolparastlikka moyillik va natijada yolg‘on gapirishidir. Ayniqsa, Olovuddin shahzoda qiyofasida sulton va Yasmin saroyiga kelganida ko‘p yolg‘on gapiradi.
Kiyimining o‘ziga xos xususiyati — yolg‘on gapirayotganidan darak beruvchi sallasidagi katta binafsharang patdir. Olovuddin haqiqatni gapirsa, u o‘z holidek turadi. Ammo qahramon o‘zining uydirma boyliklari, xizmatkorlari va “saroy hayoti mashaqqatlari” haqida gapira boshlasa, pat pastga egilib qoladi, ba’zan esa to‘g‘ri yuziga tushadi.
“Maxluqlar uyushmasi”dagi Bu “Sohibjamol va maxluq” multfilmidagi qo‘shiqni kuylaydi
Salli Buni hojatxona eshigi yonida kutib turganda qizcha g‘o‘ldirab, qo‘shiq kuylaydi. Ushbu qahramonga ovoz bergan aktrisa Meri Gibbs mualliflik huquqi bilan bog‘liq muammolar tufayli dublyaj paytida original qo‘shiqdan foydalana olmaganini tan oladi.
Multfilm ijodkorlari Meri tomonidan ijro etilgan tasodifiy ohanglar to‘plamini yozib olishadi va eng yaxshi qismini tanlashadi. Agar multfilmning asl nusxasini tomosha qilsangiz, Bu qo‘shig‘ining bir qismi “Sohibjamol va maxluq” filmining asosiy saundtreki bo‘lmish Tale as Old as Time’ni eslatadi.
“O‘yinchoqlar tarixi” multfilmidagi kovboy Vudi aslida o‘rta yoshli erkak
“O‘yinchoqlar tarixi-2”da Vudi o‘zining o‘tmishi – 1950-yillarda multfilmlarda ishtirok etganini haqida bilib qoladi. Taxminlarga ko‘ra, birinchi qismda voqealar 1995-yilda (multfilm chiqqan yili), uchinchi va to‘rtinchi qismlarda esa 20 yildan keyin sodir bo‘ladi. Bu shuni anglatadiki, Vudi 40 yoshdan oshgan. Multfilmlar seriyasining oxirida u 60 yosh atrofida bo‘lishi kerak.
“Sohibjamol va maxluq” multfilmidagi Bellning kitobi qahramonning taqdiriga ishora qiladi
Multfilm boshida Bell favvora yonida o‘tirib, qo‘shiq kuylaydi. Yangi kitobining sahifalardan birida qaysidir ma’noda kelajakdagi syujetni bashorat qiladigan rasmni ko‘rish mumkin. Rasmda qasr fonida qora sochli qiz va yigit tasvirlangan.
“Yaxshi bo‘lish osonmi” multfilmidagi Gryuning qizlari uning uchta asosiy minioniga o‘xshaydi
Diqqat bilan qarasangiz, Gryuning qizlari uning uchta asosiy minioni — Kevin, Styuart va Bobga o‘xshashligini ko‘rish mumkin. Qizlar ularga nafaqat hajmi va tashqi ko‘rinishi, balki xarakteri bilan ham mos keladi. Margot, Edit va Agnes Gryuning asrandi qizlari ekanligini hisobga olsak, bu bosh qahramon ongsiz ravishda unga eng sevimli minionlarini eslatgan qizlarni asrab olishga qaror qilganidan dalolat beradi.
Diyego suvdan faqat “Muzlik davri”ning ikkinchi qismida qo‘rqadi
“Muzlik davri 2” multfilmida syujetdagi xatolikni bemalol payqash mumkin. Franshizaning bu qismida Diyego to‘satdan suvdan qo‘rqib qoladi. U hatto Sid masxara qiladigan ko‘lmakka tushishdan ham cho‘chiydi.
Biroq birinchi qismda Diyego suvdan qo‘rqmaydi. U multfilm avvalida ona-bolani ta’qib qilganda daryo bo‘ylab xotirjam yuguradi. Umuman olganda, ikkinchi qismda ham suvdan qo‘rqish tushunchasi aslida noto‘g‘ri, chunki yo‘lbarslar tug‘ilgandayoq suza olishadi.
Izoh (0)